Dita e dhjetë e protestës/ Qytetarët zbresin në sheshin “Skënderbej”, nis grumbullimi i tyre: Edi Rama dorëhiqu!

Pamje

TIRANË- Aktivisti i lëvizjes që po organizon dhe protestën para Kryeministrisë, Edmond Gjata ka deklaruar se në KQZ është dorëzuar një draft për ndryshime të kodit zgjedhor. Gjatë fjalës së tij në podiumin e vendosur para Kryeministrisë, Gjata u shpreh se pas shitjes së Shën Naumit, Rama po guxon të shesë Sazanin.

Ai tha se Shqipëria e re fillon nga zgjedhje të lira dhe të ndershme. Sipas tij, zgjedhjet në 35 vite janë bërë për partitë, jo për qytetarët.

“Kemi dorëzuar në KQZ një draft për ndryshime të kodit zgjedhor. Shqipëria e re fillon nga zgjedhje të lira dhe të ndershme. Këto zgjedhje në 35 vite janë bërë për partitë, jo për qytetarët. Kodi i ri, është kodi i qytetarëve, që shprehin interesat e tyre dhe jo të Edi Ramës. Veprimi qytetar, që përfaqëson interesat e tyre do të këmbëngulë që në zgjedhjet e ardhshme të shkohet me rregulla të reja loje ku përparësi të kenë qytetarët. Pas shitjes së Shën Naumit, Edi Rama guxon të shesë Sazanin.”, tha ai./Dosja.al

Pamje

TIRANË- Një nga protestuesit e pranishëm në protestë ka deklaruar se nga Londra në Neë York, sheshet janë mbushur me shqiptarë. Gjatë fjalës së tij në podiumin e vendosur para Kryeministrisë, ai u shpreh se kjo është qeveria më e korruptuar që shqiptarët kanë pasur ndonjëherë.

Ai tha se kryeministri Rama pretendon se 800 mijë njerëz që kanë votuar, por 1 milionë e gjysmë shqiptarë janë larguar nga vendi.

“Nga Londra në Neë York, sheshet janë mbushur me shqiptarë që protestojnë bashkë me ju dhe për ju. Qeveria më e korruptuar që shqiptarët kanë pasur ndonjëherë. Sot pretendon se ka 800  mijë njerëz që kanë votuar, por 1 mln e gjysmë shqiptarë janë larguar nga vendi”, u shpreh një protestues./Dosja.al

TIRANË- Një protestuese e revoltuar nga politika në vend ka deklaruar se Kryeministrin Edi Rama mund ta 'ulin' ata që i dhanë votën.  

Gjatë fjalës së saj në podium, qyetarja theksoi se, vendi drejtohet nga rinia. Më një thirrje emocionbale, ajo i është drejtuar veçanërisht nënave që përjetojnë dhimbjen e largimit të fëmijëve të tyre jashtë vendit, duke i ftuar ato të bëhen pjesë e protestës për ndryshim.

“Mirëmbrëma Tirana, Durrësi, Tropoja, Kukësi. Rama ik! Berisha në burg. Jam e revoltuar për shumë arsye. Për spitalet ku të gjithë janë të korruptuar. Ky vend drejtohet vetëm nga ne. Ne e ngritëm këtë njeri, ne mund ta ulim. Ftojmë të gjithë të vinë. Ftojmë të gjitha nënat që presin dritareve që të kthehen fëmijët nga jashtë.”, tha protestuesja para Kryeministrisë./Dosja.al

Pamje

TIRANË- Një aktivist i pranishëm në protestë ka deklaruar se po organizohen avionë charter nga Anglia me 450 shqiptarë, për t’iu bashkuar protestës. Gjatë fjalës së tij në podiumin e vensosur para Kryeministrisë, ai tha se vetëm ditën e djeshme në protestë kanë qenë mbi 150 emigrantë.

“Në mërgatën tonë po organizohen avionë charter nga Anglia direkt me 450 shqiptarë, tani kemi shumë që kanë ardhur nga gjermani, nga Italia, vetëm dje dhe sot, kam takuar mbi 150 mërgimtarë, pa llogaritur pjesën tjetër që ka ardhur në shesh.

Mos harroni, nesër është një ditë shumë e rëndësishme për historinë dhe kulturën shqiptare, është lidhja e Prizrenit dhe ne sot duhet të deklarojmë: lidhja është gjallë”, tha ai./Dosja.al

Pamje nga protesta

TIRANË- Artur Meçollari ka ngritur akuza ndaj kryeministrit Rama duke u shprehur se, ai ka vjedhur pasurinë publike. 

Gjatë fjalës së tij në podiumin para kryeministrisë, ai u shpreh se Aeroporti i Kukësit është një investim jofunksional, duke theksuar se nuk ka lëvizje avionësh, ndërsa thekson se koncesionari vijon të paguhet nga buxheti i shtetit.

“Edi Rama ka shkatërruar të gjithë Shqipërinë. Aeroporti i Kukësit, asnjë avion nuk ulet e ngrihet. Koncensionari çdo muaj merr paratë nga shteti shqiptar. Porto Romano, pa studim fizibiliteti. Porti Durrësit krim shtetëror.  Në Palasë, Dhërmi e keni parë ç’ka ndodhur, është tjetërsuar mjedisi. Rama jo vetëm që vjedh pasurinë publike është kërcënim për sigurinë kombëtare.", tha qytetari./Dosja.al

Pamje

TIRANË- Një nga protestueset e pranishme në protestë ka deklaruar se protesta e qytetarëve ka lënë pa gjumë kryeministrin Edi Rama dhe kreun e opozitës, Sali Berisha. Gjatë fjalës së saj në podiumin e vendosur para Kryeministrisë, ajo tha se Rama dhe Berisha kanë marrë peng vendin prej 35 vitesh.

Ajo theksoi se vendi është pa një parti poltike, ndërsa përsëriti shprehjen “Rama në burg, Berisha në burg”. 

“Na thanë se janë 2 mijë veta. Na vjen keq që ju kemi prish gjumin si kryeministrit si atij që pretendon se drejton opozitën. Kanë marrë peng vendin prej 35 vitesh. Ne jemi më të fortë se kurrë që ta bëjmë Shqipërinë për të jetuar me dinjitet në këtë shtet. Jemi pa parti politike dhe thirrja Rama në burg, Berisha në burg jehon”, u shpreh protestuesja./Dosja.al

Pamje

TIRANË- Mijëra qytetarë janë po marshojnë drejt Kryeministrisë, në ditën e dhjetë të protestës së tyre. Ata kanë kërkuar dorëheqjen e kryeministrit Edi Rama dhe anulimin e projektit të Zvërnecit. “Dorëheqje, reformim dhe qeveri teknike” është njëra nga thirrjet e tyre. 

Kjo është protesta e dhjetë e cila mbahet në Tiranë, ndërsa ajo është shtrirë edhe në qytete të tjera si Durrësi, Saranda, Fieri, Elbasani, Kukësi dhe Korça. Protesta ka marrë jehonë kombëtare dhë ndërkombëtare, pas është shpërndarë edhe në diasporë.

Mijëra emigrantë në Londër, Mynih, Bolonja, Firence, Milano dhe Berlin kanë protestuar gjithashtu, duke u ardhur kështu në mbështeje protestuesve në Tiranë. 

Protestuesit kanë zgjedhur që protesta të mos ketë asnjë nuancë politike, pasi në thirrjet e tyre është dëgjuar thirrja “Rama në burg, Berisha në Burg”./Dosja.al

Pamje

TIRANË- Qindra qyetetarë kanë nisur grumbullimin e tyre në sheshin “Skënderbej”, në ditën e 10 të protestës, kundër zhvillimit të projektit në Zvërnec. Përmes këtyre protestave ata kanë kërkuar anulimin e projektit dhe njëkohësisht edhe dorëheqjen e kryeministrit Edi Rama nga pushteti. 

Me pankarta në duar dhe flamuj kuqezi, ata kanë bërë thirrje për ndyshim. Në pankartat e tyre ata kanë shkruar mesazhe si “Edi Rama dorëhiqu”, “Atdheu i Shqiptarëve, vdekje tradhtarëve”, “Atdheu nuk shitet” dhe “Rama në burg, Berishaa në burg”./Dosja.al