SPAK mbylli hetimet, GJKKO kalon për gjykim dosjen "Partizani"! Gjokutaj: Do të ecet me gjykim të zakonshëm
GJKKO dërgoi dosjen "Partizani" për gjykim, Gjokutaj: Do të ecet me gjykim të zakonshëm, ja pse nuk e kemi kërkuar...
GJKKO dërgoi dosjen "Partizani" për gjykim, Gjokutaj: Do të ecet me gjykim të zakonshëm, ja pse nuk e kemi kërkuar...
Ulsi Manja prezanton rekomandimet e qeverisë në luftën kundër krimit: Të shmangen vonesat e hetmeve, të përdo...
"Kosova ka nevojë për institucione", Abdixhiku: E pakuptueshme që një parti me 48 deputetë nuk arrin të bëj&e...
Berisha: Në krye të amnistisë elektorale qëndron vetë Altin Dumani, shërbëtori i Ulsi Manjës dhe Arben R...
• Kryeministri Edi Rama ka zhvilluar paraditen e sotme bashkëbisedimin me ndjekësit në rubrikën "Sy m'Sy" në rrjetet sociale nga Gjirokastra. • Rama foli lidhur me kritikat që ka marrw për fjalën "çyryk" me të cilën i referohet burrave që janë me opozitën. • Rama tha se kur thotë gjysma e burrave janë çyryk e përdor për metaforë, pasi sipas tij, të shkosh pas opozitës do të thotë të jesh "gjysmak". • Ndërsa komentonte analizat politike në emisionet televizive, ai tha se shqiptarët nuk i ndjekin opinionet e tyre pasi janë popull i mençur. • Ai foli edhe për sondazhin e publikuar mbrëmjen e djeshme të McLaughlin & Associates. • Rama theksoi se kur mori vesh që kishte dalë sondazhisti i Donald Trump ka hyrë në Youtube dhe ka parë nga kureshtja sondazhit. • Ai theksoi se çfarë nuk i dëgjuan veshët teksa shtoi se ata dolën në konkluzione se populli është i sëmurë nëse mendon se vendi po shkon në drejtimin e populli. • Sipas tij është një trishtim i madh se çfarë sheh e çfarë dëgjon populli shqiptar. • Më tej kryeministri ka ironizuar opozitën. Gjatë fjalës së tij Rama u shpreh se ata nuk dinë të bëjnë opozitë. • Sipas tij ai mund ta bëjë 1 mijë herë më mirë opozitën sesa ata. • Rama shtoi se opozita di vetëm të vetëshkatërrohen dhe të pengojnë sa të munden Shqipërinë. • Ai theksoi se në zgjedhjet e 11 majit opozita do të marrë rezultatin më të keq që nga viti 1997. • Rama i është përgjigjur komenteve të ndryshme ndërsa u pyet se kur ka qenë vizita e tij e fundit si kryeministër në Shtetet e Bashkuara të Amerikës. • Ai tha se ka shkuar sa herë ka pasur punë. • Në përgjigjen e tij nuk kurseu dhe ironitë ndaj kreut të opozitës Sali Berishë, ku iu drejtua komentuesit me pyetjen "A u hoq non grata?".
7 artikuj për këtë temë.
GJIROKASTËR- Një nga pyetjet e komentuesve së cilit kryeministri Edi Rama i është përgjigjur në rubrikën "Sy m'Sy" ishte pse nuk bën debat me kreun e PD-së, Sali Berisha. Duke iu përgjigjur me ironi, Rama u shpreh se me "bufin" nuk mund të bëhet debat.
“Me kë të bëj debat me bufin e kënetës, je në vete apo jo? Aq më tepër kur bufi është në rrëshqitje e sipër”, tha ai. Kryedemokrati Berisha shpeshherë në daljet e tij për mediat është treguar i gatshëm për të zhvilluar një debat politik me kreun e qeverisë para zgjedhjeve të 11 majit.
GJIROKASTËR- Kryeministri Edi Rama në daljen e tij "Sy m'Sy" ka folur dhe lidhur me komentet mbi deklaratën e djeshme për fotot e tij nudo. Rama tha se "zhabulanët" nisën të flasin për moralin dhe familjen pasi tregoi historinë dje me Pandeli Majkon. Ai u shpreh se fotot e tij në Google janë të mbuluara, dhe se pjesëmarrësit në takimin në Spille nuk ishin fëmijë.
"O pika pika. Unë sipas tyre në takimin me votuesit e parë atje që po tregoja një histori me Pandi Majkon, që lidhet me historinë tonë dhe ishte episodi i nxjerrjes së fotove të mia nudo dikur në fushatën e 2007 nga këta zhabulanët që dot bëjnë dhe moralistin, na tregojnë se çfarë është familja, edhe përmenda që janë në Google. Në Google janë të mbuluara, e dyta nuk ishin fëmijë ata, e treta si ka mundësi ku e gjejnë këta kapacitetin të më bëjnë mua moral kur çdo ditë u tregojnë fëmijëve, familjeve, se si nuk duhet të sillet dhe çfarë nuk duhet të thotë njeri me akuza e sharje ektreme, si ka mundësi. Jam pa fjalë.", tha Rama.
GJIROKASTËR- Kryeministri Edi Rama i është përgjigjur komentuesve në rrjetet e tij sociale, ku një prej tyre ishte lidhur me integrimin në Europë.
"Europa do na pranojë kur korrupsioni të zhduket", ishte komenti i qytetarit, për të cilin Rama tha se Europa e ka dhënë planin e saj për Shqipërinë. Ai shtoi se janë 1 mijë veta që po punojnë për zbatimin e tij që deri në 2027 të mbyllen negociatat.
"15 veta ministra në burg, si e ke numëruar ti. Para zgjedhjeve po bëjmë intensifikimin e komunikimit. Ktë ofendo shqiptarët ma thonë vetëm çyrykët. Kush mendon se bufi është rruga e duhur për Shqipërinë ka një problem. Ky nuk është ofendim është mendimi im. "Europa do na pranojë kur korrupsioni të zhduket". Zotëri Europa na ka dhënë planin, të mbyllim negociatat deri në 2027. Janë 1 mijë veta që punojnë çdo ditë për negociatat.", tha Rama.
GJIROKASTËR- Kryeministri Edi Rama gjatë fjalës së tij në "Sy m'Sy" ka ironizuar opozitën. Gjatë fjalës së tij Rama u shpreh se ata nuk dinë të bëjnë opozitë. Sipas tij ai mund ta bëjë 1 mijë herë më mirë opozitën sesa ata.
Rama shtoi se opozita di vetëm të vetëshkatërrohen dhe të pengojnë sa të munden Shqipërinë. Ai theksoi se në zgjedhjet e 11 majit opozita do të marrë rezultatin më të keq që nga viti 1997.
"Nëse do ta bëja unë opozitën time, do ta bëja 1 mijë herë më mirë se këta. Këta nuk dinë të bëjnë opozitë, por dinë vetëm të vetëshkatërrohen dhe në vetëshkatërrim e sipër të pengojnë sa të munden Shqipërinë dhe t’u nxijnë jetën njerëzve. Prandaj më 11 Maj do të marrin rezultatin më të keq që nga ’97 e këtej," tha ai.
GJIROKASTËR- Kryeministri Edi Rama i është përgjigjur komenteve të ndryshme ditën e sotme në rrjetet e tij sociale. I pyetur se kur ka qenë vizita e tij e fundit si kryeministër në Shtetet e Bashkuara të Amerikës, Rama tha se ka shkuar sa herë ka pasur punë. Në përgjigjen e tij nuk kurseu dhe ironitë ndaj kreut të opozitës Sali Berishë, ku iu drejtua komentuesit me pyetjen "A u hoq non grata?".
"Vizitën e fundit në USA e kam pasur kur kam pasur punë. Unë nuk shkoj dot në USA, non grata ta ka thënë? Nuk e përmend se nuk kam pasur arsye. Ka gjëra më të rëndësishme se non grata. A u hoq non grata? Si keni fytyrë, mbasi i thanë shqiptarëve, do hiqet non grata, thoni a shkoj unë matanë oqeanit apo jo? A shkoj unë në USA apo jo? Nejse, nuk kanë rëndësi këto.", tha Rama.
GJIROKASTËR- Kryeministri Edi Rama gjatë fjalës së tij në "Sy m'sy" ka folur në lidhje me sondazhin e publikuar mbrëmjen e djeshme të McLaughlin & Associates. Rama theksoi se kur mori vesh që kishte dalë sondazhisti i Donald Trump ka hyrë në Youtube dhe ka parë nga kureshtja sondazhit.
Ai theksoi se çfarë nuk i dëgjuan veshët teksa shtoi se ata dolën në konkluzione se populli është i sëmurë nëse mendon se vendi po shkon në drejtimin e populli. Sipas tij është një trishtim i madh se çfarë sheh e çfarë dëgjon populli shqiptar.
"Dua ta filloj me diçka që më ka bërë realisht përshtypje, duke qenë se më thanë që kishte dalë sondazhisti i Donald Trump në një nga kanalet televizive, hyra në Youtube, për të parë se kishte dalë ky sondazhisti i Donald Trump dhe isha kurioz se ai është interesant dhe i veçantë, në fushatën amerikane ishte kundër rrymës. Shumica dërrmuese jepnin Kamala Harris fituese. Në fund i dolën parashikimet. Aty kishte inserte, që kishte pjesëza të emisionit.
O perëndi e madhe, çfarë më kanë parë sytë e dëgjuart veshët. Ishte një trishtim i madh se çfarë sheh e çfarë dëgjon populli shqiptar në pasqyrat e kënetës mediatike. Një nga konkluzionet që kishte nxjerrë sondazhisti, ne jemi më të mirët në Shqipëri, e dimë shumë mirë se çfarë mendon opinioni publik. Në një pasqyrë të tij, zotëria thoshte, vendi po shkonte në vendin e duhur 50 perqind mendojnë kështu. O çmë kanë dëgjuar veshët, disa individë aty.
Ulen atje edhe fillojnë bëjnë ndërmjetësimin mes realitetit politik, social, personazheve politike, sociale dhe po, këta. Aty konkluzionet ishin njëri më çmendurak se tjetri, njëri më i pabesueshëm se tjetri. Një konkluzion ishte se populli ishte i sëmurë, që mendon se vendi po shkon në drejtimin e duhur. një konkluzion tjetër ishte që Rama ka blerë gjysmën e popullit. Si ka arritur deri këtu pazari mediatik shqiptar? Çfarë të them," tha Rama.
GJIROKASTËR- Kryeministri Edi Rama ka zhvilluar bashkëbisedimin me ndjekësit në rubrikën "Sy m'Sy" në rrjetet sociale nga Gjirokastra. Rama foli lidhur me kritikat që ka marrw pwr fjalwn "çyryk" me të cilën i referohet burrave që janë me opozitën.
Rama tha se kur thotë gjysma e burrave janë çyryk e përdor për metaforë, pasi sipas tij, të shkosh pas opozitës do të thotë të jesh "gjysmak". Ndërsa komentonte analizat politike në emisionet televizive, ai tha se shqiptarët nuk i ndjekin opinionet e tyre pasi janë popull i mençur.
"Kur them gjysma e burrave janë çyryk e them në sens metaforik. Se të shkosh pas kënetës do të thotë të jesh gjysmak. Të jesh çyryk do të thotë të besosh se Shqipëria bëhet me burfin. Ky është mendimi im. Si shpjegohet që BE, KE dhe organizatat ndërkombëtare japin konkluzione në drejtimin e duhur. Budallenj janë dhe ata. Habiteni ju analistët që populli nuk jua fërshëllen opinionet tuaja. Jo se është budalla, por është populli i mençur që të jep ujë me bisht të lugës. Popullit shqiptar po qe puna për politike nuk ja ha qeni shkopin. Po të kishte ndonjë kampionat botëror për politike, kampion do dilnin shqiptarët. Këto shfaqje inatesh e mllefesh.", tha Rama.
