Politike

LSI ankimon në KAS rezultatin për qarkun e Durrësit, kërkon rinumërim të të gjitha KZAZ-ve

Në shkresën dërguar KQZ-së, LSI kërkon rinumërim të të gjitha KZAZ-ve. Në kërkesën e dërguar në KAS thuhet se në disa qendra votimi u gjetën disa fletë pa vula, të cilët janë futur jashtë qendrave të votimit nga një subjekt poltik, si garanci që votuesit e blerë apo të manipuluar të mos mashtronin.
Featured image of article: LSI ankimon në KAS rezultatin për qarkun e Durrësit, kërkon rinumërim të të gjitha KZAZ-ve Selia e LSI

DURRËS- Lëvizja Socialiste për Integrim (LSI) ka ankimuar në Komisionin e Ankimimeve dhe Sanksioneve rezultatin e zgjedhjeve për qarkun e Durrësit. Në shkresën dërguar KQZ-së, LSI kërkon rinumërim të të gjitha KZAZ-ve. Në kërkesën e dërguar në KAS thuhet se në disa qendra votimi u gjetën disa fletë pa vula, të cilët janë futur jashtë qendrave të votimit nga një subjekt poltik, si garanci që votuesit e blerë apo të manipuluar të mos mashtronin. Tjetër arsye është edhe mungesa e filmimit gjatë procesit të numërimit në qendrën e votimit 1257, si dhe tentativa për votim të dyfishtë nga një person. Sipas LSI-së të paktën 80 vota të vlefshme i janë marrë LSI-së dhe i janë dhënë subekteve të tjera politike.

“Nga informacioni i vënë në dispozicion rezultoi se në disa QV u gjendën në kutinë e fletëve të votimit fletë pa vula, fakt i cili përveç se bie në kundërshtim me parashikimet e Kodit Zgjedhor dhe Akteve Normative të miratuara nga Komisioni Rregullator, përbën indicie dhe provë të qartë dhe na bën të besojmë se janë futur fletë votimi nga jashtë QV-ve, të cilat kanë qarkulluar dhe janë plotësuar nga subjekti politik si garanci që votuesit e intimiduar, ndikuar apo blerë që të mos mashtronin.

Në çdo ZAZ janë konstatuar tentativa për votim të dyfishtë nga i njëjti zgjedhës, fakt i konstatuar nga printimet e PEI. Është konstatuar mungesë e filmimit me kamera në Qendrën e Votimit 1257. Ky fakt bie në kundërshtim të plotë me Vendimin e Komisionit Rregullator nr.11 datë 25.03.2021 dhe Vendimin e Komisionit Shtetëror të Zgjedhjeve për përdorimin e kameras në Qendrën e Votimit,”shkruhet nw kwrkeswn e LSI.

Për më shumë bëhu pjesë e grupit më viral në Facebook, Dosja.al

Sot është dita e fundit e subjekteve zgjedhore për të bërë ankimet e tyre në KAS. LSI gjithsej ka ankimuar 3 qytete Durrësit, Beratin si dhe Gjirokastrën, për të cilën ka kërkuar që zgjedhjet të shpallen të pavlefshme, me pretendimin se vendimi i Komitetit të Ekspertëve për karantinimin 14 ditë të emigrantëve, ka ndikuar në rezultatin e zgjedhjeve.   

(I.A/dosja.al)

Shto Koment