Bota

Marshime masive në Bolivi, protestuesit tërheqin zvarrë kryebashkiaken dhe i presin flokët

Kryebashkiakja e një qyteti në Bolivi është rrahur, tërhequr zvarrë nëpër rrugë e zbathur, është lyer me bojë të kuqe dhe i janë prerë flokët me forcë nga një grup protestuesish
Featured image of article: Marshime masive në Bolivi, protestuesit tërheqin zvarrë kryebashkiaken dhe i presin flokët kryebashkiakja e Bolivise

BOLIVI- Kryebashkiakja e një qyteti në Bolivi është rrahur, tërhequr zvarrë nëpër rrugë e zbathur, është lyer me bojë të kuqe dhe i janë prerë flokët me forcë nga një grup protestuesish. Kjo vjen pas protestave masive që kanë përfshirë vendin që prej 20 tetorit në zgjedhjet presidenciale. Patricia Arce është krybashkiakja e qytetit Vinto në Bolivi dhe është anëtare e partisë Lëvizja për Socializëm e presidentit Evo Morales.

Mediat lokale shkruajnë se protestuesit marshuan drejt bashkisë së qytetit me zemërim pas raporteve që dolën për tre personat e vdekur që mbetën në këto protesta. Në një video që po qarkullon në rrjetet sociale, Arce shfaqet e rrethuar nga protestues të maskuar duke thënë; “Nuk kam frikë të them të vërtetën time. Unë jam në një vend të lirë dhe nuk do të mbyllem edhe sikur të duan të më vrasin. Për këtë proces ndryshimi unë do të jap edhe jetën time”, tha kryebashkiakja Arce.

(E.S. Dosja.al)

Shto Koment