Gjykata Kushtetuese vendosi "pro" tij dhe "kundër" SPAK, gazetari Qyno: Nuk e bëra për hesapet e mia, por për të mbrojt...
Berisha: Agjencia e Sigurisë Ushqimore do ketë të gjithë kompetencat ekzekutive, laboratorët do jenë më moder...
Ndërroi jetë të Hënën e Pashkëve/ Vatikani konfirmon funeralin e Papës të shtunën: Nesër arkiv...
Komenti për fotot nudo në takimin me minorenët, Rama: O pika pika! Zhabulanët do të bëjnë dhe moralistin, na ...
• Një ngjarje tragjike ka ndodhur mbrëmjen e djeshme në qytetin e Vushtrrisë në Kosovë, ku një 19-vjeçar, Ardit Zymeri, ka humbur jetën pasi u qëllua me armë zjarri. • Sipas policisë, ngjarja ka ndodhur rreth orës 20:35 në rrugën “Galip Badivuku” në Vushtrri, ku viktima është qëlluar për vdekje nga një person i dyshuar, Bleon Dibrani, po ashtu 19-vjeç. Zëdhënësi i Policisë së Kosovës për Rajonin e Mitrovicës ka konfirmuar se viktima ka humbur jetën si pasojë e plagëve të shkaktuara nga arma e zjarrit, dhe se është dërguar pa shenja jete në Spitalin e Vushtrrisë. • Pas ngjarjes, policia ka nisur hetimet dhe ka arritur të arrestojë të dyshuarin, ndërkohë që gjatë një kontrolli në shtëpinë e tij është gjetur dhe sekuestruar një pistoletë dhe një armë e gjatë. • Pas arrestimit, prokurori ka caktuar një masë ndalimi për të dyshuarin. • Në vendngjarje janë gjetur dhe sekuestruar 3 gëzhoja si prova materiale. • Momentalisht nuk dihet nëse ky incident ka lidhje me një konflikt të mëparshëm mes viktimës dhe autorit, apo nëse ka ndonjë arsye tjetër. • Xhaxhai i 19-vjeçarit Ardit Zymeri, i cili u vra mbrëmë në Vushtri, të Kosovës, Nysret Zymeri, ka deklaruar se nuk ka asnjë informacion të qartë për ngjarjen.• Xhaxhai i viktimës ka theksuar se familja nuk ka pasur asnjë mosmarrëveshje me ndonjë person dhe nuk e di se si ka ndodhur kjo tragjedi.• 19-vjeçari Ardit Zymeri, i cili u vra një natë më parë me armë zjarri në Vushtrri, ishte pjesë e klubit të futbollit FC Mitrovica. • Përmes një postimi në rrjetet sociale, klubi i futbollit ka shprehur ngushëllimet për ndarjen nga jeta të të të riut teksa theksojnë se ngjarje të tilla nuk duhet të përsëriten.
4 artikuj për këtë temë.
KOSOVA- 19-vjeçari Ardit Zymeri, i cili u vra një natë më parë me armë zjarri në Vushtrri, ishte pjesë e klubit të futbollit FC Mitrovica. Përmes një postimi në rrjetet sociale, klubi i futbollit ka shprehur ngushëllimet për ndarjen nga jeta të të të riut teksa theksojnë se ngjarje të tilla nuk duhet të përsëriten.
“Në orët e vona të natës të ditës së Dielë morrëm lajmin e hidhur për ndarjen nga jeta të ish - futbollistit të Klubit tonë Ardit Zymberi i cili u vra tragjikisht në sulmin e mbrëmshëm në qytetin e Vushtrrisë. Kjo ngjarje e kobshme solli një lajm të papranushëm dhe shumë të dhimbshëm pasi nga jeta u nda një i ri 19 vjeçar sikur Arditi.
Në emër të gjithë Kryesisë, futbollistëve dhe stafit të trajnerëve i shprehim ngushëllimet më të sinqerta familjes Zymberi dhe gjithë shoqërisë së Arditit. Rastet e tilla duhet të punojmë fortë të mos përsëriten, pasi që dhimbja është e madhe”, thuhet në reagimin e FC Mitrovica.
Ardit Zymeri u qëllua për vdekje mbrëmjen e së dielës, rreth orës 20:38, në Vushtri. Policia ka arrestuar një të dyshuar për vrasjen dhe ai ka pranuar fajësinë gjatë marrjes në pyetje.
Zëdhënësi i Prokurorisë Themelore në Mitrovicë, Valon Preteni, ka konfirmuar se i dyshuari është ndaluar për 48 orë, ndërsa arma e përdorur në krim është sekuestruar.
KOSOVA- Xhaxhai i 19-vjeçarit Ardit Zymeri, i cili u vra mbrëmë në Vushtri, të Kosovës, Nysret Zymeri, ka deklaruar se nuk ka asnjë informacion të qartë për ngjarjen. Xhaxhai i viktimës ka theksuar se familja nuk ka pasur asnjë mosmarrëveshje me ndonjë person dhe nuk e di se si ka ndodhur kjo tragjedi.
Zymeri ka shpjeguar se ata morën informacion mbi ngjarjen mbrëmë, por ende nuk kanë dijeni për autorin e krimit. Ai ka thënë se nuk kanë pasur asnjë konflikt dhe se kjo ngjarje ka ardhur si një befasi për ta.
Ardit Zymeri u qëllua për vdekje mbrëmjen e së dielës, rreth orës 20:38, në Vushtri. Policia ka arrestuar një të dyshuar për vrasjen dhe ai ka pranuar fajësinë gjatë marrjes në pyetje.
Zëdhënësi i Prokurorisë Themelore në Mitrovicë, Valon Preteni, ka konfirmuar se i dyshuari është ndaluar për 48 orë, ndërsa arma e përdorur në krim është sekuestruar.
KOSOVA- Një djalë 19-vjeçar u vra me armë zjarri nga një djalë tjetër të dielën mbrëma në qytetin verilindor të Kosovës, Vushtrri. I dyshuari është kapur pak kohë pas aktit dhe është dërguar në mbajtje, ku thuhet ta ketë pranuar fajësinë. Motivet e vrasjes nuk dihen ende, derisa autoritetet thanë se po kryejnë hetime të vazhdueshme. I dyshuari shtiu me armë zjarri në drejtim të 19-vjeçarit Ardit Zymeri mbrëmjen e së dielës në rrugën “Galip Badivuku” në Vushtrri, duke i shkaktuar plagë vdekjeprurëse, tha Policia e Kosovës të hënën.
Viktima u dërgua në Spitalin e Vushtrrisë, ku nga autoritetet spitalore u konfirmua vdekja e tij, tha Policia pas një hetimi fillestar. Zëdhënësi i Prokurorisë Themelore të Mitrovicës, Valon Preteni, tha për Radion Evropa e Lirë se i dyshuari është ndaluar për 48 orë nën akuzën për vrasje të rëndë.
Preteni shtoi se i dyshuari e pranoi fajësinë për kryerjen e vrasjes, gjatë dhënies së deklaratës. Policia tha se si prova materiale ka gjetur tre gëzhoja dhe se e ka konfiskuar një revole që dyshohet se është përdorur nga i dyshuari në kryerjen e vrasjes.
“Në shtëpinë e të dyshuarit është realizuar bastisje ku është gjetur dhe konfiskuar edhe një armë e gjatë me pesë (5) fishek”, tha Policia.
Preteni tha se nuk mund të flasë për motivet e mundshme të vrasjes dhe se për këtë janë duke u kryer hetime të vazhdueshme. Policia e Kosovës, ndërkohë, tha se është duke i vazhduar hetimet në bashkëveprim me prokurorin e rastit, për t’i zbardhur të gjitha rrethanat që ndërlidhen me rastin e vrasjes. Xhaxhai i viktimës, Nysret Zymeri, tha për media në vend se familja nuk e njeh dorasin dhe nuk ka pasur telashe me njerëz të tjerë.
“Nuk e dimë se si ka ndodhur. Të keqe nuk kemi pasur me askënd. Nuk kemi pasur me njeri të gjallë asnjë fjalë të keqe, ne nuk e kemi pritur... Kjo na ka ndodhur, informatën e kemi marrë mbrëmë, nuk e kemi njohur dorasin, as tani nuk e njohim”, ka thënë ai.
Preteni theksoi se prokurori do të kërkojë nga gjykata shqiptimin e masës së paraburgimit për të dyshuarin./ REL
KOSOVA- Një ngjarje tragjike ka ndodhur mbrëmjen e djeshme në qytetin e Vushtrrisë në Kosovë, ku një 19-vjeçar, Ardit Zymeri, ka humbur jetën pas qëllimit me armë zjarri.
Sipas policisë, ngjarja ka ndodhur rreth orës 20:35 në rrugën “Galip Badivuku” në Vushtrri, ku viktima është qëlluar për vdekje nga një person i dyshuar, Bleon Dibrani, po ashtu 19-vjeç.
Zëdhënësi i Policisë së Kosovës për Rajonin e Mitrovicës ka konfirmuar se viktima ka humbur jetën si pasojë e plagëve të shkaktuara nga arma e zjarrit, dhe se është dërguar pa shenja jete në Spitalin e Vushtrrisë.
Pas ngjarjes, policia ka nisur hetimet dhe ka arritur të arrestojë të dyshuarin, ndërkohë që gjatë një kontrolli në shtëpinë e tij është gjetur dhe sekuestruar një pistoletë dhe një armë e gjatë. Pas arrestimit, prokurori ka caktuar një masë ndalimi për të dyshuarin.
Në vendngjarje janë gjetur dhe sekuestruar 3 gëzhoja si prova materiale. Momentalisht nuk dihet nëse ky incident ka lidhje me një konflikt të mëparshëm mes viktimës dhe autorit, apo nëse ka ndonjë arsye tjetër.
