"U zbulua nga fotogarafia...!" 14-vjeçari me pistoletë e fishekë në Vlorë! Babai: E kanë gjetur, kanë bërë video në TikTok dhe e kanë fshehur! Nxënësi: Lëvizte me biçak, ka shtyrë edhe gjyshin tim

Foto ilustruese

TIRANË- Drejtori i Policisë së Vlorës, Elidon Çela ditën e sotme në konferencë për shtyp ka raportuar për rastin e një 14-vjeçari për të cilin tha se nëpërmjet një fotografie të gjetur në celularin iu gjet e fshehur në një motomjet pranë një banese një armë zjarri pistoletë me rreth 130 copë fishekë luftarakë. Drejtori tha se vijon puna intensive për të identifikuar personin që ia ka dhënë armën këtij 14-vjeçari, i cili u arrestua për armëmbajtje pa leje.

Ndërkohë një nga nxënësit e shkollës 9-vjeçare “Rilindja” në Vlorë ka treguar se 14-vjeçari që u kap me pistoletë, i ngacmonte vazhdimisht shokët.  Sipas nxënësit, 14-vjeçari konfliktohej me bashkëmoshatarët e lëvizte me thikë në ambientet e shkollës.

“Valentino ishte djalë i keq. Ai ka shtyrë edhe gjyshin tim. Gjyshi shkoi ta ndante, se ai po zihej me vëllanë tim. E rrëzoi në tokë dhe iku me vrap. Edhe në shkollë zihet me shokët, ai lëvizte me biçak, kishim frikë nga ai”, thotë ai.

Babai i 14-vjeçarit

VLORA- Bardhosh Tozaj, babai i 14 vjeçarit me inicialet V. T., që iu gjet një pistolet dhe fishekë ka komentuar sot për mediat shoqërimin e djalit. Ai tha se djali i tij, së bashku me shokët e kanë gjetur armën në një objekt të pabanuar. Sipas tij, adoleshentët kanë krijuar një video me armën për ta shpërndarë në platformën TikTok dhe më pas e kanë fshehur. Babai i 14-vjeçarit tha se se kur ka parë videon, ka kontaktuar me drejtuesit e shkollës 9-vjeçare dhe me punonjësit e policisë.

“Marr shkas nga një video që ishte shpërndarë mbrëmë në rrjetet sociale, sikur djali im ka qarkulluar në shkollën 9-vjeçare ‘Rilindja’ me një pistoletë, ky është një lajm i rremë. Informacionin policisë ia kam dhënë unë, marr shkas nga një video e djalit tim me shokët në mal me pistoletë. Kishte një problem tjetër në shkollë, ku qarkullon një lojë, ku hedhin një shok dhe e presin dhe videot i nxjerrin në TikTok. Është lojë e rrezikshme dhe për këtë arsye, unë isha në një mbledhje me drejtoreshën, mësuesen kujdestare dhe një psikologe.

U thashë që kam parë një video, por nuk isha i sigurt nëse pistoleta ishte e vërtetë apo lodër. Ne u takuam me punonjësit e policisë në shkollë, ata panë videon me djalin dhe kuptuan se nuk ishte pistoletë lodër. Pistoletën e kanë gjetur në një objekt të pabanuar. E kanë marrë, kanë shkuar në mal, kanë bërë video në TikTok dhe më pas e kanë fshehur. Kishin gjetur edhe tre karikatorë. Djali nuk ka pasur probleme më parë, vetëm zënka në shkollë, se 14 vjeç", tha ai.

Drejtori i Policisë së Vlorës, Elidon Çela tregoi sot në konferencë për shtyp për rastin e një 14-vjeçari për të cilin tha se nëpërmjet një fotografie të gjetur në celularin e tij dhe pas një pune profesionale me psikolog, prind dhe punonjës social, iu gjet e fshehur në një motomjet pranë një banese një armë zjarri pistoletë me rreth 130 copë fishekë luftarakë. Drejtori tha se vijon puna intensive për të identifikuar personin që ia ka dhënë armën këtij 14-vjeçari, i cili u arrestua për armëmbajtje pa leje.

Foto nga Konferenca

VLORA- Drejtoria e Policisë së Vlorës ka zhvilluar një konferencë për shtyp duke dhënë detaje lidhur me operacionin kundër trafikimit të të rriturve nga vendet e huaja që përdoreshin për shpërndarjen e drogës. Ndër të tjera Drejtori i Policisë së Vlorës, Elidon Çela, gjatë fjalës së tij tregoi për rastin e një 14-vjeçari për të cilin tha se nëpërmjet një fotografie të gjetur në celularin e tij dhe pas një pune profesionale me psikolog, prind dhe punonjës social, iu gjet e fshehur në një motomjet pranë një banese një armë zjarri pistoletë me rreth 130 copë fishekë luftarakë. Drejtori tha se vijon puna intensive për të identifikuar personin që ia ka dhënë armën këtij 14-vjeçari, i cili u arrestua për armëmbajtje pa leje.

Pjesë nga deklarata:

Dua tju bëj me dije, gjatë dy javëve të fundit, dhjetëra prindër dhe pjestarë të stafeve pedagogjike të qarkut Vlorë kanë kontaktuar Policinë, duke ndarë shqetësime dhe informacione mbi aktivitetet dhe sigurinë e fëmijëve të tyre, kryesisht të moshave 12 deri në 18 vjeç. Këto informacione kanë qenë të vlefshme dhe kanë ndihmuar në orientimin e veprimeve tona parandaluese.

Një shembull konkret është rasti i një 14-vjeçari, ku, falë informacionit të siguruar dhe punës profesionale nga Policia e Vlorës, ditën e djeshme është bërë e mundur që, nëpërmjet një fotografie të gjetur në celularin e tij dhe pas një pune profesionale me psikolog, prind dhe punonjës social, të gjendej e fshehur në një motomjet pranë një banese një armë zjarri pistoletë me rreth 130 copë fishekë luftarakë, të cilat I kishte fshehur ky 14-vjeçar. Nga ana jonë vijon puna intensive për të identifikuar personin që ia ka dhënë armën këtij 14-vjeçari, i cili u arrestua për armëmbajtje pa leje.

Përfitoj nga rasti që t’i falënderoj të gjithë prindërit dhe stafet pedagogjike që kanë ndarë shqetësimet dhe informacionet e tyre me Policinë. Kontributi i tyre është një shembull i rëndësishëm i bashkëpunimit për rritjen e sigurisë së fëmijëve në rrugë dhe shkollë. Ftoj të gjithë qytetarët që të vazhdojnë këtë bashkëpunim, duke denoncuar rastet e paligjshmërisë, me garancinë e anonimatit të plotë dhe një reagim të menjëhershëm e profesional nga strukturat e Policisë së Qarkut Vlorë.

Këto veprime parandaluese dhe operacionale të njëpasnjëshme janë dëshmi e përkushtimit e strukturave të Policisë Vlorë, falë dhe bashkëpunimit me qytetarët dhe mbështetjen maksimale nga Prokuroria e Vlorës, për të goditur aktivitetet kriminale me qëllim rritjen akoma më shumë të parametrave të sigurisë së jetës dhe pronës së qytetarëve.