Berisha: SPAK po hedh karamele për të mbrojtur Ergys Agasin dhe Edi Ramën! 20 Qershor, 13:14 Berisha: Vendi nuk...
A mund të jetë ndërhyrja ushtarake në Iran rrugë e suksesshme për ndryshimin e regjimit? 20 Qershor, 11:52 ...
Operacioni ‘Blloku 33’/ Dalin EMRAT e 25 perosnave të arrestuar që shisnin kokainë në lokalet e natës (VIDE...
Të shtënat me armë zjarri në Fushë- Krujë/ Dalin PAMJET nga vendi i ngjarjes 20 Qershor, 10:26 ...
• Partia Demokratike ka paralajmëruar ditën e sotme mosnjohjen e rezultatit të zgjedhjeve në vend. • Kreu i PD-së Sali Berisha në një konferencë për mediat theksoi se në zgjedhjet që u mbajtën ditën e djeshme janë shkelur kriteret. • Berisha deklaroi se në zgjedhje ka pasur ndërhyrje të bandave kriminale, duke numëruar disa prej tyre. • Në fjalën e tij, Berisha ka akuzuar mazhorancën për blerje votash, duke theksuar se kanë dhënë 100 euro për votë. • Ndërkohë që në fund të fjalës së tij ka theksuar se çdo votë duhet që të numërohet.
4 artikuj për këtë temë.
TIRANA- Kreu i Partisë Demokratike Sali Berisha tha sot para mediave se opozita nuk do të mbyllë sytë para shkeljeve. Ai u bëri thirrje strukturave të Partisë Demokratike që të mbrojnë votë. Berisha shtoi se kryeministri firmos mbjelljen e dhjetëra mijëra hektarëve kanabis për votë, dhe kjo sipas tij nuk është përgjegjësi e opozitës.
"Unë po e paralajmëroj këtë? Si po e paralajmëroj unë këtë? Në qoftë se kryeministri firmos dhuratën kryeministrore 100 euro për votë, nuk është përgjegjësi e opozitës kjo. Në qoftë se kryeministri firmos mbjelljen e dhjetëra mijëra hektarëve kanabis për votë, nuk është përgjegjësi e opozitës kjo.
Në qoftë se kryeministri firmos faljen e 150 milionë gjobave dy ditë para zgjedhjeve, kjo nuk është përgjegjësia e opozitës. Cila është këtu përgjegjësia e opozitës? Çfarë mendoni ju se të jetë opozita të jetë symbyllur ndaj këtyre? E pamundur. Asnjë njeri i qytetëruar nuk mund të mbyllë sytë përpara këtyre. Por këto që janë të njohura. Pavarësisht, çdo votë duhet të numërohet. Ky është qëndrimi ynë", tha Berisha.
TIRANA- Kreu i Partisë Demokratike Sali Berisha deklaroi sot se kriteret për zgjedhjet të lira dhe të ndershme janë shkelur. Ai tha para mediave se ka patur ndërjyrje nga bandat. Kryedemokrati shtoi se strukturat e PD-së pavarësisht nga çdo gjë, është në detyrimin të numërojnë çdo votë.
"Unë jam këtu për t’u bërë thirrje qytetarëve që të numërojnë çdo votë. Ne të tregojmë përgjegjësi para atyre që kanë votuar duke numëruar çdo votë. Ky është qëndrimi ynë...
...Edhe njëherë, asnjë njeri para këtij procesi nuk mund të bëjë automatin, nuk mund të bëjë sikur këto nuk kanë ndodhur. Ju jeni dëshmitarë se këto që thashë unë, katër prej tyre janë me vendime zyrtare qeverie, janë publike, nuk janë private. Ka kritere për zgjedhjet. Janë shkelur në mënyrën më të pamëshirë.
Përveç të tjerash, Xhabaftët, Poja, Suel Çela, nuk ka asgjë këtu të fshehtë. Në këto kushte nuk ka njeri që mund të vërë në dyshim këto që themi ne. Por unë jam këtu sot për të kërkuar nga strukturat e PD, pavarësisht nga çdo gjë, është në detyrimin tonë të numërojmë çdo votë", tha Berisha.
TIRANA- Kreu i Partisë Demokratike Sali Berisha paralajmëroi sot mosnjohjen e zgjedhje nga forca e tij politike. Para mediave Berisha tha se nëse jepet 100 euro për votë, kjo nuk është përgjegjësi e opozitës. Ai theksoi se nuk ka forcë në botë që pengon shqiptarët të votojnë të lirë.
“Vetëm ai që është sipër mund të ndalojë PD-në pa bërë gjithçka për të mbrujtur votën e shqiptarëve. Ky popull do të votojë i lirë. Forcë në të nuk do të ketë të ndalojë shqiptarët të votojë i lirë. Ta harrojë kush që mund të pengojë shqiptarët pa votuar edhe ata si kombet e lira”, tha Berisha.
TIRANA- Kreu i Partisë Demokratike Sali Berisha ka bërë reagimin e parë pas daljes së rezultateve në zgjedhje. Berisha u bëri thirrje strukturave të PD-së që të mbrojnë votën. Ai tha se opozitarët duhet të tregojnë përkushtimin më të madh në numërimin, vlerësimin e çdo vote dhe të mos kenë asnjë ndikim nga asgjë.
"Për Partinë Demokratike procesi elektoral është procesi themelor i një shoqërie të lirë. Në këtë kontekst jam këtu së pari për të shprehur mirënjohjen dhe falenderim të madh për komisioinerë, vëzhgues, numërues që e gdhinë gjatë natës.
Së dyti ju bëj thirrje të gjitha strukturave të PD-së, që të bëjnë gjithçka që të numërohet çdo votë pa asnjë, me përkushtimin më të madh sepse çdo votë kundër regjimit meriton nderimin më të madh dhe vlerësimin më të madh.
Sot, këtë kisha qëllim kryesor të paraqitjes para jush në mënyrë një thirrje për demokratët, opozitarët që të tregojnë përkushtimin më të madh në numërimin, vlerësimin e çdo vote dhe të mos kenë asnjë ndikim nga asgjë. Kjo është detyra më e rëndësishme për demokratët", tha Berisha.
