"Nxisin racizëm ndaj punonjësve të huaj"/ Rama kapet sërish me influenceret: Punojnë në instagram dhe flasin p&eum...
Teza e Gjuhës Shqipe dhe Letërsisë u publikua në rrjetet sociale/ Ministria e Arsimit: Doli nga një qendër provimi...
EMRI/ Zbardhet plagosja e dy ditëve më parë në Vlorë, arrestohet autori, sekuestrohen disa mjete, një prej tyre i ...
"Vërtet i di shqiptarët kaq budallenj?"/ Bardhi ‘mesazh’ Ramës: Ti shpike komplotin me iranianë 8 Qershor, 22:...
• Mbi 26 mijë maturantë po i nënshtrohen këtë të martë provimit të dytë të maturës shtetërore atij të Gjuhës Shqipe dhe Letërsisë. • Provimi nisi në orën 10:00 dhe do të përfundojë në orën 12:30. • Ndërkohë si çdo vit u përsërit sërish skema, vetëm rreth 20 minuta nga nisja e provimit, në rrjetet sociale doli teza. • Me anë të një reagim, Ministria e Arsimit tha se publikimi i tezës nuk cënon procesin, ndërsa provimi po zhvillohet me standarde të larta. • MAS nënvizon se teza doli nga një qendër provimi në Qarkun e Kukësit dhe maturanti që ka publikuar tezën është përjashtuar menjëherë nga provimi. • Gjithashtu në deklaratë thuhet se ndaj këtij rasti ashtu edhe siç është paralajmëruar më herët do të merren masa edhe ndaj të gjithë zinxhirit të administruesve të procesit në qendrën e provimit, për thyerje të rregullave. • Provimi i radhës është ai i Matematikës më 16 qershor, ndërsa Provimi me Zgjedhje më 23 qershor.
3 artikuj për këtë temë.
TIRANË- Ministria e Arsimit ka reaguar pasi teza e Gjuhës Shqipe dhe Letërsisë u publikua në rrjete sociale pas 20 minutash pas nisjes së provimit. Me anë të një deklarate zyrtare, Ministria e Arsimit thekson se publikimi i tezës nuk cënon procesin, ndërsa provimi po zhvillohet me standarde të larta.
MAS nënvizon se teza doli nga një qendër provimi në Qarkun e Kukësit dhe maturanti që ka publikuar tezën është përjashtuar menjëherë nga provimi. Gjithashtu në deklaratë thuhet se ndaj këtij rasti ashtu edhe siç është paralajmëruar më herët do të merren masa edhe ndaj të gjithë zinxhirit të administruesve të procesit në qendrën e provimit, për thyerje të rregullave.
Deklarata e plotë:
Ministria e Arsimit garanton maturantët, prindërit, mësuesit dhe opinionin publik se provimi i Gjuhës Shqipe dhe Letërsisë i Maturës Shtetërore 2026, po zhvillohet në kushte të plota sigurie dhe në zbatim strikt të Rregullores së Maturës Shtetërore, duke siguruar standardet më të larta të testimit për mbi 26,600 maturantët në të gjithë vendin.
Provimi i dytë i Maturës Shtetërore 2026 po zhvillohet normalisht në 144 qendra provimi, në mjedise qetësie, rregulli, transparence dhe sigurie të lartë. Në lidhje me publikimin në rrjetet sociale të fotografive të tezës së provimit të Gjuhës Shqipe dhe Letërsisë, Ministria e Arsimit sqaron se ky akt ka ndodhur pasi provimi ka nisur dhe nuk ndikon në asnjë mënyrë në zhvillimin apo integritetin e tij.
Një veprim i tillë nuk mund të zbehë punën dhe angazhimin e mijëra mësuesve që kanë punuar me maturantët, e mbi 2 mijë administratorëve të provimit dhe punonjësve të strukturave arsimore, të cilët kanë ndjekur me përkushtim përgatitjen dhe mbarëvajtjen e testimit për Maturën Shtetërore.
Aktualisht është evidentuar se teza është publikuar nga një qendër provimi në Qarkun e Kukësit dhe maturanti që ka publikuar tezën është përjashtuar menjëherë nga provimi. Siç është bërë e ditur me herët, masat do të aplikohen si ndaj maturantëve që thyejnë rregulloren, ashtu edhe ndaj të gjithë zinxhirit të administruesve të procesit në qendrën e provimit.
Ministria e Arsimit dënon çdo akt që synon të dëmtojë besueshmërinë e procesit të Maturës Shtetërore dhe rithekson se çdo shkelje e rregullave do të trajtohet me seriozitet dhe në përputhje me legjislacionin dhe rregulloren në fuqi.
Përgatitjet për Maturën Shtetërore 2026 kanë qenë të plota dhe të mirëkoordinuara, nga hartimi i testeve me standarde të larta profesionalizmi dhe sigurie, certifikimi i personelit administrues, zhvillimi i konsultimeve në shkolla, shpërndarjen e testeve model nga Qendra e Shërbimeve Arsimore tek organizimi i testimeve provë, si dhe ofrimi i mbështetjes psikologjike për maturantët.
Për Ministrinë e Arsimit, prioritet mbetet suksesi i çdo maturanti dhe garantimi i të drejtës së secilit për t’iu nënshtruar provimeve në kushte të barabarta, ndaj angazhimi për një Maturë Shtetërore të drejtë, të ndershme dhe meritokratike do të vijojë pa ndërprerje deri në përfundim të të katër testimeve./Dosja.al
TIRANË- Mbi 26.600 maturantë në të gjithë vendin kanë zhvilluar këtë të martë provimit të dytë të Maturës Shtetërore, atë të Gjuhës Shqipe dhe Letërsisë. Ndërkohë rreth 20 minuta pas nisjes së provimit Teza e Gjuhës dhe Letërsisë Shqipe është publikuar në rrjete sociale.
Një nga varianet e tezës ka qarkulluar me shpejtës në rrjete sociale. Ndërkohë provimi vijon deri në orën 12:30. Më 3 qershor maturantët zhvilluan provimin e parë, atë të Gjuhës së Huaj./Dosja.al
TIRANË- Mbi 26.600 maturantë në të gjithë vendin do të zhvillojnë këtë të martë provimit të dytë të Maturës Shtetërore, atë të Gjuhës Shqipe dhe Letërsisë. Maturantët duhet të paraqiten në ambientet e shkollave në orën 08:30, ndërsa provimi do të zhvillohet nga ora 10:00 deri në 12:30.
Ministria ka theksuar se gjatë testimit ndalohet rreptësisht mbajtja e telefonave celularë, orëve inteligjente dhe çdo pajisjeje tjetër që mundëson komunikim elektronik ose lidhet me inteligjencën artificiale. Po ashtu, nuk lejohen kopjet, komunikimi mes nxënësve apo përdorimi i materialeve të paautorizuara. Shkelja e këtyre rregullave sjell përjashtimin e menjëhershëm nga provimi.
Maturantët duhet të kenë me vete një dokument identifikimi të vlefshëm, si letërnjoftim ose pasaportë, si dhe mjetet e nevojshme shkollore për zhvillimin e testit. Ndërkohë, më 3 qershor maturantët zhvilluan provimin e parë, atë të Gjuhës së Huaj./Dosja.al
