Bisedimet për arritjen e armëpushimit në Ukrainë/ Përfundon pas dy orësh telefonata e Trump me Putinin, presi...
GJKKO dërgoi dosjen "Partizani" për gjykim, Gjokutaj: Do të ecet me gjykim të zakonshëm, ja pse nuk e kemi kërkuar...
Ulsi Manja prezanton rekomandimet e qeverisë në luftën kundër krimit: Të shmangen vonesat e hetmeve, të përdo...
"Kosova ka nevojë për institucione", Abdixhiku: E pakuptueshme që një parti me 48 deputetë nuk arrin të bëj&e...
• Kryeministri Edi Rama ka zhvilluar sot një takim elektoral në Skrapar. • Rama shpjegoi se me nisjen e reshjeve të shiut u detyruan që të bënin disa ndryshime në kushtet e zhvillimit të takimit, megjithatë ai tha se ky është oguri i bereqetit për mandatin e katërt. • Ai shtoi se me fillimin e punës do shtohen vlerat e tokave, pasurive dhe menjëherë ata që kanë ikur do rikthehen. • Rama tha se më 11 maj të shtyjmë Shqipërinë në BE. • Ai shtoi se me votën e 11 majit qytetarët duhet të thajnë kënetën, duke nënkuptuar opozitën që sipas tij është bërë një pengesë e vazhdueshme e këtij vendi. • Gjatë fjalës së tij Rama tha se reforma në drejtësi është një arritje historike dhe solli për herë të parë përballë drejtësisë njerëz me pushtet, gjë që nuk kishte ndodhur më parë në Shqipëri. • Gjatë fjalës së tij Rama nënvizoi se dera e BE-së për vendet që hyjnë brenda nuk hapet kollaj, dhe sipas tij tani është momenti që të veprojmë. • Rama gjatë takimit me qytetarët në Skrapar, nuk la pa përmendur as demokratin Ilir Vrenozi. • Me tone ironike Rama e cilësoi Vrenozin si të ardhmen e opozitës dhe theksoi se është lideri i vërtetë Partisë Demokratike. • Rama gjithashtu tha se salla u ekzaltua kur bëheshin aluzione erotike për vetë atë. • Gjithashtu Rama nuk la pa përmenduar as Lulzim Bashën, duke ironizuar logon që ai përfaqëson në zgjedhje, Koalicionin Euroatlantik. • Rama tha se drejtësia e re në Shqipëri është produkt i vullnetit të hekurt të Partisë Socialiste për një drejtësi të paanashme. • Ai tha mes batutas se skraparllinjtë janë specialistë për politikë. • Rama vijoi komentet për drejtësinë duke thë se shpatën ia dha PS dhe se kreu i SPAK Altin Dumani nuk erdhi dje nga materniteti por ishte aty dhe më parë. • Gjatë fjalës së tij Rama tha se premtimet e forcave të reja të kujtojnë firmat piramidale të 97-ës që ta bëjnë detin kos për të kapur një mandat në parlament. • Gjithashtu Kryeministri nuk la pa thumbuar as Lulzim Bashën, për të cilin tha se do t’i mungojë parlamentit në katër vitet e ardhshme pasi ai është artist, është i vetmi koalicion me një parti.
7 artikuj për këtë temë.
SKRAPAR- Kryeministri Edi Rama, gjatë takimit me qytetarët në Skrapar, ironizoi partitë e reja. Gjatë fjalës së tij Rama tha se premtimet e forcave të reja të kujtojnë firmat piramidale të 97-ës që ta bëjnë detin kos për të kapur një mandat në parlament. Gjithashtu Kryeministri nuk la pa thumbuar as Lulzim Bashën, për të cilin tha se do t’i mungojë parlamentit në katër vitet e ardhshme pasi ai është artist, është i vetmi koalicion me një parti.
“Janë dhe disa zogj të vegjël që kanë dalë. Ata mua më heqin mallin e Sugdes, Vehbiut dhe Rrapush Xhaferrit. Ata ta bëjnë detin kos. Jepu votën atyre dhe këtu s’do ketë më asnjë problem. Aman jepuni votën që të kapin ata ndoonjë vend në parlament. Thonë që ne jemi të rinj, të rinj ata kanë vetëm moshën. Shihni si fusin në listë edhe krushqit. Përveç atyre është edhe Luli. Luli të paktën është koalicioni tek pullë. Kur e pyesin sa i madh është ai koalicion, thotë hyni në internet dhe këroni. Ai do na mungojë se është artist”, tha Rama.
SKRAPAR- Kryeministri Edi Rama ka zhvilluar sot një takim elektoral në Skrapar. Rama tha se drejtësia e re në Shqipëri është produkt i vullnetit të hekurt të Partisë Socialiste për një drejtësi të paanashme. Ai tha mes batutas se skraparllinjtë janë specialistë për politikë. Rama vijoi komentet për drejtësinë duke thë se shpatën ia dha PS dhe se kreu i SPAK Altin Dumani nuk erdhi dje nga materniteti por ishte aty dhe më parë.
"Nëse populli shqiptar është njish për politikë, në Skrapar dhe disa pika të tjera janë “specialistë”, d.m.th. sikur unë të vëja gishtin te njëri nga ju, kushdo qoftë, është më i zoti se të gjithë ata analistë që shikoni në televizor në darkë.
Sot, po t’ju pyes: a dini kush është Altin Dumani? Të gjithë e dini. Altin Dumani është një prokuror i ndershëm, me integritet dhe profesionist. Dhe sot e njihni sepse drejton SPAK-un, dhe SPAK-u ka bërë disa goditje që më parë ishin të paimagjinueshme.
Altin Dumani nuk erdhi dje nga materniteti, nuk e sollën nga Hëna, ka qenë këtu, prokuror për vite të tëra. Pse nuk i doli emri këtij? Pse nuk thirri ndonjë drejtor policie dje dhe t’i thoshte: “Çfarë problemi ke me ligjin?” Si doli, ishte po ai, po si doli se ai dhe shumë gjyqtarë dhe prokurorë të tjerë ishin nën pushtetin politik", tha Rama.
SKRAPAR- Kryesocialisti Edi Rama gjatë takimit me qytetarët në Skrapar, nuk la pa përmendur as demokratin Ilir Vrenozi. Me tone ironike Rama e cilësoi Vrenozin si të ardhmen e opozitës dhe theksoi se është lideri i vërtetë Partisë Demokratike. Rama gjithashtu tha se salla u ekzaltua kur bëheshin aluzione erotike për vetë atë. Gjithashtu Rama nuk la pa përmenduar as Lulzim Bashën, duke ironizuar logon që ai përfaqëson në zgjedhje, Koalicionin Euroatlantik.
"Nuk të detyron njëri të pëlqesh Edi Ramën ti mund të pëlqesh Ilir Vrenozin, që është lideri i vërtetë. E patë apo jo? Po kur thosha unë, talleshit ju. Por në fakt ai është njishi i vërtetë i Partisë Demokratike. Fjalët e tij në sallë në Korçë janë programi I vërtet I Partisë Demokratike.
Ai është programi, ajo është fryma. E patë sesi u ekzaltua gjithë salla kur ai bënte aluzione erotike për mua. Se këneta e ka shumë thellë kompleksin e inferioritetit. Edhe të diskutosh mes Partisë Socialiste dhe Ilir Vrenozit është si të diskutosh në Mars të 1992, midis PD-së dhe Partisë Komuniste të Hysni Milloshit.
E ardhmja e kënetës është Ilir Vrenozi. Mos e merrni me të qeshur. U tregua qartë në Korçë. Dje e patë kush e mori pushtetin në opozitë Ilir Vrenozi. E patë sesi bufi dukej i mbaruar dhe i larguar. De facto është i larguar. De jure do ta shihni pas zgjedhjeve që Ilir Vrenozi do të sulmojë për të marrë pushtetin e kënetës në Tiranë,” tha Rama.
SKRAPAR- Kryeministri Edi Rama gjatë takimit me qytetarët në Skrapar, tha se nuk po e kërkon mandatin e katërt për të zgjeruar shtëpinë e vetë, por për të bërë Shqipërinë anëtare të Bashkimit Evropian. Gjatë fjalës së tij Rama nënvizoi se dera e BE-së për vendet që hyjnë brenda nuk hapet kollaj, dhe sipas tij tani është momenti që të veprojmë.
"Kini parasysh një gjë, se ju thonë: Çfarë është kjo histori, por e kanë me mua.Thonë: Çfarë është kjo punë, nuk mjaftuan tre mandate për t’u futur në BE dhe duan dhe të katërtin. Sikur po ju them unë, më jepni mandatin e katërt të zgjeroj shtëpinë. Si ka mundësi që Mali i Zi i ka hapur negociatat para se Rama të bëhej kryeministër dhe nuk është futur në BE? Po Serbia pse nuk është në BE? Po Maqedonia që nuk është futur në BE? Kjo ka një shpjegim, ti nuk futesh në BE se do ti, as se ke bërë detyrat. Dera e BE-së për vendet që hyjnë brenda nuk hapet kollaj. Sot kanë rënë dakord të hapin derën për Shqipërinë," tha Rama.
SKRAPAR- Kryeministri Edi Rama ka zhvilluar një takim mbasditen e sotme me qytetarët në Skrapar, në kuadër të fushatës elektorale për zgjedhjet e 11 majit. Gjatë fjalës së tij Rama tha se reforma në drejtësi është një arritje historike dhe solli për herë të parë përballë drejtësisë njerëz me pushtet, gjë që nuk kishte ndodhur më parë në Shqipëri.
Kryeministri me ironi tha se e pyesin se çfarë kërkon më shumë, pasi gjysmën e qeverisë e ka në burg. Gjithashtu Rama u përgjigj se reformën në drejtësi e donin dhe e solli PS.
“Thonë për ne: ‘Çfarë do ky, e ka gjysmën e qeverisë në burg’. Po këta mendojnë se me këtë propagandë populli do harrojë kush e donte dhe kush jo reformën në drejtësi, kush e bëri dhe kush është këtu për ta përmbysur.
Shqipëria ka pasur Mbret, ka pasur diktator, ka pasur edhe një palo president, bufin e kënetës, që futi në burg Fatos Nanon të burgosurin e fundit politik të Shqipërisë por asnjëherë nuk është parë një njeri me pushtet të shkojë para një gjykatësi të pavarur,” tha Rama.
SKRAPAR- Kryeministri Edi Rama ka zhvilluar sot një takim elektoral në Skrapar. Rama tha se më 11 maj të shtyjmë Shqipërinë në BE. Ai shtoi se me votën e 11 majit qytetarët duhet të thajnë kënetën, duke nënkuptuar opozitën që sipas tij është bërë një pengesë e vazhdueshme e këtij vendi.
“Më 11 maj, të gjitha ata që kanë një votë, do shkojnë në zgjedhje në një takim me historinë, Duhet të bëhemi sa më shumë, sa më të bashkuar për të vendosur me votën tonë krijimin e një fuqie edhe më të madhe vendimmarrëse, me qëllim që kjo mundësi që na është krijuar, dera që na është hapur me BE, ta shfrytëzojmë dhe të mbyllim negociata brenda 2027. Më 11 maj të shtyjmë Shqipërinë në BE dhe të thajmë kënetën, që është bërë një pengesë e vazhdueshme e këtij vendi”, tha Rama.
SKRAPAR- Kryeministri Edi Rama ka zhvilluar sot një takim elektoral në Skrapar. Rama shpjegoi se me nisjen e reshjeve të shiut u detyruan që të bënin disa ndryshime në kushtet e zhvillimit të takimit, megjithatë ai tha se ky është oguri i bereqetit për mandatin e katërt. Ai shtoi se me fillimin e punës do shtohen vlerat e tokave, pasurive dhe menjëherë ata që kanë ikur do rikthehen.
"Kam qenë këtu edhe më parë, por kjo sallë kaq e zjarrt më bind përfundimisht që Ervini kishte shumë të drejtë kur në listën e mbyllur vendosi një vajzë nga Skrapari. Dhe, nga një anë më vjen keq që na zuri shiu dhe jemi detyruar të jemi këtu dhe ka akoma shumë njerëz jashtë. Nga ana tjetër më vjen mirë sepse besoj se është oguri i bereqetit për mandatin e katërt.
E di që ka kaluar kohë, por shpresoj dhe besoj shumë në mirëkuptimin tuaj që u desh ca durim nga ana juaj, por ama në mandatin e katërt ka ardhur dhe koha e rrugës Berat-Skrapar, e cila synojmë ta bëjë lidhjen që sot është e vështirë. Nga rruga erdha. Nuk është fort e lehtë ta bëjmë 30 minuta Beratin me Skraparin dhe njëkohësisht dhe paralelisht të bëjmë lidhjen e Beratit dhe Përmetin dhe me gjithë këto kanione dhe këto bukuri, të keni një destinacion të zhvilluar turistik.
Jam i bindur që me gjitha zhvillimet e turizmit dhe potencialin që ka Skrapari, me fillimin e punës do shtohen vlerat e tokave, pasurive dhe menjëherë ata që kanë ikur, por janë shumë të lidhur… se ju skraparllinjtë ju gjen nga katër anët e vendit dhe botës, nuk e di sa jeni, por ama lidhjen me rrënjët e keni shumë të fortë dhe jam i bindur se shumëkush do të kthehet këtu", tha Rama.
