Rikthehet moti i keq në vend/ Shiu sjell rrëshqitje gurësh dhe përmbytje, dhjetëra fshatra në juglindje pa energji
Moti i keq në Korçë/ Rrugët e qytetit përmbyten nga uji, disa fshatra pa energji elektrike 25 Shtator, 11:35 ...
Moti i keq në Korçë/ Rrugët e qytetit përmbyten nga uji, disa fshatra pa energji elektrike 25 Shtator, 11:35 ...
Fitorja e PS-së në Kukës, Majko: Na ka futur në borxh, do ja shpërblejmë me vepra 25 Shtator, 11:18 ...
Tensionet në veri/ Sarrazin: E dënojmë fuqishëm sulmin kriminal ndaj Policisë së Kosovës 25 Shtator, 12:10 ...
Vuçiç i prerë: Na vrisni të gjithëve po të doni, nuk do ta njohim Kosovën e pavarur 24 Shtator, 20:46 ...
•Zëvendësministri i Infrastrukturës dhe Energjisë, Endrit Molla është liruar nga detyra me vendim të Këshillit të Ministrave këtë të mërkurë. •Këshilli i Ministrave vendosi të emërojë në postin e zëvendësministrit të Infrastrukturës dhe Energjisë, Ami Kozelin. •Po ashtu, ministrja Delina Ibrahimaj deklaroi se Qeveria shqiptare miratoi vendimin për shfuqizimin e Bordit të Karburanteve. •Vendimi për shfuqizimin e Bordit erdhi pasi në muajt e fundit është vërejtur një stabilizim i çmimeve në tregjet ndërkombëtare. •Akti normativ për ngritjen e Bordit të Karburanteve, i cili do të kontrollonte dhe monitoronte transparencën e çmimeve në tregun e hidrokarbureve u miratua me fillimin e krizës së çmimeve të karburanteve në tregjet ndërkombëtare. • Ibrahimaj deklaroi se në mbledhjen e Këshillit të Ministrave u miratua vendimi, i cili parashikon shtyrjen e afatit të pagesës së kësteve të tatimfitimit për bizneset, të cilat eksportojnë mbi 70 % të mallrave të tyre deri në marsin e vitit 2024, kur bizneset mbyllin bilancet e tyre. •Po ashtu, Ibrahimaj bëri të ditur që një tjetër masë që është marrë në ndihmë të këtij sektori është edhe shkurtimi i afatit të rimbursimit të TVSH-së, i cili në ligj përcaktonte një afat 30-ditor për kategorinë e bizneseve eksportuese.
3 artikuj për këtë temë.
TIRANË- Ndryshime në Qeveri. Endrit Molla është shkarkuar ditën e sotme nga posti i zv/ministrit të Ministrisë së Infrastrukturës dhe Energjisë. Vendimi është marrë në mbledhjen e sotme të këshillit të ministrave.
Në vend të Mollës është emëruar Ami Kozeli. Në mungesë të kryeministrit Edi Rama, vendimet e datës së sotme janë firmosur nga zv/kryeministrja Belinda Balluku e cila drejton edhe MiE.
VENDIMI:
Vendime të miratuara në mbledhjen e Këshillit të Ministrave, datë 7 Qershor 2023:
V E N D I M PËR EMËRIM NË DETYRË Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Ami Kozeli emërohet zëvendësministër i Infrastrukturës dhe Energjisë.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
V E N D I M
PËR
LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Endrit Molla, zëvendësministër i Infrastrukturës dhe Energjisë, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
TIRANË- Ministrja e Financave Delina Ibrahimaj ka deklaruar se janë marrë masa në ndihmë eksportuesve të cilët kanë pësuar humbje të mëdha nga zhvlerësimi i euros përballë lekut. Pas mbledhjes së kryesisë, Ibrahimaj ka deklaruar se deri në mars të vitit të ardhshëm, eksportuesit nuk do të paguajnë tatim mbi fitimin. Po ashtu shtoi se këtë tatim do e paguajnë vetëm nëse dalin me fitim pasi të përfundojnë bilancin.
“Gjatë muajit të kaluar kemi pasur disa takime me shoqetën e eksportuesve ku janë diskutuar ndërhyrjet potenciale që mund të zbatohen për t’u ardhur në ndihmë. Ajo që ka ndodhur është që ato biznese që punojnë me kontrata porositëse, tani gjenden në situatëqn ku shpenzimet i kanë në lekë dhe të ardhurat në euro. Një nga masat që do merret është shtyrja e agfatit të kësteve të tatimit mbi fitimin deri në mars të vitit të ardhshëm kur bizneset mbyllin bilancet. Subjektet që janë eksportues dhe ekportojnë mbi 70% të nuk do parapaguajnë këstet e tatim fitimit deri në mars kur do të bëjnë bilancin. Kjo vjen si mbështetje për mungesën e likuiditetit që bizneset kanë në treg pas forimit të lekut. Masat e tjera, rimbursimi i TVSH, detyrim ligjor që për kategorinë e eksportuesve të jepet një afati 3 ditor” tha Ibrahimaj.
TIRANË- Bordi i Transparencës për çmimet e karburanteve është shfuqëzuar ditën e sotme. Ministrja e Financave Delina Ibrahimaj ka deklaruar se vendimi për ngritjen e këtij bordi u mor për shkak të situatës së veçantë në këtë treg. Por sipas Ibrahimajt, situata e veçantë e tregut ka përfunduar.
“Me fillimin e krizës së çmimeve qeveria shqiptare ngriti një bord të transparencës për kontrollin e çmimeve të hidrokarbureve. Që prej asaj kohe çmimet kanë pasur luhatje të mëdha. Ne përcaktuam nëpërmjet një akti normativ disa marzhe fitime që nuk mund të ndryshonin me qëllim limitimin sa më shumë të ishte e mundur të spekulimeve me çmimet e hidrokarbureve. Gjatë tremujorit të parë kemi ndjekur zhvillimet e tregut dhe themi që tregjet janë stabilizuar në çmimet që ishin përpara krizës në 2021. Bazuar edhe në vendimin e Gjykatës Kushtetuese që e la në fuqi, ne vendosëm, për shfuqizimin e bordit të hidrokarbureve dhe situatës së veçantë në këtë treg", tha Ibrahimaj.
Bordi i Transparencës u ngrit në 12 mars të këtij viti me qëllimin për të shmangur abuzimet nga ana e kompanive që tregtojnë karburante. Teksa opozita e ka sulmuar si Bord klientelist, mazhoranca e ka cilësuar si mekanizmin e vetëm për të mbajtur në kontroll çmimet.
