Çmontimi i platformës së përdorur nga krimi i organizuar "Matrix", konfirmon Europol: Shqipja është një nga...
Zhvillimet e fundit në Korenë e Jugut/ Presidenti Biden "refuzoi" të komentonte: Sapo po informohem për këtë 3...
“Drejtësi për Martinin”/ Qytetarët dalin sërish në protestë: Duhet të ketë siguri t&eum...
Vuçiç takim me Kallas për zgjidhjen e rastit "Banjska" dhe vendosjen e sanksioneve për Rusinë! Presidenti serb: Do ...
• Fusha e mbetjeve tek inceneratori i Elbasanit është përfshirë nga flakët mëngjesin e sotëm. Raportohet se flakët janë përhapur në një pjesë të madhe të territorit në fjalë. • Gjithashtu bëhet me dije se shtëllunga gjigande e tymit dhe era e keqe e shkaktuar nga djegia e mbeturinave është përhapur në të gjithë lagjen periferike të qytetit të Elbasanit duke u kthyer në një rrezik serioz për shëndetin e banorëve. • Mësohet se 20 efektivë dhe 5 mjete të zjarrfikëses së Elbasanit po përpiqen të izolojnë vatrën, ndërsa në ndihmë janë nisur edhe zjarrfikëse të Cërrikut. • Po ashtu bëhet me dije se vatra të tilla zjarri mund të ketë sërish pasi në thellësi të masivit gjigant të mbetjeve të grumbulluara në landfillin e Elbasanit ka sasi vajrash e lëndësh djegëse që përbëjnë rrezik. • Policia ka reaguar pas zjarrit në fushën e mbetjeve të inceneratorit të Elbasanit. • Gjithashtu autoritetet bëjnë të ditur se shërbimet zjarrfikëse kanë bërë të mundur neutralizimin dhe shuarjen e flakëve që përfshinë mbetjet mëngjesin e sotëm. • Sipas policisë dyshimet janë se zjarri ka rënë nga një shkëndijë e krijuar si pasojë e përbërjes së mbetjeve. • Ndërkohë grupi hetimor vijon të punën për të përcaktuar shkakun e saktë të rënies së zjarrit.
5 artikuj për këtë temë.
ELBASAN- Policia ka reaguar pas zjarrit në fushën e mbetjeve të inceneratorit të Elbasanit. Gjithashtu autoritetet bëjnë të ditur se shërbimet zjarrfikëse kanë bërë të mundur neutralizimin dhe shuarjen e flakëve që përfshinë mbetjet mëngjesin e sotëm.
Sipas policisë dyshimet janë se zjarri ka rënë nga një shkëndijë e krijuar si pasojë e përbërjes së mbetjeve. Ndërkohë grupi hetimor vijon të punën për të përcaktuar shkakun e saktë të rënies së zjarrit.
Njoftimi i Policisë:
Mëngjesin e sotëm, ka rënë zjarr në pikën për grumbullimin e mbetjeve, në fshatin Katund i Ri. Shërbimet e Policisë kanë shkuar menjëherë në vendngjarje ndërkohë që shërbimet zjarrfikëse kanë bërë të mundur neutralizimin dhe shuarjen e zjarrit. Paraprakisht dyshohet se zjarri ka rënë nga një shkëndijë e krijuar si pasojë e përbërjes së mbetjeve. Grupi hetimor vijon të punën për të përcaktuar shkakun e saktë të rënies së zjarrit.
ELBASAN- Kreu i degës së PD-së në Elbasan, Bledi Himçi, deputeti i zonës, Qani Xhafa, dhe anëtarë të Këshillit Bashkiak kanë folur para mediave lidhur me situatën e krijuar në fusha e mbetjeve nga zjarri. Himçi akuzoi drejtpërdrejtë kryebashkiakun e Elbasanit Gledjan Llatja si autor dhe urdhërues të zjarrvënies, me qëllim siç tha ai, mbulimin e vjedhjeve. Ai i kërkoi SPAK-ut që të hetojë edhe gjendjen e inceneratorit dhe zyrtarët vendorë, duke hedhur dyshime se makineria është e amortizuar dhe nuk është blerë e re, pasi punoi vetëm për 3 muaj.
Po ashtu ai solli në vëmendje dhe shpenzimet apo paratë që harxhohen nga taksat e qytetarëve, duke kërkuar ndërhyrje dhe hetim të të gjithë përgjegjësve. Himçi ngriti edhe shqetësimin se inceneratori nuk ishte blerë i ri, teksa kujtoi se edhe banorët nuk dalin të protestojnë dhe ankohen, pasi është krijuar neodiktaturë dhe kanë frikë.
“Kjo zjarrvënie është e qëllimshme, e vendosur nga vetë Bashkia Elbasan. Padiskutim është vendosur ditë të shtune, kur institucionet janë pushim, mediat janë pushim në përgjithësi, që të kishte sensibilizim sa më të pakët. U vendos në mes të natës, ku temperaturat janë më të ulëta sesa gjatë ditës, jemi në periudhë vjeshte, ku s’ka temperatura të larta. Pra jemi para një zjarrvënie të qëllimshme. Kjo zjarrvënie është caktuar me urdhër të posaçëm të kryetarit të Bashkisë Elbasan, por edhe nga instanca të tjera. Dhe që duan të mbulojnë vjedhjen që ndodh çdo ditë në incenerator, inceneratori ka punuar vetëm 3 muaj, e gjatë gjithë kohës që ne flasim kjo fushë është kthyer në venddepozitim, pra në landfill të mirëfilltë. Mali me plehra ka marrë përmasa dhe për të ulur sasinë e mbetjeve i vihet flaka.
Sot i gjithë Elbasani është gdhirë nën ajrin toksik të këtyre mbetjeve. Askush s’ia ka për borxh, kur qytetarët elbasanas paguajnë 25 euro për ton dhe e paguajnë për incenerim, kurse këtu ka vetëm landfillim (grumbullim). Kjo është vjedhje e hapur, ku shkojnë gjithë ato lekë, ndaj digjen sot këto plehra, për të justifikuar bashkëpunimin që bëhet gjoja në emër të një inceneratori që s’punoi kurrë, inceneratori fantazëm. Sigurisht ka shumë çështje penale në SPAK për inceneratorin, por vjedhja vazhdon akoma më shumë dhe nuk është më në nivelin e vjedhjes së ministrit të atëhershëm, sot vjedhja është maksimale, ku janë përfshirë shumë e shumë njerëz. I bëj thirrje SPAK-ut të nisi një hetim kryesisht, pikërisht për këtë gjë. Situata këtu është skandaloze, jemi para një krimi mjedisor, vjedhjeje të madhe, megavjedhje që i ndodh jo vetëm bashkisë së Elbasanit, por edhe të tjerave, që edhe ato paguajnë 25 euro për tonë për incenerim, kur incenerim nuk ka.
Ne këtë çështje e kemi ngritur në çdo mbldhje të Këshillit Bashkiak, por gjithmonë ka kaluar me shmangie, me batuta nga ana e kryetarit të bashkisë, se do vihet sot, do vihet nesër në ndezje inceneratori, ka ndodhur një problem teknik. Ai duhet të ishte brenda garancive, duhet të kishte minimalisht 5 vite garanci, por prishet pikërisht 3 muaj pasi nis incenerimi. A jemi para një inceneratori të amortizuar dhe nuk është blerë i ri? Dhe kjo nuk është sqaruar as nga SPAK, as nga kryeministri Rama, a është blerë i ri ky incenerator? U ble i ri, apo i përdorur dhe u vendos këtu si një gërmadhe e madhe gjoja për incenerim, por ku ka vetëm landfillim dhe vjedhjet ndodhin dhe janë duke ndodhur. Këtu nuk ka as punonjës të bashkisë dhe as banorë të zonës, nuk i shikojmë. Aq shumë ia kanë fut frikën qytetarëve sa nuk dalin të kërkojnë të drejtat e tyre, jemi para një neodiktature”, tha Himçi.
ELBASAN- Situata e krijuar nga zjarri në fushën e grumbullimit të mbetjeve tek inceneratori i Elbasanit është cilësuar kritike për shkak të përmasave të mëdha. Mësohet se 20 efektivë dhe 5 mjete të zjarrfikëses së Elbasanit po përpiqen të izolojnë vatrën, ndërsa në ndihmë janë nisur edhe zjarrfikëse të Cërrikut.
Po ashtu bëhet me dije se vatra të tilla zjarri mund të ketë sërish pasi në thellësi të masivit gjigant të mbetjeve të grumbulluara në landfillin e Elbasanit ka sasi vajrash e lëndësh djegëse që përbëjnë rrezik.
ELBASAN- Deputeti i Partisë Demokratike, Dashnor Sula ka reaguar në rrjetet sociale lidhur me situatën e shkaktuar nga zjarri në fushën e mbetjeve të inceneratorit të Elbasanit që në orët e para të mëngjesit. Sula shkuan se kjo është katastrofë mjedisore.
Ai shton se malit me plera i është vendosur sërish zjarri në Elbasan. Sipas tij, nuk mjaftojnë kompanitë private që kanë bërë me nam Shqipërinë për mbetjet për të bërë edhe ndërkombëtarisht, "por 2 herë në vit në vend ku rrisin inceneratorin 33 milionë euro digjent duke ndotur në mënyrë të parikuperueshme të gjithëve".
POSTIMI:
Katastrofë mjedisore në Elbasan!
Malit me plera i është vendosur sërish zjarri në Elbasan dukë kështu një katastrofë mjedisore. Nuk mjaftojnë kompanitë private që kanë bërë me nam Shqipërinë për mbetiet për të bërë edhe ndërkombëtarisht, por 2 herë në vit në vend ku rrisin inceneratorin 33 milionë euro digjent duke ndotur në mënyrë të parikuperueshme të gjithëve.
Kjo është kriminale! I marr lekët për ti mbytur me tim kancerogjen.
ELBASAN- Fusha e mbetjeve tek inceneratori i Elbasanit është përfshirë nga flakët që prej orës 05:00 të mëngjesit të sotëm. Raportohet se flakët janë përhapur në një pjesë të madhe të territorit në fjalë.
Momentalisht nuk dihen shkaqet e rënies së flakëve, por dyshimet janë për zjarrvënie edhe pse siguria në të gjithë zonën ku ndodhet inceneratori është e shkallës së lartë.
Gjithashtu bëhet me dije se shtëllunga gjigande e tymit dhe era e keqe e shkaktuar nga djegia e mbeturinave është përhapur në të gjithë lagjen periferike të qytetit të Elbasanit duke u kthyer në një rrezik serioz për shëndetin e banorëve.
Po ashtu mëshohet se po punohet nga ana e zjarrfikësve për shuarjen e flakëve. Ndërkohë, gjatë dy viteve të fundit, është raportuar se landfilli i Elbasanit është përfshirë nga flakët disa herë.
