Rajoni

LSDM: Në bisedimet me BDI-në kemi rënë dakord në disa pika, ende s’ka marrëveshje

LSDM-ja nga bisedimet e zhvilluara me BDI-në për formimin e shumicës parlamentare janë dakordësuar disa pika.
Featured image of article: LSDM: Në bisedimet me BDI-në kemi rënë dakord në disa pika, ende s’ka marrëveshje Zoran Zaev dhe Ali Ahmeti

MAQEDONI E VERIUT- LSDM partia që ka marrë më shumë mandate në zgjedhjet e fundit në Maqedoninë e Veriut ka nisur negociatat me partitë e tjera. Mediat në vend bëjnë me dije se LSDM-ja nga bisedimet e zhvilluara me BDI-në për formimin e shumicës parlamentare janë dakordësuar disa pika.

Deri tani mësohet se kanë rënë dakord për respektimin e Marrëveshjes së Prespës, Marrëveshjes për fqinjësi të mirë me Bullgarinë si dhe për respektimin e Marrëveshjes së Ohrit, por që sipas tyre ende nuk ka pak përfundimtar.

“Jemi të përkushtuar në kohezionin shoqëror, shoqëri të fuqishme dhe tolerante, sundimin e së drejtës dhe jemi të gatshëm që të kundërshtojmë çdo formë të nacionalizmit dhe urrejtjes. Kemi biseduar se programi eventual i përbashkët për qeverisje duhet të jetë në pajtueshmëri me Kushtetutën, ligjet dhe programin zgjedhor të LSDM-së dhe BDI-së”, njofton LDSM.

Për më shumë bëhu pjesë e grupit më viral në Facebook, Dosja.al

Më tej nga kjo partia shprehen se për të arritur marrëveshje janë të nevojshme kuadro të përgjegjshme, të propozuara nga të dy palët. Bashkimi Demokratik për Integrim, e drejtuar nga Ali Ahmeti është partia shqiptare që ka marrë më shumë mandate në këto zgjedhje, dhe ka më shumë shanse që të jetë sërish në qeveri.

(A.B. Dosja.al)

Shto Koment