LIVE UPDATES
Art&Argëtim

Luana Vjollca kërkon 20 mijë euro në muaj, por mbetet ende pa punë

20 Nëntor 2021, 16:50 Nga DOSJA
Luana Vjollca kërkon 20 mijë euro në muaj, por mbetet ende pa

‘Shumë e shtrenjtë kjo LV-ja’, ishte një status i Luana Vjollcës që bëri jo pak bujë, pasi i krahasoi inicialet e saj të emrit të njëjta me ato të një marke të njohur, po ashtu të shtrenjta kur vjen puna e emrit. Pas largimit nga “Top Channel”, pas 15-vitesh, Luana tashmë mendon se ajo është shndërruar në një markë, dhe ndaj i ka vendosur një çmim stratosferik emrit të saj. Përmes një postimi në dukje jo dhe aq rastësor në “Instagram”, Luana duket se nxiti në njëfarë mënyre thashethemet,sipas të cilave ajo mund t’i bashkohet një televizioni në Kosovë.

Në foto, moderatorja shkruan “shumë e shtrenjtë kjo LV-ja”. Vërtet që Hooded Wrap Coat e Louis Vuitton është e shtrenjtë (diku te $5,500), por jo aq e shtrenjtë sa vlera që Luana Vjollca, me iniciale LV – I I ka kërkuar një televizioni në Kosovë.

“Express Rozë” raportonte se Luanës i është propozuar që t’i marrin të drejtat e programit “Shiko kush luan”, të cilin do ta moderojë sërish ajo në këmbim të një page 20,000 euro në muaj.

Media nuk bëri me dije emrin e televizionit për të cilin bëhet fjalë dhe për këtë arsye komentuesit kanë dyshime se ekziston një bisedë e tillë, duke e konsideruar një lojë bllofi të vetë Luanës, si për të marrë pak vëmendje ose për të justifikuar mungesën e saj në një ekran, duke pretenduar se çmimi i lartë i emrit të saj është arsyeja.

Nëpër disa komente me këngëtaren Kidën, Luana nxit diskutimin se është në bisedime të tilla. “Zor me vendos!”, shkruan ajo. Përveç kësaj ka shpërndarë edhe një artikull ku shkruhet se Kida “i merr ekskluziven Luana Vjollcës për lajmin se në cilin TV do e shohim”.

Megjithatë, ndryshe nga çfarë sugjeron titulli, Luana nuk e ka zbuluar se në cilin televizion do ta shohim dhe as e ka konfirmuar se do të jetë pjesë e një televizioni në Kosovë. Ky reagim i saj, vjen pak javë pasi deklaroi se i kishte dhënë fund karrirës televizive në moshën 30- vjeçare, pas 15 vitesh që vendosi të largohej nga “Top Channel”.

U tha se arsyeja e tërheqjes ishte për t’iu përkushtuar biznesit e saj të çantave dhe aksesorëve, të cilin e hapi këtë verë dhe flitet ta zgjerojë edhe me shitje veshjesh. Pas një periudhe ku paralajmëroi diçka të re që nuk lidhet as me muzikën e as me televizionin, zbulohet drejtimi i ri në jetë i Luana Vjollcës. Ajo ka punuar këto kohë në një koleksion të përbashkët të çantave dhe kapeleve me një brand online me bazë në Tiranë, i krijuar në vitin 2019.

Por sa kushton që një femër të ketë të sajat dy produktet e koleksionit, dhe a është e shtrenjtë edhe në biznes? Për trendet mesatare në Shqipëri e Kosovë, duhet ta shtrëngoni mirë rripin, shkruan një komentues.

Çantat e saj në të gjitha nuancat kanë një çmim fiks, 139 euro, teksa vetëm kapelja e thjeshtë e plazhit në 14 nuancat e saj kushton 69 euro. Për dy produktet, kostoja totale e kësaj vere ishte 208 euro, respektivisht sa gjysma e pagës mesatare në Shqipëri. Ndërkohë që tregoi se po punonte për të sjellë projekte të reja në “Top Channel”, Luana ka vendosur të tërhiqte nga teelvizioni.

Askush nuk e priste në fakt këtë moment kulminant të karrierës së saj, që ajo jo vetëm ta mbyllte emisionin “Shiko kush Luan”, por edhe të marrë vendimin më të vështirë për një vajzë që është rritur në ekran, pra të tërhiqet nga ekrani në moshën 30-vjeçare. Shkak për këtë vendim u bë si fillim projekti i “Big Brother Vip”, që në fillim iu besua asaj, por më pas iu dha Arbana Osmanit, prezantueses ikonë të këtij formati në Shqipëri.

Më pas Luana bëri tentativën numër 2, që të merrte përsipër moderimin e “Portokallisë”, në krah të Salsano Rrapit, dhe të largonte nga skena e humorit Fjoralba Ponarin, por edhe për këtë propozim nuk u ra dakord me drejtuesit e televizionit, kështu që vendosi të largohej nga bota e televizionit. E ndërkohë që ndjekësit i thonë se ka bërë ka bërë mëkat nga mbyllja e emisionit “Shiko kush Luan”, Luana Vjollca vendos të përgjigjet vetë në “Instagram”.

Duke qenë se po bëhet pak kohë që nuk e shohim në ekran, Luana Vjollca ka qenë mjaft aktive në rrjete sociale, ku na ngacmon hera herës me postimet e saj. Pasi konfirmoi vendimin e largimit nga “Top Channel” dhe lajmëroi epokën e re të jetës, Luana thotë ka marrë mesazhe pafund mbi këtë temë. Së fundmi teksa po bashkëbisedonte me ndjekësit e saj, ajo sërish mori shumë mesazhe për mbylljen e programit. Madje, njëri prej tyre i thoshte se e quan “mëkat” mbylljen e emisionit “Shiko kush luan”.

“Më duket se ke hyrë në mëkat nga mbyllja e emisionit ‘Shiko Kush LUAN’ hahaha”, shkruan fansi/ fansja.

Ndërsa Luana ia kthen kështu: “Kur lexoj dhe dëgjoj kaq shumë kërkesa, realisht gjendem në ca momente të vogla pendese, por më besoni të jesh për 15 vite nonstop pa ndalesë në ekran me ritmin, oraret dhe përkushtimin tim ndaj punës, nuk gjen kohë të merresh me asgjë tjetër. E di që do më mirëkuptoni…!”, përfundoi Luana, duke lënë të kuptohet se televizioni tashmë është një kapitull i mbyllur.

Ajo këto kohë po merret me muzikën, pasi së fundmi ka ndarë me ndjekësit disa “InstaStory” nga Shkupi ku ka treguar se arsyeja e vizitës nuk ishte një pushim, por kishte të bënte me punën.

Moderatorja publikoi një foto me artistin Armend Rexhepagiq dhe më tej pamje nga një studio muzikore, ku duket kompozitori dhe producenti Darko Dimitrov. Në këtë mënyrë, Luana ka treguar se pas një periudhe pauze, po vjen me një këngë të re, që është po ashtu një nga synimet e saj kryesore për ta kthyer edhe muzikën në biznes.

DEKLARATA TJETËR E LUANËS PËR PARATË: PAGUHEM MBI 5000 € PËR NJË POSTIM, NUK BËJ REKLAMA ME KLERING 

Ndërkohë duke folur për bizneset, ajo dhe “Instagramin” e ka kthyer në biznes. Kohët e fundit ka qarkulluar me shpejtësi lajmi sa paguhen disa nga vajzat e famshme të ekranit, dhe ndër to ishte edhe shifra sa supozohej të fitonte në Instagram “showgirl”- i shqiptar, Luana Vjollca. Në media u tha se “Luana reklamon kryesisht kremëra ose produkte të ndryshme “make-up”-i dhe paguhet rreth 1200 € për një postim”.

Por në portalin e saj, Luana tha se në fakt vlera e vërtetë e çmimit për një postim në feed-in e “Instagram” të Luana Vjollcës është 5000€, “shifër kjo që mund të kalohet, por jo më poshtë”, ka thënë Luana. Ajo theksoi se nuk bën qoka apo klering. Ndërkohë që sa i takon lidhjes me Krenar Çoçajn, çifti e anuluan martesën në vjeshtë pasi kaluan një krizë.

Thuhet se tashmë gjërat mes tyre janë përmirësuar pasi ata tashmë kanë blerë edhe vilën e tyre luksoze në një kompleks VIP në Kosovë. Prej disa vitesh, Luana dhe biznesmeni nga Kosova kanë menaxhuar një lidhje në distancë dhe kanë udhëtuar herë në Tiranë e herë në Prishtinë, derisa vitin e kaluar Krenari u vendos në Tiranë, për të mbështetur karrierën në televizion të Luanës.

Mirëpo, mediat e Kosovës njoftuan se çifti firmosën ca kohë më parë edhe një kontratë për blerjen e një apartamenti luksoz në Prishtinë. Luana dhe Krenari kanë blerë një shtëpi në lagjen Arbëria në kryeqytetin e Kosovës. Raportohet se ajo ka një sipërfaqe të konsiderueshme dhe një pamje të mrekullueshme të Prishtinës.

Ndonëse kanë pasur shumë ulje e ngritje në marrëdhënien e tyre, përfshirë edhe mosprezencën e Krenarit në 29-vjetorin e lindjes së moderatores, tashmë duket se 30-vjetori do e gjejë në kapitull të ri si nga jeta private, ashtu dhe ajo e sipërmarrëses në biznes. E si kanë qenë këto pesë vite të Luana Vjollcës në çift me Krenar Çoçajn, duke qenë se dhe në karrierë ajo arriti kulmin e saj?

Ashtu si në skenat e një prej klipeve të saj, ku Luana shfaqej si Hirushja e përrallave, ajo arriti ta bënte kështu jetën e saj përtej televizionit. Miqtë e afërt konfirmojnë vazhdimisht se Luana ia ka dalë, pasi angazhimet e saj larg televizionit janë mjaftueshëm fitimprurëse, siç është muzika. Gati tre vite më parë, ajo i hyri seriozisht muzikës për të fituar para edhe prej saj, ndërkohë që i dashuri, Krenar Çoçaj, e mori nën menaxhim për ta kthyer muzikën e saj në biznes fitimprurës.

Ndonëse një çift që asnjëherë s’e konfirmoi lidhjen, prezantuesja Luana Vjollca dhe menaxheri i VIP-ve nga Kosova, Krenar Çoçaj, e pranuan deri-diku publikisht në “Instagram” me një shkëmbim komentesh të nxehta dashurie. Për herë të parë dyshimet se Luana kishte nisur histori të re dashurie me shokun e ngushtë të kunatit, Getoar Selimit, u hodhën më 10 korrik të para katër viteve, kur ajo dhe Krenari festuan 28- vjetorin e tij në Santorini.

Hera e fundit që Luana e konfirmoi në njëfarë mënyre lidhjen me Krenarin ishte në emisionin e saj, kur tha se ua qante hallin atyre që kishin lidhje në distancë, pasi edhe ajo vetë udhëtonte fundjavave për të takuar të dashurin. Edhe pse gjatë këtyre viteve kanë pasur edhe kriza në çift, flitet se ata ishin fejuar në fshehtësi dhe se Krenari kudo e prezantonte si nusen e tij.

Pas përfundimit të sezonit televiziv të kaluar me programin “Shiko kush luan”, prezantuesja e njohur e “Top Channel” shijoi luksin e udhëtimeve në destinacionet më të shtrenjta të botës, nisur nga postimet që bën në “Instagram”.

Më pas, vëmendja e medias u kthye më shumë te Luana për stilin e saj të jetës, pikërisht pushimet luksoze në Maldive për Shën Valentin, në një resort vilash 650 $ nata.

Së fundi ata kanë bashkëjetuar në një rezidencë luksoze në Tiranë, ndërkohë që thuhet se pas shkëputjes nga ekrani ata janë vendosur në Kosovë, por le të shohim se si do të vazhdojë karriera e saj.

Marrë nga: Panorama.al

Cila mendoni se është alternativa më e mirë:

View Results

showbiz showbiz luana vjollca luana vjollca

Sondazh

Poll

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

Del VIDEOJA, Elia godet Princ Lekën: Familja ime të ka mbajtur me bukë

VIDEO/ Noka i jep Spiropalit pankartën, Ministrja ofrohet ta mbaj para fytyrës

Publikohen pamjet nga brenda bazës ajrore të Kuçovës, Komandanti: E gatshme për stërvitjen e trupave

Tempulli 2/ Me kanabis gati për shitje dhe shuma parash, arrestohen 4 të rinj në Tiranë

Dalin pamjet nga kasollja ku u vra 50-vjeçari në Durrës

Kontrabandonin ilaçe dhe telefona, arrestohen dy persona në Tiranë, sekuestrohen 47 iPhone

I vunë flakën eskavatorit me vlerë 150 mijë euro, arrestohen 2 autorët e ngjarjes

Reshjet e shiut dhe borës në vend, policia: Moderoni shpejtësinë e mos kryeni parakalime të gabuara

Kampioni Alvin Karaqi mes lotësh: Për besë u ndjeva si Gjergj Kastrioti kur mora flamurin

'Dokumentar horror'/ Berisha publikon pamjet: Do ju paraqes terrorin që Bajrajt ushtruan më 14 maj

Krimi në Bulqizë/ Fqinji: Po hante bukë në banesë kur erdhën dy makina!

Dosja "Gjici"/ Zv.kryetari i bashkisë së Kukësit shkon në SPAK

Newsroom 11 |XAMA: LAJMI I FUNDIT FAKE QË PASHË, ISHTE PËR MUA

Newsroom 11 |XAMA: KËSHILLË QYTETARËVE- MOS LEXONI VETËM NJË BURIM

Newsroom 11 | XAMA: GAZETARËT NUK SHKRUAJNË ME EMËR, KJO S'ËSHTË ETIKE

Xama në Newsroom: Lajmet e rreme përhapin panik! Më akuzuan se kisha marrë para për një shkrim

Muka në Newsroom: Në Shqipëri ka portale gjobaxhie, u bëjnë shantazh njerëzve

Xama në Newsroom: Fake News shpërndahet më shumë në Facebook e Tik Tok! Gazetarët të shkruajnë emrin

Newsroom 11 |Kush prodhon lajme të rreme në Shqipëri

Newsroom 10 |SENJA: NE S'REAGOJMË NDAJ GJUHËS SË URREJTJES

Newsroom 10 |HAZIZAJ: 'ÇOHU ENVER', PJESË E GJUHËS SË URREJTJES

Newsroom 10 | HAZIZAJ KEMI MARRËVESHJE PËR TË MBROJTUR 'VIKTIMAT'

Newsroom 10 |HAZIZAJ: GJUHA E URREJTJES KA SHKAKTUAR DHE KRIME

Newsroom 10 |GAZETARI: GJUHA E URREJTJES, PJESË E SHOQËRISË

Newsroom 10 |HAZIZAJ: GJUHA E URREJTJES, E FRIKSHME NË SHQIPËRI

Vidhnin në banesa duke përdorur çelësa të klonuar, vihet në pranga 1 person,nje tjeter në kërkim

Newsroom 10 |GJUHA E URREJTJES PËRDORET NGA POLITIKA, AMA TË KONTROLLOJË GJUHËN E URREJTJES

Newsroom 10 | HAZIZAJ: STEREOTIPET NXISIN GJUHËN E URREJTJES

Newsroom 10 | HAZIZAJ: GJUHA E URREJTJES LUFTOHET ME EDUKIM

Newsroom 10 | Gjuha e urrejtjes në media, si dhe kush e shpërndan?

Ndryshimet në PS/ Gjiknuri: S'është fundi, por fillimi i diçkaje të re.

Inceneratorët/ S’kam dhënë asnjë kontratë pa garë, ato janë publike!

Ndihet 'i shitur' nga Rama? Gjiknuri: Nuk ndjej braktisje, kam komunikim me të prej 20 vitesh

Klosi: Kemi primare reformimin e partisë, PS synon mandatin e katërt

U shkarkua si Sekretar i Përgjithshëm, Gjiknuri: PS edhe kur fiton, refekton!

Digjet shtëpia në Shkodër, në banesë ndodhej një i moshuar, përfundon në spital

Vazhdon përplasja në PD! Basha kërkon mbledhjen e Komisionit të Etikës për të, Bardhi: Shenjë humbje

Vrasja e Jetmirës/ Autori u dënua me 28 vite burg, nëna e viktimës: Duhet dënim përjetë!

Newsroom 9 | Kallanxhi: Threads? S`besoj se do zgjasë shumë

Newsroom 9 | Eksperti i IT: Mos merrni për bazë asgjë thuhet në rrjet

Newsroom 9 | Gazetarja: po ndodhin vrasje nga tik tok

Newsroom 9 | Eksperti i IT: Fake News dallohet vetëm po të jemi kritikë

Newsroom 9 | Kallanxhi: Shqiptarët besojnë gjithçka shohin në rrjet

Newsroom 9 | Eksperti i IT, Tomi Kallanxhi: Tik Tok ka "fake news" sepse s'ka censurë

Newsroom 9 | Gazetarja: Shqipëria do kohë të përshtatet me Tik Tok

Newsroom 9| Eksperti i IT: Çdo rrjet është i përkohshëm, duhet të kujdesemi për vlerat

A mund të mbyllet TikTok për Shqipërinë? Flet për Newsroom eksperi i IT

Fëmija mbyllet brenda në shtëpi, nëna e alarmuar njofton zjarrfikësit, NDËRHYRJA nga ballkoni

Newsroom/ Karabolli: Shqipëria do kohë të përshtatet me TikTok, e provuan edhe gazetarët, s’ia dolën