Aktualitet

Lushnjari vihet në pranga. Bënte namin në jug të vendit, së bashku me tre shtetas të tjerë vidhnin sendet e turistëve, në kërkim bashkëpuntorët e tij

Në kuadër të operacionit 'Qeparo' ra në pranga shtetasi me inicialet N.P, banues në Lushnje ndërsa në kërkim janë shpallur A. S., 46 vjeç dhe A.(H.) N., 30 vjeç, të dy banues në Tiranë, si dhe K. R., 36 vjeçe, banuese në Qeparo, Himarë.
Featured image of article: Lushnjari vihet në pranga. Bënte namin në jug të vendit, së bashku me tre shtetas të tjerë vidhnin sendet e turistëve, në kërkim bashkëpuntorët e tij Foto ilustruese
Përditësuar:

HIMARE– Policia e Himarës ka vënë  në pranga një person i cili akuzohet se ka bërë një sërë vjedhjesh në fshatrat përreth. Në kërkim janë shpallur dhe tre persona të tjerë të cilët janë bashkëpuntorë të 42-vjeçarit.

Në kuadër të operacionit ‘Qeparo’ ra në pranga shtetasi me inicialet N.P, banues në Lushnje ndërsa në kërkim janë shpallur A. S., 46 vjeç dhe A.(H.) N., 30 vjeç, të dy banues në Tiranë, si dhe K. R., 36 vjeçe, banuese në Qeparo, Himarë.

Shtetasi N. P., në bashkëpunim me 3 shtetasit e tjerë të shpallur në kërkim, dyshohet se janë autorë të disa vjedhjeve, të cilat i kanë kryer në vende të ndryshme si banesa dhe ambiente të hapura në jug të vendit, kryesisht në Qeparo, Shën Vasil, Nivicë dhe Dhërmi.

Këta shtetas, në bashkëpunim me njëri-tjetrin kanë kryer edhe 10 vjedhje të tjera, kryesisht sende personale të personave të ndryshëm në Dhërmi të Himarës, për të cilat po punohet për dokumentimin e plotë të tyre.

NJOFTIMI I POLICISE:

Për më shumë bëhu pjesë e grupit më viral në Facebook, Dosja.al

Finalizohet operacioni policor i koduar “Qeparoi”. Zbardhen një sërë vjedhjesh të ndodhura në Qeparo, Shën Vasil, Nivicë dhe Dhërmi. Ndalohet 1 shtetas dhe shpallen në kërkim 3 të tjerë. Në vijim të punës për parandalimin dhe zbulimin e vjedhjeve të banesave, vjedhjeve me forcë të varëseve dhe celularëve, kryesisht në rrugë dhe në plazhe, strukturat e Komisariatit të Policisë Himarë, pas provave të siguruara nga puna hetimore, kanë zhvilluar operacionin e koduar “Qeparoi”. Në kuadër të këtij operacioni u bë e mundur zbardhja dhe dokumentimi me prova ligjore i një sërë vjedhjesh të ndodhura në fshatrat Qeparo, Shën Vasil, Nivicë dhe Dhërmi. Gjatë operacionit u bë kapja dhe ndalimi i shtetasit N. P., 42 vjeç, banues në Lushnjë. Si dhe janë shpallur në kërkim shtetasit A. S., 46 vjeç dhe A.(H.) N., 30 vjeç, të dy banues në Tiranë, si dhe K. R., 36 vjeçe, banuese në Qeparo, Himarë. Shtetasi N. P., në bashkëpunim me 3 shtetasit e tjerë të shpallur në kërkim, dyshohet se janë autorë të disa vjedhjeve, të cilat i kanë kryer në vende të ndryshme si banesa dhe ambiente të hapura, konkretisht: Më datë 31.07.2020, në fshatin Shën Vasil, dyshohet se këta shtetas kanë vjedhur me thyerje banesën e braktisur të shtetasit L. Q., vend në të cilin është gjetur një armë zjarri kallashnikov, e cila dyshohet të jetë e autorëve të mësipërm, pasi këta shtetas e përdornin këtë banesë si vendstrehim gjatë kryerjes së vjedhjeve.

Më datë 07.09.2020, në Himarë, kanë vjedhur 2 motomjete në pronësi të shtetasve N. P. dhe T. P. Në të njëjtën ditë dyshohet se kanë vjedhur sendet personale të shtetasit maqedonas Z. T., në hotelin ku ai ishte akomoduar për pushime. Gjithashtu, këta shtetas, në bashkëpunim me njëri-tjetrin dyshohet se kanë kryer edhe 10 vjedhje të tjera, kryesisht sende personale të personave të ndryshëm në Dhërmi të Himarës, për të cilat po punohet për dokumentimin e plotë të tyre.

Në përfundim të veprimeve, Policia ka sekuestruar disa nga sendet e vjedhura, si dhe sende që dyshohet se janë përdorur nga autorët për të kryer vjedhjet. Në bashkëpunim me Prokurorinë vijon puna për dokumentin e plotë ligjor të veprimtarisë kriminale të këtyre shtetasve në fushën e vjedhjes, si dhe për kapjen e tre personave të shpallur në kërkim.

(A.B)/Dosja.al

Shto Koment