Rajoni

Marrëveshja Kosovë-Serbi, Thaçi: Mund të arrihet në 2019, SHBA-së po i humbet durimi

Presidenti Hashim Thaçi ka treguar edhe për takimin që pati me Putin dhe për bisedën telefonike që bëri me Këshilltarin për Sigurinë Kombëtare, John Bolton.
Featured image of article: Marrëveshja Kosovë-Serbi, Thaçi: Mund të arrihet në 2019, SHBA-së po i humbet durimi Presidenti Hashim Thaçi

Presidenti i Kosovës, Hashim Thaçi në një intervistë për emisionin “Përballë” ka treguar se në vitin 2019-ë mund të arrihet një marrëveshjeje historike Kosovë-Serbi. Thaçi pranoi gjithashtu se arritja e saj nuk do te jetë e thjeshtë dhe demarkacioni i kufirit zë peshë të rëndësishme.

Serbia nuk do ta japë si dhuratë njohjen e Kosovës, por në një proces të diskutimit të çështjeve të ndjeshme. Pa njohjen e kufijve reciprokë, njëri me tjetrin nuk do të ketë njohje”, – tha Thaçi në “Përballë”.

Thaçi ka folur shumë herë për korrigjimin e kufijve dhe për këtë arsye ka ngjallur mjaft reagime. Presidenti Thaçi ju përgjigj gjithashtu të gjithë atyre që mendojnë se korrigjimi i kufijve do të hapte “Kutinë e Pandorës”.

“Kutia e Pandorës sot është e hapur. gjidhja e problemit përfundimtar e problemit mes shtetit të Kosovës dhe Serbisë e mbyll kutinë e Pandorës në rajonin e Ballkanit Perëndimor, sepse mund të arrihet një marrëveshje paqësore, pa probleme, pa konflikte, pa viktima, pa tragjedi, pa spastrime etnike dhe gjenocid,”– tregoi ai.

Për më shumë bëhu pjesë e grupit më viral në Facebook, Dosja.al

Thaçi foli edhe për takimin në Paris me Presidentin e Rusisë, Putin. “Për hir të opinionit e kam pyetur, po nëse arrihet marrëveshja Kosovë-Serbi, ndodh njohja reciproke, çështja e Kosovës kalon në Këshillin e Sigurimit, cili do të jetë pozicioni juaj. “Ne nuk mund të sillemi më serbë se Serbia” më tha”, – u shpreh Thaçi.

I pyetur lidhur me bisedën telefonike me Këshilltarin për Sigurinë Kombëtare, John Bolton, Thaçi tregoi edhe kërkesat e tij. “Kërkoi pezullimin e taksës dhe hapjen e mundësisë për dialog dhe arritjen e marrëveshjes përfundimtare Kosovë-Serbi, përndryshe siç ka theksuar dhe ai, SHBA-së është duke i humbur durimi,”– përfundoi Presidenti Hashim Thaçi.

Një ditë më parë gjatë një takimi me familjet e dëshmorëve në komunën e Deçanit, kryeministri kosovar Ramush Haradinaj ka prekur edhe temën e kufijve. Haradinaj u shpreh se kushdo që flet për ndryshim kufijsh do të shpallet armik populli, dhe sipas tij nuk ka rëndësi nëse personi në fjalë është mësues, polic, deputet apo luftëtar i dalluar.

(f.m/dosja.al)

Shto Koment