"Me Lulin kur e keni lënë për foto?", Rama i përgjigjet komentuesit: Fizikisht nuk puqemi por zemrën e kemi të lid...
Njohu pavarësinë e Kosovës, Kurti zhvillon bisedë telefonike me presidentin e Kenias: I bëra një ftesë pë...
Bisedat në Signal/ Trump dhe zyrtarët thanë se gazetari gënjen, Goldberg poston artikullin e ri: Njerëzit duhet t'i sho...
"Nesër shpalosim programin Shqipëria 2030", Rama: Nuk jemi si ata që premtojnë pensione 500 euro dhe naftën 5 cent dhe ...
• Kryetarja e komanduar e Bashkisë së Tiranës, Anuela Ristani ka mbajtur fjalën gjatë ceremonisë që po mbahet në Pallatin e Brigadave për 105-vjetorin e Tiranës kryeqytet. • Ristani shprehet se askush se kishte menduar që do ishin në podium pesë nënkryetarët dhe se imazhi i pikturuar 24 orët e fundit, nuk përputhet aspak me imazhin e Bashkisë (referuar arrestimit të Veliajt). • Ajo e ka cilësuar Tiranën si simbol i transformimit ndërsa shton se kjo goditje e Bashkisë (arrestimi i Veliajt) nuk do ta hutojë por përkundrazi do ta motivojë për të ecur përpara për ta realizuar sipas saj planet e tjera për përmirësimin e Tiranës. • Kryeministri Edi Rama ka mbajtur fjalën në ceremoninë e 105-vjetorit të Tiranës kryeqytet. • Në ceremoninë që u mbajt në Pallatin e Brigadave, Rama tha se janë në paradoks sepse mungon kryetari i Bashkisë.• Rama tha se Erion Veliajt iu ndërpre kontrata e bërë nga një person që ai nuk e njeh. • Ai shtoi se kush zgjedh që njeriun e zgjedhur ta marri pa gjyq dhe ta mbylli në një dhomë paraburgimi nuk është e qartë për Ramën se llogari përpara kujt jep. • Rama deklaroi se arrestimi i Veliajt tregoi se drejtësia nuk është e kapur.• Ai shton ndër te tjera se kjo është një kthesë historike për Shqipërinë, që tregon se të gjithë janë të barabartë para ligjit. • Rama tha se kryebashkiaku i arrestuar Erion Veliaj nuk ka rrezik shoqëror. • Sipas Ramës, Veliajn e hoqën nga shpatullat e kokës së kryeqytetit 3 muaj para zgjedhjeve.• Ai shtoi se sot vetëm një idiot, i pafytyrë mund të thotë që qeveria drejton drejtësinë. • Rama tha se deri më sot PS nuk kishte komentuar as kur kryetari i Tropojës është marrë nga zyra dhe është mbyllur në shtëpi. • Ai shtoi se prezumimi i pafajësisë për një njeri të zgjedhur në krye të detyrës është jo thjesht një detyrim ndaj tij si ndaj çdo individi, por është detyrim dhe ndaj atyre që e kanë zgjedhur, në mënyrë që të bëhen të dyja edhe puna me kontratën ndaj zgjedhësve edhe puna e drejtësisë. • Kryeministri Edi Rama gjatë fjalës së tij në ceremoninë e 105-vjetorit të Tiranës foli edhe për Klotilda Bushkën, kryetaren e Komisionit të Ligjeve e cila është në hetim nga SPAK në dosjen e Erion Velisë. • Rama u shpreh se Kryetarja e Komisionit të ligjeve ka kërkuar të dëgjohet në Grupin Parlamentar, sepse e ka dëgjuar lajmin nga TV dhe jo nga prokurori. • Kryeministri Edi Rama zbuloi mbrëmjen e sotme se do të kandidojë për deputet në Tiranë në zgjedhjet parlamentare të 11 Majit. • Gjatë fjalës së tij në ceremoninë e 105-vjetorit të Tiranës kryeqytet, Rama deklaroi se do ti bashkohet skuadrës së kryeqytetit në zgjedhjet e përgjithshme. • Rama u shpreh se më 11 Maj gjithçka do të jetë mavi, dhe sipas tij këto zgjedhje do ti japin Shqipërisë numrin më të lartë që i ka dhënë ndonjëherë të deputetëve.
10 artikuj për këtë temë.
TIRANË - Kryeministri Edi Rama zbuloi mbrëmjen e sotme se do të kandidojë për deputet në Tiranë në zgjedhjet parlamentare të 11 Majit. Gjatë fjalës së tij në ceremoninë e 105-vjetorit të Tiranës kryeqytet, Rama deklaroi se do ti bashkohet skuadrës së kryeqytetit në zgjedhjet e përgjithshme duke hequr kështu mundësinë e kandidimit të tij si deputet në Shkodër (ashtu siç edhe kishte deklaruar më herët.)
Rama u shpreh se më 11 Maj do të jetë në Tiranë ku sipas tij gjithçka do të jetë mavi, dhe se këto zgjedhje do ti japin Shqipërisë numrin më të lartë që i ka dhënë ndonjëherë të deputetëve.
Rama: Më 11 maj, falë edhe blerjes së fundit të skuadrës, marrjes së Braçes në Tiranë, kutitë e votimit do jenë një mavi flakëritëse cep më cep në çdo njësi, në çdo lagje, në çdo qendër. Patjetër vetvetiu falë edhe asaj që ndodhi dje edhe për mua është e qartë se duhet të jem në Tiranë bashkë me gjithë skuadrën. Edhe nuk diskutohet më 11 maj Tirana do i japi Shqipërisë numrin më të madh që i ka dhënë ndonjëherë të deputetëve.
TIRANË - Kryeministri Edi Rama gjatë fjalës së tij në ceremoninë e 105-vjetorit të Tiranës kryeqytet ka deklaruar se Bashkia që nga emërimi i Veliajt ka bërë përparime. Ai shprehet se kur është futur për herë të parë në këtë institucion aty kishte vetëm tym cigareje.
Rama e ka cilësuar Bashkinë e asokohe (para emërimit të Veliajt) si "filmat e Sorrentinos", ndërsa shton se pas arrestimit të kryebashkiakut e ndjen si detyrim që të jetë në mbështetje të Bashkisë së Tiranës.
Rama: Pavarësisht se roli i drejtuesit është i pazëvendësueshëm, Tirana është një mekanizëm, një institucion që është në gjendje të bëjë në mënyrë automatike një pjesë të rëndësishem të punës. Kur kam hyrë për herë të parë në Bashkinë e Tiranës, dje mu kujtua kur hyra, nuk dukej fundi i korridorit se kishte vetëm tym cigareje, ishte si ato filmat e Sorrentinos ku po të qëndrosh pak, sheh tymin, dëgjon zhurmat dhe pastaj të dalin tre veta gjysëm nudo. Nuk po zgjatem më. Është kënaqësi për mua të jem këtu, nuk ishte e planifikuar. Unë kryetar bashkie kam qënë, mbase jo aq i zoti sa Veliaj, por sot që Tirana dhe Shqipëria ma kanë marrë të gjithë pigmentin e flokëve diçka kam edhe unë që mund të bëj në mbështetje të tyre kështu që do takohemi rregullisht.
TIRANË- Kryeministri Edi Rama gjatë fjalës së tij në ceremoninë e 105-vjetorit të Tiranës foli edhe për Klotilda Bushkën, kryetaren e Komisionit të Ligjeve e cila është në hetim nga SPAK në dosjen e Erion Velisë. Rama u shpreh se Kryetarja e Komisionit të ligjeve ka kërkuar të dëgjohet në Grupin Parlamentar, sepse e ka dëgjuar lajmin nga TV dhe jo nga prokurori.
"Kryetarja e Komisionit të ligjeve ka kërkuar të dëgjohet në Grupin Parlamentar, sepse e ka dëgjuar nga TV, jo nga prokurori. Nga gazetarë special që kanë dokumente që nuk i kanë as të akuzuarit që është person i dyshuar, kryetarja Komisionit të Ligjeve. Që të jetë një person i dyshuar që e merr vesh nga TV që emrin është në aktakuzë dhe të mos jetë pyetur asnjëherë… çfarë është kjo? Këto nuk janë shenja aspak të mira dhe dua të shpresoj që janë shenja që nuk lidhen me simptomat e një sëmundje vetëkënaqësie. Kjo s’është republikë prokurorësh. Do ishte autogoli më i madh," tha Rama.
TIRANË- Kryeministri Edi Rama gjatë fjalës së tij në ceremoninë e organizuar nga Bashkia e Tiranes me rastin e 105-vjetorit të shpalljes së Tiranës Kryeqytet i Shqipërisë, tha se gjithçka rrezikon të degradojë në një drejtësi aktiviste. Rama gjithashtu u shpreh se nëse Erion Veliaj dhe e shoqja kanë blerë 800 mijë euro fustanë e bizhuteri tani s’kemi çfarë diskutojmë, por kërkojmë prova. Rama po ashtu tha se ai do ta ndjekë me kujdes këtë proces teksa hodhi dyshime mbi prokurorinë dhe mënyrën se si ka vepruar me rastin e Erion Veliajt.
"Gjithçka rrezikon të degradojë në një drejtësi aktiviste dhe në këtë hapësirë janë ata që bërtasin…se nuk ka rëndësi fare a ka prova, a s’ka prova.Nëse ai dhe e shoqja ka blere 800 mijë kusur euro fustane e bizhuteri nuk kemi çfarë diskutojmë fare, por kemi të drejtën të kërkojmë provat dhe të drejtën të themi ndërkohë hedhja e kësaj shifre është absolutisht e qëllimshme për të ekzaltuar masën dhe për të krijuar një situatë ku të jetë e pamundur që të diskutosh. Do ta ndjekim me kujdes këtë proces… Metoda e prokurorit është e papranueshme," tha Rama.
TIRANA- Kryeministri Edi Rama, gjatë fjalës së tij në ceremoninë për 105-vjetorin e Tiranës si kryeqytet, foli për arrestimin e kryebashkiakut Erion Veliaj, Rama tha se në procesin e deritanishëm ai është vetë dëshmitar për intimidim të personave. Rama përmendi një rast kur ai vetë ishte marrë nga policia dhe ishte vendosur në një repart, ku ishte përballur me akuza dhe presione akuzuar për tradhti ndaj babait të tij.
“Në fund, thuhet se i hetuari nuk ndjen pendesë… Në procesin e deritanishëm jam dëshmitar për intimidim të personave, janë intimiduar njerëz që më kanë bërë të mendoj për kohën kur unë jam marrë nga policia, kur jam futur në makinë, jam çuar në një repart a rajon, dhe më është folur për turpin që duhej të ndjeja që po tradhtoja babanë. Një njeriu në atë hetim i është përmendur i ati që është punonjës në shtet duke i thënë ‘mirë është ta nderosh babanë’. Ku jemi këtu? S’ka lidhje me fajësinë apo pafajësinë e Erionit”, tha Rama.
TIRANA- Kryeministri Edi Rama tha sot gjatë ceremonisë së 105-vjetorit të Tiranës si kryeqytet se nuk i takon atij të thotë nëse kryebashkiaku i arrestuar Erion Veliaj është apo jo i fajtor. Rama tha se deri më sot PS nuk kishte komentuar as kur kryetari i Tropojës është marrë nga zyra dhe është mbyllur në shtëpi.
Ai shtoi se prezumimi i pafajësisë për një njeri të zgjedhur në krye të detyrës është jo thjesht një detyrim ndaj tij si ndaj çdo individi, por është detyrim dhe ndaj atyre që e kanë zgjedhur, në mënyrë që të bëhen të dyja edhe puna me kontratën ndaj zgjedhësve edhe puna e drejtësisë.
"Nuk e di dhe nuk më takon mua ta them nëse Erioni është i pafajshëm dhe nëse është fajtor, por unë di që prezumimi i pafajësisë për një njeri të zgjedhur në krye të detyrës është jo thjesht një detyrim ndaj tij si ndaj çdo individi, nga ana e kujt do që ka detyrën të trajtojë çështje që lidhen me drejtësinë, por është detyrim dhe ndaj atyre që e kanë zgjedhur, në mënyrë që të bëhen të dyja edhe puna me kontratën ndaj zgjedhësve edhe puna e drejtësisë.
Për hir të vërtetës ne deri sot kemi zgjedhur të mos komentojmë edhe kur kryetari i Tropojës është marrë nga zyra dhe është mbyllur në shtëpi, në një qytete në skaj të Shqipërisë dhe i është ndaluar të zbatoj kontratën e zgjedhësve sepse mbiu të rëndon një akuzë, por pa gjyq", tha Rama.
TIRANA- Kryeministri Edi Rama ka mbajtur fjalën në ceremoninë e 105-vjetorit të Tiranës kryeqytet. Në ceremoninë që u mbajt në Pallatin e Brigadave, Rama tha se kryebashkiaku i arrestuar Erion Veliaj nuk ka rrezik shoqëror. Sipas Ramës, Veliajn e hoqën nga shpatullat e kokës së kryeqytetit 3 muaj para zgjedhjeve. Ai shtoi se sot vetëm një idiot, i pafytyrë mund të thotë që qeveria drejton drejtësinë.
"E kam të pamundur të mos e lidh faktin që përndizet një situatë. Zhvillohet një linçim publik dhe pastaj bëhet një heqja nga shpatullat e kokës së kryeqytetit tre muaj para zgjedhjeve, nuk po inicioj asgjë, por po them që për mua kjo nuk është normale.
Nuk ka një flagrancë. Nuk ka një rrezik shoqëror. Ka një hetim për jetën e kryetarit të bashkisë. Sa një gjë e tillë është në shinat e kushtetutës së Republikës nuk më takon mua, por dyshimi është që është jashtë shinave. Ne sot vetëm një idiot, i pafytyrë mund të thotë që drejtojmë drejtësinë", tha Rama.
TIRANË - Kryeministri Edi Rama ka komentuar arrestimin e kryebashkiakut Erion Veliaj, gjatë fjalës së tij në ceremoninë e 105-vjetorit të Tiranës kryeqytet. Rama deklaroi se arrestimi i Veliajt tregoi se drejtësia nuk është e kapur. Ai shton ndër te tjera se kjo është një kthesë historike për Shqipërinë, që tregon se të gjithë janë të barabartë para ligjit.
Rama - Vetëm një idiot mund të thotë që ne kontrollojmë drejtësinë. Vetëm një i pafytyrë mund të thotë që ne nuk i kemi dhënë drejtësisë gjithë atë pavarësi që nuk e ka pasur që nga Shpallja e Pavarësisë që nga viti 1912. Por të bindur që kjo është kthesa e vërtetë historike për Shqipërinë, që të gjithë janë të barabartë para ligjit që askush të mos jetë mbi ligjin dhe të gjithë të jenë subjekt i drejtësisë kur drejtësia ka të gjitha arsyet të veprojë., Sot konstatojmë që jemi në një sfidë të re. Sfida është pavarësia e arritur, duhet të garantojë dhe të garantohet nga profesionalizmi dhe standartet demokratike. Prezumimi i pafajsisë nuk është një rresht që shkruhet për të larë gojën.
TIRANË - Kryetarja e komanduar e Bashkisë së Tiranës, Anuela Ristani ka mbajtur fjalën gjatë ceremonisë që po mbahet në Pallatin e Brigadave për 105-vjetorin e Tiranës kryeqytet.
Ristani shprehet se askush se kishte menduar që do ishin në podium pesë nënkryetarët dhe se imazhi i pikturuar 24 orët e fundit, nuk përputhet aspak me imazhin e Bashkisë (referuar arrestimit të Veliajt).
Ajo e ka cilësuar Tiranën si simbol i transformimit ndërsa shton se kjo goditje e Bashkisë (arrestimi i Veliajt) nuk do ta hutojë por përkundrazi do ta motivojë për të ecur përpara për ta realizuar sipas saj planet e tjera për përmirësimin e Tiranës.
Anuela Ristani: Askush nga ne këtu dot nuk e kishte menduar që do ishim ne të pestë këtu në podium, dhe jo 5, por 50 apo 500 nuk do ta kishim mbushur atë boshllëk që të gjithë ndjejmë. Në më shumë se një dekadë, punë të përditshme, shumë intensive, ajo që na ka bashkuar dhe kemi lënë kockat, nuk përputhet aspak më imazhin e pikturuar 24 orëshin e fundit.
Ne na duket sikur jemi në një ëndërr të keqe dhe na duket se do zgjohemi po në atë sallë që u ndamë dje në mëngjes. Ndërsa ndanim përgjegjësitë, listat e detyrave, kalonim batuta, siç bënim çdo të hënë në mëngjes. Tirana është më e madhe se sa ne, është më e madhe se sa puna jonë. Kushdo qofshim ne, është puna ajo që ngelet pas, ajo që del në pah. Në fund del edhe diçka tjetër, e vërteta. Detyra jonë sot është që të vazhdojmë ta bëjmë Tiranën të shkëlqejë edhe më fort. Do ta rimarrim ritmin e humbur dhe goditja e befasishme nuk do të na hutoje. Ne do të vazhdojmë të ecim përpara. Goditja e befasishme nuk do të na hutojë, por përkundrazi do të na motivojë.
TIRANA- Kryeministri Edi Rama ka mbajtur fjalën në ceremoninë e 105-vjetorit të Tiranës kryeqytet. Në ceremoninë që u mbajt në Pallatin e Brigadave, Rama tha se janë në paradoks sepse mungon kryetari i Bashkisë. Rama tha se Erion Veliajt iu ndërpre kontrata e bërë nga një person që ai nuk e njeh. Ai shtoi se kush zgjedh që njeriun e zgjedhur ta marri pa gjyq dhe ta mbylli në një dhomë paraburgimi nuk është e qartë për Ramën se llogari përpara kujt jep.
"Sot jemi mbledhur për të festuar 105 vjetorin e Tiranës kryeqytet, por në të njëjtën kohë jemi në një paradoks sepse mungon Kryetari i Bashkisë i zgjedhur nga çerek milion zgjedhës për të drejtuar kryeqytetin dhe për të realizuar një kondtratë të tijën dhe të forcës sonë politike me qytetarët e Tiranës.
Kontrata është ndërprerë nga dikush që unë sinqerisht dhe personalisht nuk e njoh për fytyrë dhe ndërkohë që kur zgjidhet ka një llogari të përditshme për të dhënë. Kush zgjedh që njeriun e zgjedhur ta marri pa gjyq dhe ta mbylli në një dhomë paraburgimi nuk është e qartë për mua se llogari përpara kujt jep, por me siguari jo përpara qytetarëve", tha Rama.
