Plagosja në Vorë, policia me reagim zyrtar: Tre personat e përfshirë në konflikt ndodhen në spital 15 Tetor, 19:0...
Hapja e grup-kapitullit të parë/ Gonzato: Integrimi të konsiderohet nga politika si prioritet kombëtar strategjik! Orban: Sh...
"Telefonova Ramën pas tërmetit!" Hapja e negociatave me BE-në për grup-kapitullin e parë, Varhelyi: Pa zgjerimin Europa...
Konferenca e dytë ndërqeveritare BE-Shqipëri/ Ministri i Jashtëm hungarez: Në krye të axhendës, përshpej...
• Deputetët e Opozitës janë mbledhur ditën e sotme në kryesinë e Kuvendit për të diskutuar çështjet e aksionit opozitar. • Mbledhja ka ardhur një ditë pas zhvillimeve të tensionuara në seancën parlamentare e cila zgjati vetëm 17 minuta. • Pas mbledhjes ka dal për mediat Kryetari i Partisë Demokratike Sali Berisha i cili është shprehur se në mbledhje u diskutua për të nisur protestën e fuqishme në nivel të përgjithshëm. • Berisha tha se nuk tregon hapat e skenarit për shkak se qeveria do marrë masa për të bllokuar protestën. • Pas Berishës për mediat është prononcuar Kreu i Grupit të PD-së Gazment Bardhi, i cili tha se opozita vendosi në unanimitet dërgimin e marrëveshjes së Refugjatëve në Kushtetuese. • Bardhi dha përgjigje dhe për kallëzimin që njoftoi Ministri Brendshëm Taulant Balla ndaj deputetëve të Opozitës, ku tha se nuk intimidohen nga presionet • Bardhi përfundoi se do të vazhdojë aksioni opozitar në çdo nivel.
4 artikuj për këtë temë.
TIRANË- Gazmet Bardhi, Kreu i Grupit Parlamentar të Partisë Demokratike ka komentuar shkurtimisht pyetjen e gazetarëve pas mbledhjes së grupit ditën e sotme, mbi vizitën e deputetit Lulzim Basha në SHBA. Bardhi tha se vizita në SHBA është në forumin NDI dhe sipas informacioneve të tij, në të tilla trajnime merr pjesë kundrejt pagesës.
Nga ana tjetër ai tha se më e rëndësishme sipas tij është që të jemi këtu dhe të rrëzojmë regjimin e Ramës, se të shkojmë jashtë.
"Në dijenin time vizitat që bëhen në NDI janë kundrejt një pagese. Nga ana tjetër forumi i NDI është një forum i nderuar që të gjithë e dimë që është i hapur për sa më shumë pjesëmarrje. Më e rëndësishme për mua në këto momente është të rrëzojë Edi Ramën jo të marr mend jashtë vendit. Beteja jonë është këtu." - tha Bardhi.
TIRANË-Kryetari i Grupit Parlamentar Gazment Bardhi i është përgjigjur pyetjes së gazetarëve ditën e sotme pas mbledhje së grupit të PD-së në kryesinë e Kuvendit. Bardhi i pyetur se çfarë reagimi ka për deklaratën e djeshme të Ministrit të Brendshëm Taulant Balla, që tha se do të denoncojnë në SPAK aktet e ndodhura në Kuvend. Gazetarët i kujtuan Bardhit se Balla në deklaratën e tij, tha se për këtë vepër penale dënohesh 5 vite burg.
"Edhe këto janë shenja ndaj një regjimi, tani ai po i bën shërbimin më të keq ndaj institucioneve të drejtësisë. Kam pritur nga drejtësia një reagim. Ai është vendosur atje për lidhjet krim mafia dhe pushtet. Nuk na intimidojnë dot."-tha Bardhi.
TIRANË-Gazment Bardhi, Kreu i Grupit Parlamentar të Partisë Demokratike ka folur për mediat pas mbedhjes në kryesinë e Kuvendit.
Bardhi ka thënë se diskutimi i mbledhjes ishte dërgimi i kërkesës në Kushtetues për anullimin e marrëveshjes së refugjatëve, e cila sipas Bardhit do të ndodhë ditën nesërme. Nga ana tjetër ai tha se ka pasur një unanimitet nga deputetët për këtë çështje.
Bardhi: Sot si grup parlamentar kemi marrë vendimin për një kërkesë ndaj Kushtetuese për marrëveshjen e Italisë, të cilën do ta depozitojmë nesër. Kërkojmë një përgjigje të shpejt nga Kushtetuesja. Së dyti u diskutua për situatën në Kuvend dhe për vijimin në një aksion opozitar. Nesër do të rimblidhet grupi parlamentar i PD-së. Nuk heqim dorë nga ajo që të kthejmë rrugën e normalitetit të parlamentit. Për të dyja cështjet ka pasur unanimitet.
Brenda grupit secili është i lirë, por për të dyja cështjet ka patur dhe ka dakordësi të plotë për çështjen e refugjatëve. Së pari duhet të sqarojmë se aq kanë në dorë dhe aq do të bëjnë ata për të përjashtuar deputetët e opozitës. Edhe këto janë shenja ndaj një regjimi, tani ai po i bën shërbimin më të keq ndaj institucioneve të drejtësisë. Kam pritur nga drejtësia një reagim. Ai është vendosur atje për lidhjet krim mafia dhe pushtet. Nuk na intimidojnë dot. Së pari çdo anëtar i grupit parlamentar është në aksion. E rëndësishme është që secili deputetë dhe të gjithë ata që e ndjejnë veten në opozitë. Absolutisht që ka nevojë për qytetarët, kur qeveria mundohet të mbyll cdo rrugë të opozitës. Jemi para një regjimi në tiparet e tij.
TIRANË- Kryetari i Partisë Demokratike, Sali Berisha ka folur për mediat pas mbledhjes me deputetët e opozitës. Berisha tha se aksioni i opozitës do të vijojë dhe se në mënyrë të pashmangshme do të shkohet drejt një proteste popullore masive.
I pyetur se cili është skenari i opozitës për seancën e të enjtes në Parlament, Berisha u shpreh se nuk mund ta zbulojë pasi “armiku do të marrë masa”, duke iu referuar mazhorancës.
"Po shkohet drejt një situate drejt të cilës qytetarët ftohen të bëjnë pjesë. Garantoj që shkohet në mënyrë të pashmangshme. Nëqoftëse ne e themi skenarin sot, armiku merr kundramasa. Ata do marrin masa do çojmë 200 garda nëse ne e themi. Një maskë mafioze nga Edi Rama ajo që bën në 8 dhjetor. Ne do të vazhdojmë traditën. Ka një grup të veprimeve operative që cakon detyra.", tha Berisha.
