SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
• Mblidhet Kryesia e Partisë Demokratike. • Ish-kryeministri Sali Berisha ka komentuar sërish vizitën e kryeministrit Edi Rama në samitin e Brukselit. • Berisha u shpreh se Rama shkoi atje si përfaqësues i Beogradit dhe presidentit Aleksandër Vuçiç, e jo për interesat e shqiptarëve. • Po ashtu, Berisha u ndal në gjuhën e përdorur nga Rama kundrejt Bullgarisë pasi nuk hoqi veton ndaj Maqedonisë së Veriut, duke bllokuar edhe negociatat e vendit tonë.• Po ashtu, kryedemokrati foli edhe për protestën e 7 korrikut. • Paralajmëroi se do të dilte në tubim bashkë me Lëvizjen Socialiste për Integrim, por edhe me aleatë. • Berisha ka komentuar edhe Bordin e Transparencës, duke thënë se i vendosin çmimet për llogari të qeverisë.
3 artikuj për këtë temë.
TIRANË- Kryetari i Partisë Demokratike, Sali Berisha deklaroi ditën e sotme se qeveria ka ulur me 2% ndihmën ekonomike. Kreu i PD shtoi se qeveria ka përfituar 340 milionë euro që nuk ua ka kthyer qytetarëve madje shtoi se Rama është vërsulur tani me paketën e re fiskale mbi bizneset për t’i falimentuar ato masivisht.
'Shqiptarëve po u ngushtohet laku që u ka vendosur Rama me çmimet, të dhëna shumë të qarta të sakta kanë treguar se vetëm nga TVSH-ja e çmimeve të rritura, qeveria ka përfituar 340 milionë euro e jo që nuk ua ka kthyer qytetarëve për lehtësim po themi gjysmën e tyre, por përkundrazi qeveria ka ulur me 2% ndihmën ekonomike për familjet në nevojë. Pra kemi të bëjmë me një qeveri e cila nuk ka asnjë moral dhe që merr cdo vendim sikur ky popull nuk ushqehet, nuk vishet, nuk lëviz. Rama është vërsulur tani me paketën e re fiskale mbi bizneset për t’i falimentuar ato masivisht. Ekziston tani ligji si shpata e demokleut t’u kthejë taksat e t’i falimentojë pasi u kishte premtuar se deri në 2029 nuk do ketë shtim në taksat tuaja.
Pra kemi të bëjmë me një gjendje dramatike, reale, për kafshatën e gojës së qytetarëve shqiptarë. Këta vijojnë qeverisin pa asnjë preokupim, pasi ka futur të gjitha pushtetet në xhep. Çdo ditë dëgjon projektligje të pa konsultuara me qytetarët por me zyrat e PS. S’ka pasur ndonjëherë që nga diktatura një regjim të shkëputur tërësisht nga qytetarët si kjo qeveri”'- u shpreh Berisha.
TIRANË- Kryetari i Partisë Demokratike, Sali Berisha deklaroi ditën e sotme se bordet e krijuara nga qeveria janë ngritur për t'u shndërruar në një mekanizëm gjakpirës. Sipas kreut të PD-së, bordet janë bërë zëdhënëse të një shfrytëzimi të egër të qytetarëve shqiptarë.
'Bordet për llogari të qeverisë dhe oligarkëve janë shndërruar në një mekanizëm gjakpirës, të cilët rrisin çmimet jashtë çdolloj lloj tregu. Bordet janë bërë zëdhënëse të një shfrytëzimit të egër të qytetarëve shqiptarë. Nuk ka asnjë mundësi tjetër dhe arsye tjetër që produktet të kushtojnë në Shqipëri 107% të mesatares së çmimit të Bashkimit Europian. Këto janë statistika zyrtare të institutit që kontrollohet nga Edi Rama. Si mundet nafta në Shqipëri të ketë çmime si Finlanda, Suedia dhe rrogat janë 8 herë më të ulëta?”
TIRANË- Kryetari i Partisë Demokratike Sali Berisha ka folur ditën e sotme në mbledhjen e Kryesisë për protestën e thirrur në datën 7 korrik në kryeqytet, duke thënë se ka një rëndësi shumë të madhe. Berisha theksoi se PD shkon në këtë protestë “me një koalicion të gjerë me shoqërinë civile, me personalitete aktive në jetën publike dhe me forca politike opozitare të vërteta parlamentare dhe jo parlamentare”. Po ashtu, ai kërkon nga anëtarët e PD-së, që të intensifikojnë përpjekjet e tyre në mënyrë që në datën 7 korrik të gjithë të jenë të pranishëm në protestë.
'Jo si një protestë e PD, por e mbarë qytetarëve shqiptrë. Nuk ka dyshim se roli i PD në organizimin e kësaj është përcaktues, por PD shkon drejt kësaj proteste me një koalicion të gjerë me shoqërinë civile, me personalitete aktive në jetën publike dhe me forca politike opozitare të vërteta parlamentare dhe jo parlamentare. Degët kanë filluar aktivitetin dhe takimet por kërkoj intensifikim maksimal i përpjekjeve tona në mënyrë që kjo protestë të shprehë të gjithë shqetësimet e mëdha, problemet madhore me të cilat përballen sot shumica dërrmuese e qytetavëe shqiptarë. Nuk ka dyshim se problemi më kryesor është një lak në fytin e shqiptarëve që po shtrëngohen çdo ditë e më shumë nga çmimet stratosferike të Bordet komuniste të qeverisë së Edi Ramës. '- tha Berisha.