Politike

‘Martin Camaj agjent i UDB-së’/ Rama ‘lumë akuzash’ për studiuesin Tare: Shpifje nga ‘askushi që do të bëhet dikush’! S’e lanë të qetë as në botën tjetër (PARALELIZMI ME DETIN)

Kryeministri Edi Rama ka vlerësuar artin e shkrimtarit Martin Camaj, duke vërshuar një lumë akuzash ndaj studiuesit Auron Tare, i cili publikoi disa dokumente që pretendonin se ai ishte agjent i huaj. Rama i cilësoi si gënjeshtra duke hequr një paralele me "zhumën" që po bëhet për zgjerimin e Greqisë në detin Jon.
Featured image of article: ‘Martin Camaj agjent i UDB-së’/ Rama ‘lumë akuzash’ për studiuesin Tare: Shpifje nga ‘askushi që do të bëhet dikush’! S’e lanë të qetë as në botën tjetër (PARALELIZMI ME DETIN) Edi Rama, Martin Camaj dhe Auron Tare

TIRANË– Kryeministri Edi Rama ka marrë pjesë në aktivitetin për hapjen e dosjes së Sigurimit të Shtetit për shkrimtarin Martin Camaj, në 95-vjetorin e lindjes së tij. Pa e përmendur me emër, kreu i qeverisë ka sulmuar studiuesin Auron Tare, i cili publikoi disa javë më parë disa dokumenta, në të cilat pretendohej se Camaj ishte agjent i huaj.

Gjatë konferencës organizuar nga Autoriteti për Informim mbi Dosjet e Ish-Sigurimit të Shtetit, Rama ka hequr një paralelizëm mes çështjes së Camajt dhe “zhurmës” që është krijuar në vend për kërkesën e Greqisë për zgjerim me 12 milje në detin Jon. Rama u shpreh se në vendin tonë ka më shumë mundësi që të prevalojë gënjeshtra, kundrejt të vërtetës.

Më pas sërish shefi i kabinetit është kthyer tek sulmet ndaj Tares, duke shtuar se është masha e persekutuesëve të kohës, duke shprehur vlerësimet më të larta për krijimin artistic të Camajt, të cilin e citoi disa herë gjatë konderencës.

Në fund, numri një i qeverisë tha se aktiviteti i hapjes së dosjeve ishte një varrim…për shpifjet ndaj Camajt, duke “siguruar” studiuesit e pranishëm se me punën e bërë kishin përfituar ‘kredencialet’ për në parajsë.

Për më shumë bëhu pjesë e grupit më viral në Facebook, Dosja.al

Pak javë më parë, Auron Tare botoi studimin për dy shkrimtarët, Ernest Koliqin dhe Martin Camajn. Në studim, Tare ka marrë si referencë shkollimin e Camajt, punën në Radio Beogradi dhe përfshirjen në Komitetin e Prizrenit, e cila sipas tij ishte një organizatë, përmes së cilës UDB kishte ndërtuar një rrjet spiunazhi në Shqipëri dhe diasporë. Përsa i përket Koliqit, Tare shkruan, se ka qenë një agjent i CIA-s dhe ka mbështetur ardhjen e Camajt në Romë. Gjithashtu ai shton, se Koliqi ka ndihmuar Camajn, për të kapërcyer dyshimet se ishte i dërguar i komunistëve. Menjëherë pas publikimit të studimit, në vend u ndez debati publik, ku shumë shkrimtarë e studiues dhe Akademia e Shkencave kanë reaguar kundër Tares. Deri më tani nuk kishte pasur asnjë reagim nga kryeministri Edi Rama.

(A.B. Dosja.al)

(k.m/dosja.al)

  • 19:10

    Akuzat se Martin Camaj ishte spiun i huaj, Rama flet për HAPJEN E DOSJEVE të komunizmit, nuk i del e keqja me Taren: S’do iu mbajnë mend emrin as nipërit, ju do shkoni në parajsë

    Kryeministri Edi Rama nuk është ndalur në sulmin ndaj studiuesit Auron Tare, i cili pak kohë më parë publikoi disa dokumente në të cilat pretendohej se shkrimarët Ernest Koliqi dhe Martin Camaj ishin agjentë të huaj. Në 95-vjetorin e lindjes së shkrimtarit, Rama foli me superlativa për të duke vlerësuar edhe punë për hapjen e dosjeve. Ndërsa për Taren, pa e përmendur me emër, kreu i qeverisë u shpreh se do të harrohet edhe nga pasardhësit e tij.

    “Veprat e tyre studiuesëve, mos të ma marrin për keq studiuesit që janë këtu flas për ata që botojnë libra me sponsorat që iu përmenda, do bien si gjethe. Do ikin. Emrin e tyre s’do ta mbajë mend askush. Nuk e di nëse do t’ua mbajnë mend edhe mbesat dhe nipërit. Një falenderim të veçantë dhe po e mbyll me një fjalë të Camajt që besoj i shkon më së miri punës që keni bërë për të, sepse e keni ndihmuar që të mos jetë si “moti i ligë”,”-tha Rama.

    PJESË NGA FJALA E RAMËS:

    Nga hapja e dosjes së parë, për Musine Kokalarin janë disa mijëra që janë hapur në tre vjet. Sikur kjo të ishte bërë më parë dhe hapja me kaq kujdes. Në kuptimin profesional, jo për të fshehur gjë. Dhe me kaq kohezion nga Autoriteti. Atëherë imagjinoni sa shumë njerëz do kishin shpëtuar nga post-mortum do të kishin shpërtuar nga hijet e persekutimit, ose si ndodhi ndaj Martin Camajt, në formën e akuzës. Diktatura hapi plagë të thellë, moshapja e dosjeve lejoi infektimin e shumë prej këtyrë plagëve. Transparenca lehtëson organizmin dhe krijon një raport të ri shumë të vërtetë. Më vjen mirë që Martin Camaj, falë jush sot arrin një ngadhënim të fundit. Shpresoj të fundit se djajtë e këtij vendi, qoftë i fundit se nuk i dihet. Është një ngadhënim që i bën nder shoqërisë tonë. Se për Martin Camajn puna është më e thjeshtë. Helmi na afekton ne. Ndërsa veprat e tyre studiuesëve, mos të ma marrin për keq studiuesit që janë këtu flas për ata që botojnë libra me sponsorat që iu përmenda, do bien si gjethe. Do ikin. Emrin e tyre s’do ta mbajë mend askush. Nuk e di nëse do t’ua mbajnë mend edhe mbesat dhe nipërit. Një falenderim të veçantë dhe po e mbyll me një fjalë të Camajt që besoj i shkon më së miri punës që keni bërë për të, sepse e keni ndihmuar që të mos jetë si “moti i ligë”. Që do të thotë se të tjerët e bënë si moti i ligë dhe ai nuk ishte këtu që të përgjigjej, megjithëse më mirë që nuk ishte këtu. Ju e bëtë dhe respekte. Kjo që keni bërë do iu shërbejë kur të paraqisni kredencialet për të shkuar në parajsë.

  • 18:59

    ‘Po mo po ka dosje’/ Rama me mendjen tek ‘deti’: S’ka marrëveshje! Në këtë vend prevalon gënjeshta

    Në 95-vjetorin e lindjes së shkrimtarit Martin Camaj, kryeministri Edi Rama nuk ka lënë pa përmendur edhe debatin që po zhvillohet për kërkesën e Greqisë për zgjerim në detin Jon. Kryeministri Edi Rama dhe se në vendin tonë prevalon fakti që gënjeshtra mund të jetë më e besueshme se e vërteta duke e mohuar edhe njëherë se mund të ketë një marrëveshje mes dy vendeve.

    Më shkon gjuha tek deti po nuk po merrem me të sot, është rast tipik kur s’ka marrëveshje dhe negociata sepse nuk kemi rënë dakord. Të thonë thellohu-thellohu. Domethenë ti diçka ke. Debati i Camajt do të ishte i predestinuar të ishte si ai i detit. Kru gënjeshtra ka bërë xhiron e botës dhe e vërtetë nuk i ka ngritur akoma pantallonat, në këtë fushë fiton vetëm një burim informacioni: shpifja, gënjeshtra dhe demaskimi. Prirja kombëtare në raste të caktuara për të besuar të keqen, për të besuar shpifjen prevalon. Do të dihej se dosja e suvejimit është ndryshe nga ajo e bashkëpunimit. Ka dosje. Po mo po ka dosje. Kartela e njerëzve të lindur me njollë ishte aty për të gjithë dhe mbushej,”-u shpreh Rama ndër të tjera.

  • 18:46

    ‘Ishte agjent i shërbimeve të huaja’/ Rama kundër Auron Tares, mbron shkrimtarin Martin Camaj: S’e lanë të prehej i qetë as në botën tjetër, ata që janë ‘askush’ duan ta prekin…

    Kryeministri Edi Rama ka “shpërthyer” në akuza ndaj studiuesit Auron Tare, i cili publikoi disa dokumente në të cilat pretendohes se shkrimtarët Martin Camaj dhe Ernest Koliqi ishin agjentë të huaj. Në 95 vjetorin e tij të lindjes, Rama ka folur me superlativa për shkrimtarin Camaj, duke e cilësuar studiuesin Tare si një “shpifës”, ndërsa vlerësoi punën e bërë me hapjen e dosjeve të Komunizimit. Më tej, Rama citoi edhe disa prej vargjeve të shkrimtarit, për të provuar se ai nuk ka punuar për asnjë agjenturë, duke vlerësuar krijimtarinë e tij.

    “Njerëzit që janë askush kërkojnë të bëhen dikush duke guxuar që të prekin deri aty ku gjenden dikushët. Për këtë arsye, besoj se kjo që bëhet sot është përtej detyrës së autoritetit të dosjeve. Ai mbase na sheh nga lart dhe na buzëqesh. Sot jam shumë i lumtur që pas kaq shumë vitesh, kur si mallkim e ka ndjekur hija e persutorëve me mashat e mllefit që ka mediokriteti. Arrijmë që të bëhet dritë, ose u arrit që të bëjmë dritë se i takon Autoritetit të Dosjeve,”-u shpreh Rama ndër të tjera.

    PJESË NGA FJALA E RAMËS: 

    Do të isha këtu edhe po të mos isha kryeministër, sepse Martin Camajn e kam njohur, fatkeqësisht jo sy për sy, por kemi pasur një kontakt të vazhdueshëm së bashku dhe jemi njohur me zë. Kam pas nderin që ta përcjell në banesën e fundit, në atë ditë kur u nda nga të gjithë ata që e shoqëruan në dëborë. Si kryeministër vij me kënaqësi për t’i shprehur konsideratën Autoritetit të Dosjes për punën aspak të lehtë, por të madhe që ka bërë dhe për ta inkurajuar që të vazhdojë punën, si dhe të dalë më shumë nga suaza e vet, për t’i përcjellë më shumë publikut fjalë si ato të që tha drejtuesja e këtij institucioni. Është një kënaqësi për mua të marr pjesë në një varrim të shpifjeve dhe akuzave që Martin Camaj mori jo nga ata që i privuan atdheun, por nga ata që nuk e lanë as në botën tjetër të qetë. Njerëzit që janë askush kërkojnë të bëhen dikush duke guxuar që të prekin deri aty ku gjenden dikushët që De Rada thoshte “engjëjt që e bëjnë gostinë më vete dhe prishja e këtij rendi dhe përpjekja e shfrenuar e një luzme pseudosh që duke shfrytëzuar të gjitha parametrat dhe kushtet që ka krijuar kjo kohë e re për të hyrë në gostinë e tyre me dhunë dhe për të zëvendësuar engjëjt me djajtë, është e frikshme, por meriton të luftohet pa u dorëzuar. Për këtë arsye, besoj se kjo që bëhet sot është përtej detyrës së autoritetit të dosjeve. Ai mbase na sheh nga lart dhe na buzëqesh. Ai ishte i fundit trashëgimtar i denjë i rilindësve shqiptar, është në tryezën epërme ku kanë zënë vend në krenarët e letërsisë. Të turreshin ndaj një njeriu që në jetën e tij jo thjesht shkruajti në një mënyrë që zuri vendin te krenajat e letërsisë, por mishëroi sfilitjen fizike, shpirtërore të asaj që ishte persekutimi komunist. Camajn nuk e lanë të prehej i qetë as në botën tjetër. Ai mishëroi persekutimin komunist. Ai ishte mik shumë i afërt me Gjelosh Gjokajn. Camaj zbriti në Shkodër nga malet e Temalit. Shkollimi iu ndërpre në vitin 1946, regjimi i ndaloi vazhdimin e kolegjit. Në funksion të shënjestrimit të atyre që fëmijë, gjë që ne kur na erdhi radha e njohëm si “njollë në biografi”. Pjesë e këtij mikroozmosi ishte dhe Arshi Pipaj. Ishte dhe ky i arratisur. Ai thotë që Camaj ishte tipiku i intelektualit. E braktisi atdheun, dhe kur nuk është më i ri e kupton që e ka të pamundur të lëshojë rrënjë në dheun e ri. Sepse e përndjek malli për atdheun e tij. Nëse do të ishte zog, do të ishte shtegtar, i panënshtruar nga moti i keq dhe në kërkim të një vendi të ngrohtë që nuk e gjeti dot asnjëherë, por që e kërkoi nëpërmjet gjuhës shqipe në librat e tij. Në vend që të përkthenin në shpifje, ato që kanë marrë nga dosja e survejimit, të çkodonin mesazhet e Martin Camajt kur thotë “refuzoj gjuhën e gjarprit”. Është piskamë e dikujt që nuk e ka pirë kupën e helmit. Dhe mund të kishte bërë një pakt, që shumëkush e ka argumentuar si pakt të pashmangshëm. Nuk e ka bërë. Sot jam shumë i lumtur që pas kaq shumë vitesh, kur si mallkim e ka ndjekur hija e persutorëve me mashat e mllefit që ka mediokriteti. Arrijmë që të bëhet dritë, ose u arrit që të bëjmë dritë se i takon Autoritetit të Dosjeve. Kam qënë i terrrorizuar nga ideja se fatin e Camajt në publik për shkak të këtyre shkuartbiqëve të pashërueshëm që shet sallam e kikirkë, mund të pësojë kleri katolik i Shqipërisë. Duket si plan po nuk është ashtu. Debati për Martin Camajt, do ishte i destinuar që të bëhej si pseudo debati i detit. Është njësoj si ata që unë them nuk ka negociata, ata thonë bëj transparencë. Duke qenë se populli shqiptar e ka përcaktuar se kur gënjeshtra ka mbaruar xhiron e botës, e vërteta nuk i ka ngritur pantallonat. në këtë fushë kur mungon një autoritet, një burim i respektuar informacioni, shpifja, gënjeshtra, demaskimi, plus për faktin se prirja kombëtare për të besuar të keqen, të shpifje dhe pa këtë autoritet nuk do të dihej që dosja e survejimi është diçka tjetër nga dosja e bashkëpunimit. Martin Camaj e të tjerë kanë dosje, por që janë njësoj si kartelat tona mjekësore. Kartela ekstra e njerëzve të lindur me njollë, sipas asaj kohe, ishte për të gjithë dhe mbushej, siç e tregojnë dosjet, me të dhëna të vazhdueshme dhe bënte që kur vinte dita që fëmija të shkonte në shkollë, dikush që nuk kishte lidhje me dosjen, informohej që ky fëmijë nuk mund të shkohej në shkollë. Nuk do dihej as arsyeja e arratisjes së tij, Camaj për të mos cuar në burg dy shok të tij që i kërkonte Sigurimi, i informoi dhe iu dha shansin që të arratiseshin. Është e shkruar në dosje. 

Shto Koment