Bisedimet për arritjen e armëpushimit në Ukrainë/ Përfundon pas dy orësh telefonata e Trump me Putinin, presi...
GJKKO dërgoi dosjen "Partizani" për gjykim, Gjokutaj: Do të ecet me gjykim të zakonshëm, ja pse nuk e kemi kërkuar...
Ulsi Manja prezanton rekomandimet e qeverisë në luftën kundër krimit: Të shmangen vonesat e hetmeve, të përdo...
"Kosova ka nevojë për institucione", Abdixhiku: E pakuptueshme që një parti me 48 deputetë nuk arrin të bëj&e...
• Kreu i Partisë Demokratike ka zhvilluar ditën e sotme takim me qytetarë të Kuçovës. • Gjatë fjalës së tij Berisha u shpreh se programi i PD-së dhe Aleancës për Shqipërinë Madhështore është programi më i mirë që është paraqitur ndonjëherë para shqiptarëve. • Ai foli edhe në lidhje me takimin e tij të sotëm me shqiptarët në Selanik teksa theksoi se ata ishin më të vendosur se kurrë për të votuar me 11 maj për shpëtimin e Shqipërisë. • Berisha shtoi se më 11 maji do të shënohet fillimi i ri për çdo të ri që dëshiron të ndërtojë ëndërrën e tij në Shqipëri. • Ai theksoi se do të dyfishojnë buxhetin për arsimin. • Sipas tij dyert e universiteteve do të jenë të hapura dhe se qeveria do të paguajë çdo sipërmarrës që punëson të rinjtë. • Berisha shtoi se qeveria do të përcaktojë grante për çdo biznes dhe startup të të rinjve tanë. • Kryedemokrati u shpreh se qeveria këtë vit vuri përpara taksat 8 miliardë euro. • Ai shtoi se kryeministri Edi Rama kishte përcaktuar dhe la gjithsej 16 mln euro për pensionistët. • Berisha theksoi se kur u PD paraqiti ligjin për minimumin jetik 200 euro, qeveria u shpreh se ata po çojnë vendin në greminë. • Ai shtoi se qeveria ka vjedhur pensionet dhe më pas shprehen se po të rrisin pensionet vendi bie në greminë. • Berisha theksoi se zotimi i PD është që pensionet dhe rrogat të jenë të barabarta me vendet e tjera të Ballkanit. • Ai më tej u shpreh se qeveria subvencion 32 milionë për fermerët. • Berisha u premtoi fermerëve se kjo shumë do të 5-fishohet dhe se për çdo njësi prodhimi do të financohen njëlloj siç financohen fermerët e vendeve përreth. • Më tej ai u shpreh se Ballkani i Hapur do të griset ditën e parë të qeverisjes së Partisë Demokratike dhe se, taksa armiqësore ndaj fermerëve shqiptarë, taksa simetrike e TSVH-së do të marrin fund. • Berisha theksoi se kryeministri Edi Rama është tmerruar këto dy ditë edhe më shumë, sepse mësoi se Partia Demokratike ka marrë për avokat të kauzës së drejtë të çdo shqiptari, avokatin e presidentit Donald Trump. • Ai tha se më datën 12 maj do të shpallen grupe terroriste Edi Rama dhe bashkëpunëtorët e tij kryesorë. • Sipas tij Rama të ardhme nuk ka dhe se fitorja është e njerëzve të lirë, e qytetarëve të lirë, e atyre që besojnë tek shpirti madhështor i shqiptarit.
6 artikuj për këtë temë.
KUÇOVË- Kreu i Partisë Demokratike gjatë fjalës së tij në takim me qytetarë të Kuçovës u shpreh se PD është partia më e fortë në këto zgjedhje. Berisha theksoi se fushata e PD është më e suksesshme pasi është drejtuar nga kryestrategu i presidentit Donald Trump, Chris LaCivita. Berisha theksoi se kryeministri Edi Rama është tmerruar këto dy ditë edhe më shumë, sepse mësoi se Partia Demokratike ka marrë për avokat të kauzës së drejtë të çdo shqiptari, avokatin e presidentit Donald Trump.
Ai tha se më datën 12 maj do të shpallen grupe terroriste Edi Rama dhe bashkëpunëtorët e tij kryesorë. Sipas tij Rama të ardhme nuk ka dhe se fitorja është e njerëzve të lirë, e qytetarëve të lirë, e atyre që besojnë tek shpirti madhështor i shqiptarit.
"Por përsëri ne jemi më të fortë së kurrë, sepse fushatën tonë, e projektoi, e drejton, kryestrategu i fushatës më të suksesshme elektorale në historinë e njerëzimit, rikthimit të presidentit Donald Trump, Chris LaCivita. I ra dotës me grushta atë ditë që doli Chris LaCivita në konferencë shtypi.
Por miq, këto dy ditë është i tmerruar edhe më shumë, sepse mësoi se Partia Demokratike ka marrë për avokat të kauzave tuaja të drejta, për avokat të kauzës së drejtë të çdo shqiptari, të votës së lirë shqiptarëve, avokatin e presidentit Donald Trump.
Imagjinoni tani miq. Në një anë opozita me Chris LaCivitanë, në anën tjetër ai me Vullnet Sinën, një hajdut, një deputet që duhet të dorëzonte mandatin dhe që infektoi Shqipërinë me mallra të skaduara. Imagjinoni pak, opozita Partia Demokratike, ju të gjithë me avokat, një vigan, avokatin e presidentit Donald Trump, kurse ai me bandat, me Suel Çelën, me Bajrat, me Hajrat, dhe me të tjerë. I them unë këtu para jush, janë tmerruar se në mënyrë absolute do të shpallen grupe terroriste me datën 12 maj, dhe Edi Rama bashkëpunëtor kryesor i tyre. Po, po.
Kështu që edhe ato pak shpresa ju shuan, Edi Rama të ardhme nuk ka. Fitorja është e njerëzve të lirë, e qytetarëve të lirë, e atyre që besojnë tek shpirti madhështor i shqiptarit, tek Kuçova Madhështore, Shqipëria Madhështore. Rrofshi ju, rroftë Shqipëria, Fitore, fitore, fitore!" tha ai.
KUÇOVË- Kreu i Partisë Demokratike gjatë fjalës së tij në takim me qytetarë të Kuçovës u shpreh se qeveria ka qenë në pushtet për 12 vite dhe në fushatat e tyre nuk mund të paraqesin asnjë sukses të vetëm. Ai theksoi se qeveria ka vjedhur 90% të taksave të qytetarëve.
Ai më tej kryeministrin Edi Rama e cilësoi një burrec 2-metrosh dhe që ka një fjalor banal dhe të turpshëm. Berisha më tej theksoi se Rama është i tmerruar dhe se çdo ditë që kalon ai shkon drejt 11 majit, humbjes së tij përfundimtare. Berisha shtoi se ai dështoi me çdo përpjekje për të izoluar Partinë Demokratike.
"Zonja dhe zotërinj. Hidhni një sy fushatës tjetër. Ka qeverisur 12 vite, nuk është i zoti të paraqesë asnjë sukses të vetëm. Dhe a e dini pse? Diçka është bërë, se nuk mund të themi zero, jo. Por problemi është se ato që janë bërë, janë bërë me një çmim 9-10 me çmimin real që duhet të kishin. Kanë vjedhur, kanë vjedhur, kanë vjedhur 90% të taksave tuaja. Ndaj dhe burreci 2-metrosh. Dhe i them burrec se e meriton. Shiko, e kam ftuar dhe e ftoj edhe sonte para jush, hajde ulemi këtu në Kuçovë bashkë me këta burra dhe gra para nesh.
Hajde të ulemi të japim llogari të dy, të shpjegojmë programin të dy. Ti ke qeverisur 12 vite, unë kam 12 vite që nuk kam qenë në pushtet. Urdhëro tregoju qytetarëve çfarë ke bërë ti, dhe çfarë do bësh. Ndryje, s’del dot, nuk ja mban. Dhe vetëm flet me veten çdo mëngjes. Sy më sy, me ato që i thotë vetes, sapo zgjohet, po flas këto, po flas ato. Po. Së dyti. Ju e konstatoni kalon nga një shesh në një tjetër, me një tufë fjalës, bajate, banale, të turpshme sikur jo kryeministër, por mund ti vesh çdo epitet, nuk po përdor epitete. Burrec 2 metra i gjatë po i them prap. Çfarë flet, këneta, zhapinj, hardhuca, çyryk, autik, budalla dhe këto janë fjalori i tij. Ky është fjalori i tij dhe pastaj përpiqet në një mënyrë meskine, në një mënyrë që mund ti vesh çdo epitet të krijojë çarje nëpër familje, se burrat janë kështu, se ata janë ato, se po të mos ishit ju ata do bëheshin me bisht.
Gjëra të cilat janë aq bajate, edhe në BigBrother nuk do ja pranonin. Jo. Por miq, çfarë fshehin të gjitha këto. Këto fshehin edhe një tmerrim të tij. Ai është i tmerruar, i tmerruar. Është i tmerruar sepse çdo ditë që kalon, e çon atë buzë greminës, e çon atë buzë disfatës, e çon drejt 11 majit, humbjes së tij përfundimtare. Ai dështoi me çdo përpjekje për të izoluar Partinë Demokratike. Ju e patë miq. Dje dhe pardje ne kishim në Tiranë miq më të shquar, përfaqësues të organizatës, të 110 partive të Qendrës së Djathtë në Europë dhe në botë, të cilët shprehën mbështetje të plotë dhe totale për ju, për PD-në dhe Koalicionin e Shqipërisë Madhështore, programin e saj. Të cilët ja dogjën në dorë pasaportën kallpe të Edi Ramës," tha ai.
KUÇOVË- Kreu i Partisë Demokratike gjatë fjalës së tij në takim me qytetarë të Kuçovës u shpreh se programi i PD-së u kthen paratë, jo vetëm demokratëve, por çdo shqiptari që ka paguar taksa. Berisha shtoi se programi tyre u krijon një mundësi të re 760 mijë pensionistëve.
Ai tha se lista e ilaçeve do të jetë ajo që ka Republika Italiane dhe se rimbursohet 100%. Sipas tij secili nga pensionistët do të kenë Kartën e Konsumatorit dhe se do ti marrin ushqimet bazë me 20% më lirë. Berisha theksoi se familje e fortë është qëllimi i programit dhe se Ministria e Familjes do të jetë mbështetësja më e madhe për nënat dhe gratë.
"Miqtë e mi! Janë momente shumë të rëndësishme. Janë dy javë para nesh përcaktuese. Thirrja ime për secilin prej jush, për çdo mbështetës dhe simpatizant tonin. Le ti shpallim këto dy javë, javët e misionit tonë, e një misioni për të trokitur në çdo zemër, për të bindur çdo qytetar se ky program nuk është program për një parti, është program për çdo shqiptar. Ky program miqtë e mi, nga njëra anë kthen paratë, jo vetëm demokratëve, por çdo shqiptari që ka paguar taksa. Nga ana tjetër, ky program krijon një mundësi të re për 760 mijë pensionistë, që të kenë një jetë jo më siç e kishin më parë, të kenë një ushqim normal.
Por dhe ilaçet. Lista e ilaçeve do të jetë ajo që ka Republika Italiane. Do rimbursohet 100%. Secili nga pensionistët dhe rrogëultët do të kenë Kartën e Konsumatorit, do i marrin ushqimet bazë me 20% më lirë dhe do të marrin mbrapsh TVSH, 450 euro është pra sa një rrogë minimale pothuaj.
Mundësi më e madhe do të ketë për çdo të ri, i cili do të shkollohet, nuk do të përjashtohet nga universiteti për mesataren. Do të ketë për çdo të ri, i cili pasi mbaron universitetin do të mbështetet fuqishëm për punësimin e tij, për strehimin e tij, për biznesin e tij. Do të ketë për çdo nënë, motër, grua të cilat do të mbështeten fuqishëm me kredi, me grande për të udhëhequr biznese, për të patur sukses. Por edhe për të patur bollëk në familjen e vet, për të mos u detyruar më se, kjo sofër nuk mban kaq shumë. Se kjo sofër është më e vogël se sa jemi ne.
Nënat, motrat, gratë dhe vajzat shqiptare duhet ta kenë të qartë se Ministria e Familjes do të jetë avokatja më e fuqishme e interesave të tyre, mbështetësja më e fuqishme për to. Familje e fortë, ky është qëllimi ynë, por pa gra, nëna e motra të forta nuk ka familje të fortë.Miqtë e mi! Pra, kjo është fushatë. Për biznesmenët i përgjysmohet barra fiskale. Hapësirë më e madhe, punëson më shumë, kursen më shumë. Ne besojmë se në këtë mënyrë e ngremë Kuçovën dhe Shqipërinë në madhështinë e saj. Kuçova është vend i rezervave të mëdha të naftës, por është vend dhe i pasojave serioze. Ju garantoj se do të bëjmë gjithçka për mbrojtjen e këtij mjedisi dhe pastrimin e tij. Për një mjedis të shëndetshëm për banorët e këtij rrethi dhe këtij qyteti,' tha ai.
KUÇOVË- Kreu i Partisë Demokratike gjatë fjalës së tij në takim me qytetarë të Kuçovës u shpreh se qeveria subvencion 32 milionë për fermerët. Berisha u premtoi fermerëve se kjo shumë do të 5-fishohet dhe se për çdo njësi prodhimi do të financohen njëlloj siç financohen fermerët e vendeve përreth.
Më tej ai u shpreh se Ballkani i Hapur do të griset ditën e parë të qeverisjes së Partisë Demokratike dhe se, taksa armiqësore ndaj fermerëve shqiptarë, taksa simetrike e TSVH-së do të marrin fund. Sipas tij Made in Albania’ do të jetë krenaria e vendit.
"Miqtë e mi! Liljana para jush këtu paraqiti me të drejtë gjendjen tejet të vështirë të fermerëve shqiptarë. Ju duhet ta dini se, pasi firmosi si argat i Vuçiçit ‘Ballkanin e Hapur’ 80 përqind e prodhimeve bujqësore në tregjet shqiptare vijnë nga Shumadia dhe Banata, se hyjnë pa doganë.
Në Shqipëri nisi një therje masive e bagëtive. Subvencioni që ju merrni është 1/5 e asaj që merr fermeri në Maqedoninë e Veriut, është 1 e 7, ose e 8 e asaj që merr fermeri në Serbi. Është 1 e 4 apo e 5, e asaj që merr fermeri në Kosovë. Merr fund.
Dhe çbëri Edi Rama këtë vit, më falni. 8 miliardë euro, për 380 mijë fermerë të cilët japin 20% të prodhimit të brendshëm, të cilët punësojnë 500 mijë shqiptarë. Sa dha? Dha gjithsej 57 milionë euro, nga të cilat fermerët marrin subvencion 32 milionë. Fjala ime e nderit, se kjo shumë do të 5-fishohet. Po. Se ju për çdo njësi prodhimi, serë, arë apo çfarë do qoftë, për çdo fidan të mbjellë, për çdo kokë bagëti të mbajtur, do të financoheni njëlloj siç financohen fermerët e vendeve përreth. Pra do 5-fishohet subvencioni dhe ju garantoj se prodhimet tuaja do të mbrohen në sezon. Se Ballkani i Hapur do të griset ditën e parë të qeverisjes së Partisë Demokratike dhe se, taksa armiqësore ndaj fermerëve shqiptarë, taksa simetrike e TSVH-së, merr fund.
Taksa do të jetë në blerje dhe shitje, sepse duhet që ju ta merrni mbrapsh TVSH dhe jo grosistët.
Ju garantoj se do investohet çdo vit, 70 mln euro në kullim, në vaditje, mbrojtje toke. Miq, ja ku është hidrocentrali i Banjës, ai në radhë të parë është vepër vaditëse dhe ndaj është ndërtuar dhe dytësor është energjia. Ju siguroj se potencialet e tij do të përdoren për të dyfishuar sipërfaqen e ujitur në Shqipëri. Miqtë e mi! ‘Made in Albania’, prodhimi shqiptar do të jetë krenaria jonë. I garantoj biznesmenët e Kuçovës dhe të Shqipërisë. Biznesi i vogël, energjia zbret nga 18 në 6 lek.
Bashkitë s’do mund të vendosin kurrë taksa e tarifa më shumë se 1%. Por ngaqë jam këtu tek bashkitë, do të shpreh nderimin tim më të madh për ju, për demokratët dhe demokratet e Kuçovës, për fitoren tuaj në Maj të kësaj bashkie me Lefter Maliqin, ua grabiten. Ju garantoj se ligji do të veprojë me forcën më të madhe para atyre që grabitën mandatin tuaj," tha ai.
KUÇOVË- Kreu i Partisë Demokratike ka zhvilluar ditën e sotme takim me qytetarë të Kuçovës. Gjatë fjalës së tij Berisha u shpreh se qeveria këtë vit vuri përpara taksat 8 miliardë euro. Ai shroi se kryeministri Edi Rama kishte përcaktuar dhe la gjithsej 16 mln euro për pensionistët.
Berisha theksoi se kur u PD paraqiti ligjin për minimumin jetik 200 euro, qeveria u shpreh se ata po çojnë vendin në greminë. Ai theksoi se qeveria ka vjedhur pensionet dhe më pas shprehen se po të rrisin pensionet vendi bie në greminë. Berisha theksoi se zotimi i PD është që pensionet dhe rrogat të jenë të barabarta me vendet e tjera të Ballkanit.
"Të dashur miq! Ky program siç e paraqitën edhe parafolësit e mi këtu, fillon me zemrën e dhimbsur. Fillon me dhemshurinë. Ndaj dhe ne i japim fjalën e nderit, çdo pensionisti dhe pensioniste, çdo të papuni, çdo njeriu në ndihmë ekonomike, çdo fëmije me një prind, çdo studenti me bursë se 100 ditët e para do të kenë minimumin jetik, apo pensionin minimal, apo bursën 200 euro. Se në 100 ditët e para në këtë vend, do të vendoset rroga minimale 500 euro dhe do të shkohet dhe rroga mesatare 1200 euro.
Miq, çfarë po bëjmë ne me këto. Nuk po bëjmë asgjë tjetër, veç po kthejmë tek ju paratë që marrim nga ju. Ato janë taksat tuaja, janë mundi juaj, janë djersa juaj, janë kafshata juaj që e paguani në çdo gjë. Dhe çdo qeveri e përgjegjshme para jush, në Shqipëri apo në botë, ka detyrë që një pjesë të mirë të atyre që u merr të ua kthejë ju përsëri. Miq, nuk dua të ndalem në vitet e shkuara, por një gjë u them; pikërisht për të zbatuar këtë detyrim ne dyfishuam rrogat në vitet 2006-2013. Pikërisht për të zbatuar këtë detyrim moral, ligjor ne dyfishuam pensionet e vogla, ne rritëm me 60% pensionet mesatare, ne rritëm me 40% pensionet e larta. Po miq, paratë janë të qytetarëve.
Në vitin 2013 ne arritëm duke zbatuar këtë parim, që qytetarët shqiptarë me rrogë shteti, pensionistët shqiptarë, të kenë rroga më të larta se sa të gjithë pensionistët e vendeve të tjera të Ballkanit, të kenë pensione më të larta. Po. Po. Çfarë ndodhi në 12 vite? Në 12 vite malazezët të cilët merrnin në vitin 2013, një pension prej 138 mijë lekë, ndërkohë kur pensioni mesatar në Shqipëri ishte 143 mijë lekë, sot marrin 450 mijë lekë pension. Po pse marrin ata kaq? Sepse qeveria e Malit të zi, e përgjegjshme para qytetarëve të saj, në çdo buxhet u jep përqindjen e duhur qytetarëve. Kosova një vend me një pavarësi pak vite më parë, para 3 muajsh Albin Kurti ndau 100 mln euro për pensionistët. 100 milionë dhe u tha se, çdo pensionistë do të ketë pension 20% më të lartë.
Po kështu rrogat minimale. Në vitin 2013, Rumania që sot është anëtare e BE-së, edhe në atë kohë ishte, kishte një rrogë minimale 830 lej, afërsisht 164 euro. Sot sa e ka? E ka 3300 lej, e ka dy herë më të madhe se ne. Në vitin 2013 e kishim 220 euro rrogën minimale. Po pse? Sepse qeveria i ndan paratë, u kthen paratë atyre që ua merr. Si mundet? Të lumtë goja, i kanë vjedhur tek pensionistët, tek rrogëtarët. Kjo është e vërteta. Ndaj dhe ne, kemi vendosur të rrisim rrogat, të rrisim pensionet dhe vrapi ynë nuk ndalet gjersa çdo qytetar i këtij vendi, çdo pensionist i këtij vendi të ketë rrogën dhe pensionin më të lartë se, çdo bashkëmoshatar i tij në vende të tjera të Ballkanit.
Ky është zotimi ynë para jush. Çfarë bënë këtë zotërinjtë, kjo qeveri çfarë bëri? Kjo qeveri vetëm këtë vit, vuri përpara taksat tuaja 8 miliardë euro. Dhe Edi Rama kishte përcaktuar dhe la gjithsej 16 mln euro për pensionistët. Kur ne i paraqitëm ligjin për minimumin jetik 200 euro, jo tha, kjo na çon në greminë. Po në çfarë gremine na çon ajo? A ka gjë më të pashpirtë se të lësh për 870 mijë qytetarë të tu, 16 mln euro? Merr fund kjo, e tha bukur qytetari, ata kanë vjedhur pensionet, kanë vjedhur miliarda nga pensionet tuaja dhe pastaj thonë se, po ti rrisim biem në greminë. Gremina i pret për atë që kanë bërë," tha ai.
KUÇOVË- Kreu i Partisë Demokratike ka zhvilluar ditën e sotme takim me qytetarë të Kuçovës. Gjatë fjalës së tij Berisha u shpreh se programi i PD-së dhe Aleancës për Shqipërinë Madhështore është programi më i mirë që është paraqitur ndonjëherë para shqiptarëve. Ai foli edhe në lidhje me takimin e tij të sotëm me shqiptarët në Selanik teksa theksoi se ata ishin më të vendosur se kurrë për të votuar me 11 maj për shpëtimin e Shqipërisë.
Berisha shtoi se më 11 maji do të shënohet fillimin e ri për çdo të ri që dëshiron të ndërtojë ëndërrën e tij në Shqipëri. Ai theksoi se do të dyfishojnë buxhetin për arsimin. Sipas tij dyert e universiteteve do të jenë të hapura dhe se qeveria do të paguajë çdo sipërmarrës që punëson të rinjtë. Berisha shtoi se qeveria do të përcaktojë grante për çdo biznes dhe startup të të rinjve tanë.
"Të dashur qytetare dhe qytetarë të Kuçovës, banorë të këtij rrethi, mirënjohjen time më të pakufishme, nderimin tim më të madh para jush dhe për ju, gra dhe burra, djem e vajza, njerëz të lirë të grumbulluar në këtë shesh, me vullnetin tuaj, pa asnjë lloj imponimi, por të vendosur të mbështesni programin e Partisë Demokratike dhe Aleancës për Shqipërinë Madhështore, me besimin se ky është projekti më i madh, më i mirë i paraqitur ndonjëherë në këto 32 vite në Shqipërisë. I dashur Eno Bozdo, drejtuesi politik i qarkut të Beratit. Kryetari i PD-së së Kuçovës.
Të dashur kandidate dhe kandidat për deputet në Kuvendin e Shqipërisë, përfaqësues të Qarkut të Beratit dhe rrethit të Kuçovës, krenaria jonë jeni, krenaria e Kuçovës dhe Beratit dhe Shqipërisë.
Sonte do të më lejoni, do të ju kërkoj leje të përshëndes edhe ato qindra qindra, zonja e zonjushe, punonjëse të administratës, që të detyruara me regjistër, detyrohen të ndjekin dhe të ndigjojnë dokrrat me një fjalor ordiner të një njeriu i cili i ka ditët e numëruara. Më lejoni ti garantoj se, për ato dhe për çdo njeri, çdo punonjës që zbaton ligjin dhe u shërben si shërbëtor qytetarëve shqiptar, do kemi nderimin më të madh dhe se me 11 maj merr fund njëherë e mirë, pjesëmarrja e detyruar në mitingje të ministrave apo kryeministrave, por sheshet do të jenë gjithnjë të qytetarëve të lirë, të djemve dhe vajzave, burrave dhe grave të lirë dhe kurrë me detyrim siç ndodh në këtë fushatë.
Miq! Unë vij tek ju, për të paraqitur programin e PD-së dhe Aleancës për Shqipërinë Madhështore si programin më të mirë që është paraqitur ndonjëherë para shqiptarëve. Sot në mëngjes e nisëm fushatën në Selanik. Qindra, mijëra vëllezër, motra tona, erdhën të dëgjonin programin e partisë dhe të aleancës tonë, erdhën më të vendosur se kurrë për të votuar me 11 maj, shpëtimin e Shqipërisë, ndryshimin e madh për të votuar, ndarjen e Shqipërisë dhe shqiptarëve nga një e keqe e madhe që po shkreton çdo javë, çdo muaj më shumë, Kuçovën, Beratin dhe Shqipërinë. Më të vendosur se kurrë për të votuar me 11 maj, ndryshimin dhe ndarjen nga një e keqe që po i rrëmben kombit të ardhmen dhe rininë e tij.
Jam këtu sot dhe e garantoj Ledianin, bashkëmoshatarët e tij dhe të gjithë të rinjtë në këtë shesh dhe kudo që ndodhen se 11 maji shënon fillimin e ri, për çdo të ri, për çdo fëmijë, çdo vajzë dhe djalë që do, e dëshiron të ndërtojë ëndërrën e tij në Shqipëri. Dëshiron të ndërtojë të ardhmen e tij në Shqipëri. Po ne garantojmë të rejat dhe të rinjtë, fëmijët se shkollimi i tyre në një arsim modern, në shkolla të pajisura me teknologji më të mira, me cilësi më të lartë do të jetë objektiv kryesor, duke dyfishuar buxhetin për arsimin dhe se nuk do të ketë më mesatare si shpatë Demokleu që të pengojë ata të hyjë në universitete. Përkundrazi dyert e universiteteve do të jenë të hapura dhe pas përfundimit, qeveria do të paguajë çdo sipërmarrës që punëson të rinjtë, 1 vit sigurime shoqërore për çdo të ri të punësuar. Qeveria do të përcaktojë grante për çdo biznes dhe startup të të rinjve tanë.
Qeveria do të përcaktojë grante për çdo kredi, në mënyrë që çdo çift i ri të ketë një çati.
30 mijë euro për të mbuluar të gjitha interesat dhe më pas me fëmijën e tretë për ata që duan, qeveria do të paguajë vetë të gjithë kredinë. Miqtë e mi, do të bëjmë gjithçka, do të bëjmë çdo gjë që të kthejmë nga emigracioni të rinjtë dhe të rejat që ikën, por dhe çdo emigrant që do të kthehet në Shqipëri. Prova e jetës sonë, prova e forcës tonë, e vizionit tonë, është të kthejmë kombin në moshën e rinisë tij. Ky është qëllimi ynë. Kombi, vetëm kombi në moshën e rinisë, është komb me të ardhme, është komb që zhvillohet është komb që begatohet gjithnjë e më shumë,' tha ai.
