Konferenca e Kryetarëve/ PS dhe PD bien dakord, caktohet data për seancën plenare për situatën në Kosovë

Bledi Çuçi

TIRANË- Kreu i grupit parlamentar të PS-së, Bledi Çuçi, pas përfundimit të mbledhjes së Konferencës së Kryetarëve ku u vendos se me 12 tetor do të mbahet seanca për Kosovën, tha se do të punohet për unifikimin e një drafti të përbashkët me opozitën, për rezolutën për Kosovën.

“Të unifikojmë draftet për rezolutën e Kosovës. Kjo është çështje protokollare e parlamentit. Ne nuk kemi rrëzuar interpelancë, kemi bashkuar dy kërkesat për rezolutë me interpelancën, por bashkuam kërkesat”, tha Çuçi.

Duke u ndalur te propozimet e opozitës për Avokatin e Popullit, Çuçi tha se kjo çështje nuk është domain i Bashës apo i Bardhit dhe shtoi se ky propozim i takon opozitës në tërësi.

“Avokati i Popullit është një çështje që e kemi bërë të qartë qëndrimin që duhet zgjedhur nga propozimet që duhet të vinë nga opozita. Nuk është as domain i Bashës dhe as i Bardhit propozimin për Avokatin e Popullit. Ky propozim i takon opozitës në tërësi.”, shtoi ai.

Gazment Bardhi

TIRANË- Kreu i Grupit Parlamentar të PD, Gazment Bardhi tha në përfundim të Konferencës së Kryetarëve, se me 12 tetor do të mbahet në Kuvend seanca për ngjarjet në veri të Kosovës ku humbi jetën rreshteri Afrim Bunjaku. 

Bardhi tha për mediat se seanca do të zgjasë 5 orë dhe se qëllimi është që nga të gjitha grupet parlamentare të vendit, të dilet me një qëndrim të unifikuar përsa i përket situatës në Kosovë.

Ai se mbështesim deklaratën e KFOR-it që deklaron se rendi dhe siguria e Kosovës është nën përgjegjësinë e Kosovës.

“Rezolutës së prezantuar nga grupi parlamentar i PD-së të premten e javës së shkuar që bazohet tërësisht në nevojën që Kuvendi i Shqipërisë të unifikonte qëndrimin me Kuvendin e Kosovës. Edhe kolegët e grupit parlamentar të PS-së kanë propozuar një rezolutë. Të dy këto janë marrë sot në shqyrtim nga Konferenca e Kryetarëve. Qëllimi i përbashkët ka qenë që të dilet me një qëndrim të unifikuar të të gjitha grupeve parlamentare në këtë çështje. Kemi marrë një qëndrim të unifikuar që kryetari i Komisionit të Politikës së Jashtme dhe nënkryetari i këtij komisioni të punojnë së bashku për të pasur një draft të unifikuar.

Ka pasur diskutime për kohën kur duhet të diskutohet dhe kur do të mbahet. Urgjente është që duhet të hyjë në axhendën e kuvendit. Fillimisht, kolegët kërkuan shumë më shumë kohë. Është rëndë dakord që kemi të një seancë të posaçme dedikuar vetëm Kosovës, të enjten e javës që vjen dhe koha e debatit të jetë rreth 5 orë. Deri në datën 12 do të bëhet çdo përpjekje për të arritur një rezolutë të përbashkët mes grupeve parlamentare. Ne duhet të mbështesim çdo kërkesë e nevojë që ka Kosova. Nuk ka pasur ndonjë debat të madh. Mbështesim deklaratën e KFOR-it që deklaron se rendi dhe siguria e Kosovës është nën përgjegjësinë e Kosovës. Do të duhet të ketë një hetim ndërkombëtar.” u shpreh ai.

Çfarë ndodhi në veri të Kosovës?

Një pjesëtar i Policisë së Kosovës u vra dhe 3 u plagosën në përleshjet me një grup të armatosur në veri të vendit. Rreshteri Bunjaku u vra në pritën që grupi i armatosur kishte zënë herët në mëngjes në hyrje të fshatit Banjskës në Zveçan. Gjatë shkëmbimit të zjarrit u plagosën edhe 2 policë të tjerë. Më pas grupi i armatosur prej 30 anëtarësh u vendos në manastirin e Banjskës ku për orë të tëra, gjatë gjithë ditës së dielë u shkëmbyen të shtëna me policinë. Në mbrëmje ministri i Brendshëm i Kosovës deklaroi se 4 sulmues u vranë. Tre trupat e serbëve u gjetën në të njëjtën ditë, ndërsa i katërti një ditë më vonë. Ndërkohë gjashtë persona të tjerë, që dyshohet se ishin të lidhur me ta, u arrestuan. Gjithashtu ishin sekuestruar sasi të madhe armatimi.

TIRANË- Konferenca e Kryetarëve ka vendosur që në 12 tetor të mbahet në Kuvend seanca për sulmin terrorist nga një grup serbe në veri të Kosovës, ku humbi jetën efektivi i Policisë së Kosovës, Afrim Bunjaku. 

Pak më herët deputeti demokrat, Gazment Bardhi kërkoi mbajtjen e një seance urgjente në Kuvend për mocion me debat dhe miratimin e rezolutës për situatën në Kosovë.

"Është urgjente që të zhvillojmë mocionin me debat. Nuk mundet ne të jemi të fundit. PE e ka zhvilluar."- ka thënë Bardhi. 

Në rezolutën e dorëzuar sot në Kuvend thuhet se PS, dënon ashpër sulmin e armatosur dhe të organizuar terrorist mbi Policinë e Kosovës më datë 24 shtator 2023, i cili i mori jetën një punonjësi të Forcave të Policisë së Kosovës dhe shkaktoi dy të plagosur në radhët e saj.  Mes tjerash kërkon nga Serbia që të heqë dorë nga qëndrimet dhe veprimet armiqësore e luftënxitëse ndaj Kosovës, të hapë një hetim serioz e transparent për organizuesit e sulmit në Kosovë.

“Partnerët të ushtrojnë ndikim për të ballafaquar Serbinë me rolin që ka patur në sulm. SHBA dhe BE të ngrenë alarmin për të parandaluar rrezikun që i kanoset paqes dhe sigurisë së Kosovës” thuhet ndër të tjera në pr/rezolutë. Gjithashtu ndër të tjera nënvizohet se prania e shtuar e trupave në KFOR në Veri të Kosovës është garanci për paqen në rajon.

foto ilustruese

TIRANË- Ditën e sotme është mbledhur Konferenca e Kryetarëve, ku deputeti i PD, Gazment Bardhi  ka kërkuar mbajtjen e një seance urgjente në Kuvend për mocion me debat dhe miratimin e rezolutës për situatën në Kosovë.

"Është urgjente që të zhvillojmë mocionin me debat. Nuk mundet ne të jemi të fundit. PE e ka zhvilluar."- ka thënë Bardhi. Por Partia Socialiste ka propozuar që rezoluta dhe mocioni me debat të mos jenë urgjente.

PJESË NGA DISKUTIMI:

Nikolla: Propozoj që debati bashkë me rezolutën të bëhen më 19 Tetor

Çuçi: Nuk mund të nxitojmë. Çdo rezolutë duhet të mbajë ndër mend pozicionin e Shqipërisë që ka në NATO dhe në çdo organizëm. Data mund të rishikohet që të jetë më shpejt, ndoshta të enjten e seancës. Por të hënën nuk mund ta bëjmë dot.

Tabaku: Shembullin për rezolutë të përbashkët na e dha Kosova. Nuk e kemi kompleks. Rëndësi ka vullneti, mund ta arrimë edhe të hënën.