Politike

Lleshaj në Gjirokastër për 1 vjetorin e Frontex, gazetarja e pyet për shifrat e kanabisit, ministri: Nuk kam mundësi t’ju jap detaje

Ministri i Brendshëm Sandër Lleshaj deklaroi nga Gjirokastra, se kanabisi nuk ka asnjë mundësi mbijetese në Shqipëri.

Ministri i Brendshëm Sandër Lleshaj ishte i pranishëm ditën e sotme në Gjirokastër, ku përkujtoi 1 vjetorin e fillimit të operacionit për kontrollin e përbashkët të kufirit me FRONTEX. Sipas Lleshajt, për një vit, janë angazhuar 415 oficerë nga 17 vende të Bashkimit Europian, të cilët kanë dhënë kontribur për kontrollin e emigracionit të paligjshëm.

Postimi i Lleshaj

Sot në Kakavije shenjuam 1 vjetorin e fillimit të operacionit të përbashkët me FRONTEX për kontrollin e kufirit 🇦🇱. Për një vit, 415 oficerë nga 17 vende të 🇪🇺 kanë patrulluar së bashku me Policinë tonë kufitare, duke dhënë një kontribut të rëndësishëm në kontrollin e migracionit të paligjshëm, luftën kundër krimit kufitar dhe forcimin e marrëdhënieve tona me vendet europiane. Ky operacion është një shtysë në udhëtimin tonë europian. Faleminderit të gjithë atyre që janë pjesë e këtij suksesi!

Më pas Lleshaj u pyet për deklarimin e sasive të kanabisit të sekuestruara dhe shifrat e publikuara.

Pjesë nga intervista

Gazetarja: Përse burimet zyrtarë deklarojnë një numër shumë të ulët të asgjesimit, ndërkohë që e vërteta është ndryshe, kemi të bëjmë një ulje të numrit të bimëve në momentin që ato bëhen zyrtare ?

Lleshaj: Lufta kundër kanabisit është një ndër prioritetet e Policisë së Shtetit, e cila ka arritur vitet e fundit suksese të pamohushme të njohura ndërkombëtarisht. Kanabisi në Shqipëri ka marrë goditje të rënda dhe të pakthyeshmë. Viti 2020 do shënojë një hap të ri të përshkallëzimit të përpjekjes së policisë në luftën kundër kanabisit. Për këtë aryse ka një plan të madh ndërinstitucional, ku përfshihen, policia, prefektura, agjencitë e tjera, të cilat janë të angazhuara që ky fenoment të çrrënjoset nga shqipëria përfundimisht. Për këtë arsye janë shtuar kapacitetet, kapacitet e monitorimit kryesish nga aji, nje flotë e madhe dronësh është në operacion ku mundësohet verifikimi i çdo fskaji të territorit, një flotë e makinave të policisë dhe një numër i madh njerëzish jo vetëm i policisë, të cilët janë angazuar në këtë front të madh,. Nuk ka mundësi të kemi asnjë tolerancë në këtë drejtim. Shifrat janë çdo ditë e në ulje dhe fenomeni nuk ka asnjë mundësi mbijetese në Shqipëri.

Për më shumë bëhu pjesë e grupit më viral në Facebook, Dosja.al

Gazetarja: Të paktën në qarkun e gjirokasrës mbeten vatra, ashtu sikurse ju thashë nuk kemi shifra reale, asgjesohen 2000 bimë dhe deklarohen 180.

Lleshaj: Kush e ka thënë këtë?

Gazetarja: E kanë thënë ata që janë ndjekur penalisht.

Lleshaj: Për detajet mund të kontaktoni drejtorin e policisë, une nuk kam mundësi tju jap detaje. Unë mund t’ju them se objektivi politik I yni  është çrrënjosja e kanabisit dhe do të çrrënjoset.

(g.sh./dosja.al)

 

Shto Koment