Politike

‘Pula të ngordhura dhe qese’/ Mali i Zi vë alarmin për ndotjen e Bunës, reagon Klosi: Do hetojmë, gjobë dhe burg për këdo (VD)

  • Alarmohet Mali i Zi: Do të informojmë ndërkombëtarët, merrni masa (VD)
  • Ministri i Turizmit dhe Mjedisit, Blendi Klosi është shprehur se rasti do të hetohet dhe se çdokush që ndot ambientin jo vetëm që do të ketë gjoba por edhe do të dënohet me burg.

    SHKODËR– Ministri i Turizmit dhe Mjedisit, Blendi Klosi ka reaguar për protestën e Malit të Zi për ndotjen e lumit Buna.

    Nga Shkodra, Klosi është shprehur se rasti do të hetohet dhe se çdokush që ndot ambientin jo vetëm që do të ketë gjoba por edhe do të dënohet me burg.

    “Do ta hetojmë këtë rast që ka ndodhur. Akoma një numër i konsiderueshëm bashkish nuk marrin përgjegjësitë. Për çdokënd që ndot ambientin do te ketë jo vetëm gjoba por edhe heqje lirie. Ka ardhur koha që të ketë një qasje tjetër për lumenjtë që të mos ndoten nga mbetjet urbane apo të tjera. Kam një thirrje të fuqishme për bashkitë por edhe bizneset që të mos e ndotin mjedisin”, tha Klosi.

    Për më shumë bëhu pjesë e grupit më viral në Facebook, Dosja.al

    Pala malazeze i ka kërkuar qeverisë shqiptare që të marrë masa pasi për 3 kilometra lumi Buna është i mbushur me pula dhe kafshë të ngordhura. Pala malazeze akuzon se e kafshët e ngordhura vijnë nga Shqipëria. Sipas autoriteteve malazeze në pjesën e Malit të Zi nuk ka asnjë fermë  kafshësh e as pulari duke ia lënë përgjegjësinë palës shqiptare.

    (k.m/dosja.al)

    Shto Koment