"Ishin zgjedhjet e para që u dënuan nga ndërkombëtarët ende pa u zhvilluar", Berisha: Beteja kundër farsës elektorale është një proces
Berisha: Raporti paraprak i vëzhguesve dëshmoi farsën elektorale! Paralajmëroj Ramën që të mos bëjë...
Berisha: Raporti paraprak i vëzhguesve dëshmoi farsën elektorale! Paralajmëroj Ramën që të mos bëjë...
I arrestuar për plagosje dhe trafik droge, kush ishte Emir Dedja, 29-vjeçari që u ekzekutua në Durrës 20 Maj, 08:11 ...
Trump flet me Zelenskyyn para telefonatës me Putinin, biseda zgjati vetëm disa minuta 19 Maj, 18:50 REL: Trump nis t...
GJKKO dërgoi dosjen "Partizani" për gjykim, Gjokutaj: Do të ecet me gjykim të zakonshëm, ja pse nuk e kemi kërkuar...
• Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. • Rama ka komentuar kontratën e lobimit në SHBA të Partisë Demokratike të cilën e konsideroi se një akt "për të pastruar damkën nga balli i kryedemokratit". • Ai tha se janë mbledhur disa patriotë që nuk e dimë kush janë dhe kanë grumbulluar 6 mln dollarë. • Rama u shpreh se e ka faqen e bardhë' pavarësisht se, sipas tij, përpiqen ta nxijnë. • Ai tha se ka 2 mënyra për të larguar një kryeministër. Sipas tij, njëra është kur nuk e ndjen më zjarrin brenda, gjë që thotë s’i ka ndodhur ende. • Rama tha se shpresa e opozitës është që SPAK-u të shkrijë PS-në. Sipas tij, teoria që "jep dorëheqjen se është ky apo ai në burg" nuk funksionon. • Ai tha se PS në këto zgjedhje do të marrë rezultatin më të mirë nën drejtimin tij. • Rama gjatë rubrikës “Sy m’sy”, tha se opozita ose ndryshe siç e cilëson ai këneta u përpoq të hedhë llumin mbi Kreun e SPAK Altin Dumanin dhe familjen e tij. • Sipas tij Dumani është prokuror me kurajë dhe integritet dhe që nga koha kur ai u bë Kreu i SPAK lufta për të vendosur barazinë para ligjit shkoi në një nivel tjetër. • Rama gjithashtu tha se populli ka kujtesë dhe kupton pse drejtësia nuk ka qenë e tillë më parë. • Rama ka komentuar lajmet që qarkulluan ku thuhej se ai do të takonte djalin e madh të presidentit Donald Trump. • Për këtë pjesë ai nuk la pa ironizuar dhe shqiptarët e Kosovës në komente të cilët i etiketoi si "kënetarët e Kosovës". • Rama tha se ata kanë të tjera nota melodike kur i përputhen opozitës në Shqipëri pasi sipas tij, ata e kanë me "Vuqiq-in", duke nënkuptuar kështu presidentin serb. • Rama gjatë rubrikës Sy m'sy, foli edhe për biznesmenin Francesco Becchetti. • Rama tha se Becchetti deri më tani ai nuk ka marrë asnjë kokërr leku nga qeveria shqiptare dhe theksoi se ai është në siklet të madh pasi po përballet me procese gjyqësore e penale. Sipas tij Becchetti zgjodhi kundërshtarin e gabuar dhe nuk mori asnjë kokërr leku.
9 artikuj për këtë temë.
TIRANA- Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Një komentue e akuzoi se PS paguante 6 milionë euro për inceneratorët dhe për shishet e verës që ai konsumon. Kryeministri e mohoi këtë, duke thënë se qeveria nuk financon inceneratorë, por mbështet pastrimin e qytetit të Tiranës. Gjithashtu Rama u bëri thirrje qytetarëve të mos bien pre e manipulimeve nga, siç i quajti ai, “kënetarët” që e paraqesin çdo shpifje si të vërtetë.
“Nuk japim para për inceneratorët, japim para që të vazhdojë të mbahet pastër Tirana. Landfillin sot e ka shteti. E ka agjencia e aseteve të sekuestruara, aty janë njerëz të vënë nga shteti dhe marrin para për të bërë punën, sepse kushton ajo punë. E kam thënë 25 euro për ton, është një çmim që nuk e gjen sot ne Europë.
Socialistët dhe progresistët nuk i besojnë budallallëqeve të tilla. Si ka mundësi që besimtarët e ‘kënetës’ përpinë çdo gënjeshtër sikur të ishte shampanjë apo ujë mineral", tha Rama.
TIRANË- Kryeministri Edi Rama gjatë rubrikës Sy m'sy, foli edhe për biznesmenin Francesco Becchetti. Rama tha se Becchetti deri më tani ai nuk ka marrë asnjë kokërr leku nga qeveria shqiptare dhe theksoi se ai është në siklet të madh pasi po përballet me procese gjyqësore e penale. Sipas tij Becchetti zgjodhi kundërshtarin e gabuar dhe nuk mori asnjë kokërr leku.
“Nuk ka marrë asnjë lekë, zero. Është në siklet të madh, në procese gjyqësore, penale. Është në siklete të mëdha, ka zgjedhur kundërshtarin më të gabuar, ai që ishte mësuar të bënte hajgare me shtetet dhe paratë e bankave, kompanive. Vajti zgjodhi kundërshtarin më të gabuar dhe nuk ka marrë asnjë kokërr leku, zero. Prit se s’keni parë asgjë akoma, as ti, as ai”, tha Rama.
TIRANË- Kryeministri Edi Rama gjatë rubrikës Sy m'sy ka komentuar patronazhistët dhe tha se ata janë hakmarrës të mëdhenj. Kryeministri gjithashtu theksoi se patronazhistët nuk lënë votë të bjerë në tokë, ndaj kërkoi që “merrini seriozisht”.
Edi Rama: Patronazhistët e dinë edhe më mirë se mua se si shkon kjo punë, por ju nuk i njihni i nënvlerësoni, ju kam thënë mos u krruani me ta sepse janë hakmarrës dhe rrisin tempin. Janë inatçi ata nuk janë si unë. Mos u krruani me patronazhistët sepse nuk lënë votë të bjerë në tokë.
TIRANA- Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Një komentues i shkroi Ramës për Lulzim Bashën duke i thënë se "na mungon". Rama iu përgjigj mes batutash duke i thënë "na mungon dreqi, e vërtetë është s'di ça të bëjmë humbi".
Komenti: Na mungon Lulushi.
Rama: Na mungon dreqi, e vërtetë është s'di ça të bëjmë humbi.
TIRANA- Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Rama ka komentuar lajmet që qarkulluan ku thuhej se ai do të takonte djalin e madh të presidentit Donald Trump. Për këtë pjesë ai nuk la pa ironizuar dhe shqiptarët e Kosovës në komente të cilët i etiketoi si "kënetarët e Kosovës". Rama tha se ata kanë të tjera nota melodike kur i përputhen opozitës në Shqipëri pasi sipas tij, ata e kanë me "Vuqiq-in", duke nënkuptuar kështu presidentin serb.
"E patë dje çfarë ndodhi me zëdhënënësin e bufit me një kukumjaçkë të bufit që tha "Edi Rama dështoi në tentativën e tij për të shkuar në Beograd, për të takuar Vuçiçin, dhe përmes Vuçiçit aty te aneksi i kuzhinës për të bërë rastësisht sikur takohet me djalin e Trump-it", e patë ça ndodhi? U katandis puna që edhe familja e presidentit të SHBA-ve të përgënjeshtrojë kënetën.
E kuptoni ju se në ça lloj marrëzie ju ka futur bufi 80 e kusur vjeçar që flet përçart edhe që e ka ndarë mendjen se do të bëjë çorap nga e para Shqipërinë se më thotshte dje një i njohur i tij se s' ja përmend dot emrin, më thoshte ore kur njeriu është i fiksuar nuk ka rëndësi fare mosha...
Madje, madje un nuk vajta as në funeralin e Papës se "vëllau jem" Vuqiqi në Beograd, se më shkrijnë fare edhe këta kënetarët e Kosovës që kanë të tjera nota melodike ata kur i përputhen kënetës se ata e kanë me "Vuqiq-in", më shkrinë fare me këto tori", tha Rama.
TIRANË- Kryeministri Edi Rama gjatë rubrikës “Sy m’sy”, tha se opozita ose ndryshe siç e cilëson ai këneta u përpoq të hedhë llumin mbi Kreun e SPAK Altin Dumanin dhe familjen e tij. Sipas tij Dumani është prokuror me kurajë dhe integritet dhe që nga koha kur ai u bë Kreu i SPAK lufta për të vendosur barazinë para ligjit shkoi në një nivel tjetër. Rama gjithashtu tha se populli ka kujtesë dhe kupton pse drejtësia nuk ka qenë e tillë më parë.
“Populli është minimalisht një shkallë më lart dhe më i zgjuar se më i miri dhe më i bukuri nga ju dhe nuk i beson gënjeshtrat me gjysmën e qeverisë në burg. Populli ka kujtesë dhe kupton pse drejtësia nuk ka qenë e tillë më parë, në kohën e kënetës ku pllaquritesh ti.
Kështu që kjo teoria jep dorëheqjen nuk funksionon. Ndaj PS do të marrë rezultatin më të mirë ndonjëherë, sepse populli sheh përpjekjen më serioze për të vendosur barazinë para ligjit, me të gjithë problematikat që ka. Dumani është prokuror me kurajë dhe integritet.
Që kur erdhi në krye të SPAK lufta për të vendosur barazinë para ligjit shkoi në një nivel tjetër, Ky është fakt dhe nuk kemi se çfarë i themi. Por Dumani nuk erdhi as nga hëna as e sollën me avion apo anije nga një shtet tjetër. Ishte prokuror prej vitesh, por nuk e kishit dëgjuar. Këneta është përpjekur që atij dhe familjes së tij ti hedhë llumin e saj në kokë," tha Rama.
TIRANA- Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Rama tha se shpresa e opozitës është që SPAK-u të shkrijë PS-në. Sipas tij, teoria që "jep dorëheqjen se është ky apo ai në burg" nuk funksionon. Ai tha se PS në këto zgjedhje do të marrë rezultatin më të mirë nën drejtimin tij.
"Ku u ke parë këto dorëheqjet me asosacion se nuk të kuptoj, e di që tani më kjo historia e proceseve hetimore e gjyqësore është shpresa e vetme jo vetëm e kënetës së madhe por edhe e moçaleve të vogla. Atë që nuk e realizojnë dot në fushën e ballafaqimit elektoral me popullin mendojnë se mund ta realizojnë duke nxitur SPAK dhe duke shpresuar se SPAK do të shkrijë PS.
Dhe nga ana tjetër duke bërë presion qesharak, si mund të votohet ky, ka gjysmën e qeverisë në burg, gjysmën e partisë në burg, pikërisht pse populli është një shkallë më lart se më i zgjuari dhe i bukuri nga të gjithë ju, nuk e ha këtë lloj propagande. Sepse populli ka një kujtesë, pse nuk ndodhnin më para këto procese, që dikush të hetohej e dënohej. Pse ndodh sot? Kjo teoria që jep dorëheqjen se është ky apo ai në burg nuk funksionin, fare, hiç, zero, dhe një nga arsyet pse PS do të marrë rezultatin më të mirë nën drejtimin tim është se për herë të parë populli shqiptar po shikon përpjekje për të vendosur barazi para ligjit", tha Rama.
TIRANA- Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Rama u shpreh se e ka faqen e bardhë' pavarësisht se, sipas tij, përpiqen ta nxijnë. Ai tha se ka 2 mënyra për të larguar një kryeministër. Sipas tij, njëra është kur nuk e ndjen më zjarrin brenda, gjë që thotë s’i ka ndodhur ende.
"Kemi ende një rrugë për të bërë drejt fininishit. Jemi afër fininisht, por jo në finish. Sprinti drejt finishit është mandati i katërt për të anëtarësuar Shqipërinë në BE. Do të jetë gëzim shumë i madh kur ta realizojmë këtë mision historik. Ka ende për të bërë, prandaj unë nuk largohem dot.
Ka dy mënyra për tu larguar një kryeministër në një vend demokrat. Njëra është kur nuk e ndjen më zjarrin brenda, gjë që s’më ka ndodhur ende. Nga ana tjetër, ti mund ta ndjesh zjarrin brenda, por njerëzit të thonë hap krahun. Për të parën unë kam një mision për të mbyllur dhe nuk jam këtu për asgjë çfarë thuhet dhe nuk jam ashtu siç po përpiqen të më pikturojnë prej shumë vitesh.
Mundësia për të bërë histori na ka ardhur në dorë. Është më 11 maj, duke u bërë më shumë se një shumicë aritmetike për të çuar procesin përpara. Unë faqen e kam të bardhë pavarësisht sesa përpiqen të ma nxinë. Koha do t’i vërë në vend të gjitha. Nuk mund të pretendosh të jesh në një arenë të mbushur me baltë dhe mos të të bëjnë pis. Qentë le të lehin, karvani ecën përpara", tha Rama.
TIRANA- Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Rama ka komentuar kontratën e lobimit në SHBA të Partisë Demokratike të cilën e konsideroi se një akt "për të pastruar damkën nga balli i kryedemokratit". Ai tha se janë mbledhur disa patriotë që nuk e dimë kush janë dhe kanë grumbulluar 6 mln dollarë.
"Një kontratë patriotike, janë mbledhur disa patriotë që nuk e dimë kush janë që nuk duhet kush janë, sepse nuk janë në fakt për hirë të së vërtetës dhe kanë mbledhur 6 mln dollarë për të pastruar damkën nga balli i bufit të kënetës, damkën e SHBA-ve për korrupsion madhor dhe minim të demokracisë. Po përse duheshin këto 6 mln dollarë për këtë damkë nëse kjo damkë ishte komploti i Sorosit me mua dhe duke shfrytëzuar vulën e SHBA-ve?
Kontratë më e lebetitshme se ajo e Lulit të shkretë që u bë copë të justifikonte ato 500 mijë dollarët? Edhe ai ashtu tha, patriotët. Sollën Latifin të vërë në kokë kapelën bufit, që të bëhet versioni më qesharak i Trump-it. Latifi ka marrë pjesën e tij në 6 mln dollarët, që kanë dalë nga barku i kënetës dhe synojnë të realizojnë atë që na u tha se ishte një gjë e realizuar tashmë", tha Rama.
