Foto Ilustruese
TIRANË– Një 28-vjeçar nga Durrësi është prangosur pasi ishte shpallur në kërkim nga Interpoli. Policia e Shtetit ka prangosur me qëllim ekstradimin në Shqipëri, 28-vjeçarin Lirim Islamaj, i cili ishte dënuar me 4 vite burg për “mashtrim”.
Në nëntor 2015, Islamaj i ka marrë automjetin një të njohuri me iniciale A. T., banues në Fier, për ta rregulluar në një servis automjetesh në Durrës por nuk ia ka kthyer më kurrë. Pronari i mjetit disa muaj më pas e ka paditur për mashtrim.
NJOFTIMI I PLOTË:
Interpol Tirana
Falë bashkëpunimit të Interpol Tiranës me homologët, një tjetër person i shpallur në kërkim ndërkombëtar kapet dhe ekstradohet drejt vendit tonë.
Në vijim të bashkëpunimit të ZQK INTERPOL Tirana me zyrat homologe, për kapjen dhe ekstradimin e personave në kërkim ndërkombëtar, është vënë në pranga në Itali, shtetasi shqiptar Lirim Islamaj, 28 vjeç, lindur dhe banues në Durrës.
Shtetasi Lirim Islamaj ishte shpallur person në kërkim ndërkombëtar, pasi Gjykata e Shkallës së Parë Durrës, në vitin 2018, e ka dënuar këtë shtetas me 4 vjet burg për veprën penale “Mashtrimi”.
Përmbledhje e ngjarjes së ndodhur:
Në nëntor 2015, shtetasi Lirim Islamaj i ka marrë automjetin shtetasit A. T., banues në Fier, për ta rregulluar në një servis automjetesh në Durrës dhe nuk ia ka kthyer më këtë automjet pronarit të ligjshëm.
I dëmtuari, më datë 11.01.2016, ka bërë kallëzim penal në Komisariatin e Policisë Durrës, për vjedhje të automjetit me anë të mashtrimit.
Falë bashkëpunimit dhe shkëmbimit të informacionit mes Interpol Tiranës me Interpol Romën u bë e mundur kapja dhe ekstradimi i shtetasit Lirim Islamaj drejt vendit tonë.
(k.m/dosja.al)
