Aktualitet

Manastirliu në lot pas humbjes së Dobit: Mendova se do ia dilje si gjithmonë, jam pranë familjes dhe kolegëve në këto momente të trishtueshme

Ministrja shton se është pranë familjes së Dobit e gruas së tij për shumë gjëra që ata mund të kenë nevojë.
Featured image of article: Manastirliu në lot pas humbjes së Dobit: Mendova se do ia dilje si gjithmonë, jam pranë familjes dhe kolegëve në këto momente të trishtueshme Ogerta Manastirliu

TIRANË– Ministrja e Shëndetësisë Ogerta Manastirliu ka reaguar e pikëlluar pas vdekjes së mjekur Drini Dobi. Në një status në rrjetet sociale, Manastirliu shkruan se kishte shpresuar shumë që gjendja e tij shëndetësore të përmirësohej por kjo gjë, fatkeqësisht nuk ndodhi.

Ministrja shton se është pranë familjes së Dobit e gruas së tij për shumë gjëra që ata mund të kenë nevojë.

“Jam tej mase e pikëlluar për ndarjen nga jeta të një miku të mirë dhe një profesionisti të shkëlqyer, doktor Drini Dobit. Kishim shpresuar shumë, deri në çastet e fundit, se Doktor Drini do t’ia dilte ta fitonte këtë betejë për jetën, ashtu siç ia kishte dalë me mijëra herë të fitonte betejat për pacientët e tij. Jam pranë Floridës, familjes dhe kolegëve të Drini Dobit në këto momente të trishtueshme për të gjithë. Dhimbja është e madhe në këto momente kaq të hidhura për të gjithë. U prehsh në paqe Doktor Drini,”- shkruan Manastirliu.

Për më shumë bëhu pjesë e grupit më viral në Facebook, Dosja.al

Mjeku Drini Dobi ndërroi jetë mbrëmjen e sotme në Itali. Ai u dërgua atje për mjekim më të specializuar pas infektimit me Covid-19, por pavarësisht përpjekjeve të mjekëve nuk ia doli dot mbanë të mbijetonte. Kolegët e Dobit janë përlotur teksa e kanë kujtuar.

(f.m/dosja.al)

Shto Koment