Berisha: Skapistët janë pjesë integrale e krimit shtetëror, nuk kanë asnjë lidhje me ligjin dhe të drejtë...
PROFIL/ Jeta e Mirush Kabashit, "Sokratit" të përjetshëm të artit shqiptar 5 Dhjetor, 08:52 Arti në ...
"Diskriminim politik"/ Beleri reagon pas shtyrjes së seancës: Humbësi komandon Himarrën nuk është parë në...
•Konflikti mes Izraelit dhe Hamasit vazhdon prej 46 ditësh. •Ushtria izraelite njofton se Hezbollahu libanez ka gjuajtur 25 raketa dhe tre dronë kamikaze në një orë. •Njëzet e tetë foshnjat që u evakuuan nga spitali Al Shifa në Gaza mbërritën dje në Egjipt përmes vendkalimit Rafah. •Ministria e shëndetësisë në Gaza, e cila drejtohet nga Hamasi, tha se numri i përgjithshëm i palestinezëve të vrarë në Rripin e Gazës kishte tejkaluar 13,000. •Pas takimit me familjet e izraelitëve të mbajtur peng nga grupi militant Hamas në Gaza, kryeministri izraelit Benjamin Netanyahu theksoi angazhimin e tij për të siguruar lirimin e tyre, duke e quajtur atë një "mision të shenjtë dhe suprem".
2 artikuj për këtë temë.
GAZË- Hamasi është afër arritjes së një marrëveshjeje armëpushimi me Izraelin, tha lideri i Hamasit, Ismail Haniyeh në një deklaratë të postuar në Telegram. Haniyeh nuk dha detaje shtesë rreth marrëveshjes së mundshme.
Deklarata e Hamasit mbështet pohime të ngjashme nga Shtëpia e Bardhë.
Zëdhënësi i Këshillit të Sigurisë Kombëtare, John Kirby, tha të hënën se negociatorët po i afrohen fundit për lirimin e pengjeve të mbajtura nga Hamasi, por ai nuk pranoi të shtjellonte detajet e një marrëveshjeje të mundshme.
Ditët e fundit, burime i thanë CNN se një marrëveshje e mundshme për të siguruar lirimin e disa pengjeve dhe një pauzë e përkohshme në luftime mund të jetë në horizont, pas javësh negociatash midis Shteteve të Bashkuara, Izraelit dhe Hamasit, të ndërmjetësuara nga shteti i Gjirit, Katari.
Kreu i diplomacisë së Bashkimit Europian Josep Borell, në përfundim të kësaj konference vuri në dukje se duhet të trajtohet me emergjencë kriza humanitare në Gaza, si ritheksoi se duhet punuar për një paqe të qëndrueshme në rajon.
“Unë do t’i kërkoj shërbimit Europian të Veprimit të Jashtëm të dorëzojë një dokument me skenarë të mundshëm për të ardhmen e Gazës, të cilin sigurisht do të doja ta diskutoja me ministrat.”, tha ai.
Ai shtoi po ashtu se: “Këshilli i ardhshëm i Punëve të Jashtme në dhjetor do të na lejojë të bëjmë sërish vlerësime dhe të fokusohemi në stabilizimin dhe qëndrueshmërinë me dy shtete.”.
Përfaqësuesi i Lartë shprehu shqetësimin e tij “për përkeqësimin e shpejtë të situatës në Bregun Perëndimor dhe rrezikun e përshkallëzimit të mëtejshëm, pavarësisht përpjekjeve të Autoritetit Palestinez për të de-përshkallëzuar situatën”.
