Bota

Masat e reja në Britaninë e Madhe/ Londra dhe Liverpool kanë shënuar rënie të infektimeve me Covid-19, pritet të kenë lehtësim kufizimesh

Sipas Dailymail, dy vendet janë konfirmuar nga Departamentit i Shëndetësisë si me nivel jo të lartë të infektimeve. Sakaq, ky kategorizim do t’i mundësojë një lehtësim në rihapjen e industrive, pas publikimit të masave të reja që do të vendosen pas datës 2 dhjetor.
Featured image of article: Masat e reja në Britaninë e Madhe/ Londra dhe Liverpool kanë shënuar rënie të infektimeve me Covid-19, pritet të kenë lehtësim kufizimesh Foto ilustruese

BRITANIA E MADHE-Londra dhe Liverpool do të jenë dy qytetet që do të vendosen në kategorinë e dytë për sa i përket numrit të infektimeve me Covid-19. Sipas Dailymail, dy vendet janë konfirmuar nga Departamentit i Shëndetësisë si me nivel jo të lartë të infektimeve. Sakaq, ky kategorizim do t’i mundësojë një lehtësim në rihapjen e industrive, pas publikimit të masave të reja që do të vendosen pas datës 2 dhjetor.

Rastet e koronavirusit janë ulur në dy të tretat e lagjeve të Londrës. Gjithashtu Liverpooli ka shënuar një rënie duke demostruar se ka përdoruar një mënyrë të suksesshme në përballimin e Covid-19. Sekretari i Shëndetësisë, Matt Hancock do të zbulojë ndarjen e zonave ditën e sotme, por sipas mediave Londra dhe Liverpool kanë fituar betejën e tyre për të shmangur kufizimet më të vështira.

Për më shumë bëhu pjesë e grupit më viral në Facebook, Dosja.al

Disa ditë më parë Boris Johson ka lajmëruar se pas bllokimit kombëtar, i cili përfundon  në 2 dhjetor, do të paraqesë një sistem me tre nivele për vendosje të disa masave.  Në nivelin e 3, miliona njerëz do të përballen me kufizime të rrepta ku familjet nuk mund bashkohen, restorantet do të jenë në gjendje të ofrojnë vetëm shërbim në shtëpi ose do të mbyllen. Kryeministri pritet të vendosë pjesën më të madhe të Anglisë në nivelin 2 dhe Nivelin 3, pavarësisht se rastet e infektimeve po ulen në çdo rajon.

(k.a/dosja.al)

Shto Koment