EMRI/ Të shtëna me armë gjatë natës në Lundër, qëllohet drejt banesës së pabanuar, gjenden 6 gëzhoja
EMRI/ Të shtënat gjatë natës në Tiranë, banesa e zyrtarit të OSHEE-së, shkak dyshohet konf...
EMRI/ Të shtënat gjatë natës në Tiranë, banesa e zyrtarit të OSHEE-së, shkak dyshohet konf...
Kurti sot në Tiranë, takohet me Ramën, marrëveshja në Ohër në qendër të bisedimeve 26 Mars, 0...
Si janë ndarë vendet në këshillat bashkiakë? Berisha: PL merr 240 vende, PBDNJ-a 20, ndërsa PDK, 6 vende 25 Mars,...
Tym e flamuj të bardhë para Qeverisë, kshu ka përfunduar protesta e PSD-së 25 Mars, 14:59 "Kurti si p...
• 7 ditë para protestës së 11 shkurtit, kryedemokrati Sali Berisha ka prezantuar skenarët për zhvillimin e tubimit të organizuar nga Partia Demokratike para Kryeministrisë. • Në një komunikim me qytetarët, Berisha tha se opozita do të jetë e fokusuar që çështjen Mcgonigal ta çojë deri në fund, por nuk harroi edhe rastin e Rozeta Dobit. • Ndër të tjera, Berisha sqaroi edhe lëvizjet që do të bëj Partia Demokratike në rast se të drejtën për të hyrë në zgjedhjet e 14 majit me logon zyrtare të PD do e ketë grupimi i udhëhequr nga Enkelejd Alibeaj. Por u shpreh i sigurtë, Gjykata do të vendoste "pro" tij.
6 artikuj për këtë temë.
TIRANË- Kryetari i Partisë Demokratike Sali Berisha ka komentuar arrestimin e ish-zyrtares së Kryeministrisë, Alda Klosi, duke e lidhur këtë ngjarje edhe me çështjen e Charles McGonigal. Me anë të bashkëbisedimi me qytetarët në Facebook, Berisha e cilësoi ish-të dashurën e McGonigal, Allison Guerriero si Rozeta Dobi, pastruesja që vodhi në banesën e Alda Klosit.
“Habia Gonigal është kjo! Si ka mundësi që ky njeri të operojë dy vite në Shqipëri me intensitet të madh dhe në fund ta zbulojë dashnorja e tij. Rozeta të themi. Të më falë Rozeta, se nga ana morale mund të jetë e ndershme, pavarësisht se ka vjedhur. Rozeta nuk ka vjedhur, por të gjitha trajcat me para i ka marrë me urdhër të Alda Klosit. Si mundet një grua, pa njohuri të tilla, që të hapë një kasafortë. Por kodin Rozetës ia dha Alda. E kuptoni apo jo?! Ajo zbatoi urdhrat, çoi të fsheh jo 120 mijë, por 700 mijë euro të vjedhura”, tha Berisha.
TIRANË- Kryedemokrati Sali Berisha është pyetur nëse do ta bënte banorin e Big Brother Vip, këngëtarin Luiz Ejlli pjesë të fushatës së tij elektorale. Gjatë një bashkëbisedimi në Facebook, Berisha ka theksuar se Luizi ka diellin e tij dhe se ai nuk do që t'i përzihet.
“Nuk ka asnjë rëndësi mendimi im, pasi Luizi dëshmoi veten një artist, interpretoi si artist me talent, dhe meritoi, nuk shkoi më tutje, secili ka diellin e tij, dhe nuk dua t’i përzihem, meritoi admirimin e publikut shqiptar ”, tha Berisha.
TIRANË- Kryetari i Partisë Demokratike Sali Berisha ka deklaruar se Gjykata e ka dhënë vendimin e saj më 25 mars ku njeh vetëm Kuvendin e 11 dhjetorit. Gjatë një bashkëbisedimi me qytetarët në Facebook, Berosha ka theksuar se çdo vendim tjëtër është anti-kushtetues dhe Enkelejd Alibeaj nuk mund të bëhet palë në një proces ku nuk është palë.
"Vendimi i 25 marsit, që njeh legjitim dhe në përputhje me Kushteutën, Kuvendin e 11 dhjetorit, është vendim që në çdo vend të lirë të planetit, ka vetëm një kuptim: regjistrimin në regjistrin e forcave politike. Çdo vendim tjetër është antikushtetues dhe antiligjor. Nëse Ali Basha ka pasur një të dhënë, një objeksion për vendimin e gjykatës, ai kishte të drejtë të hapte proces gjyqësor në Gjykatën e Tiranës, por ai nuk mund të bëhej palë kurrë në një proces ku nuk ishte palë. Kështu që bërja palë e Alibashës me ndërhyrjen direkte dhe të fuqishme të Edi Ramës, dhe të McGonigal-it me fustan, siç e ka pohuar vetë, është një akt antikushtetues, antiligjor," tha Berisha.
TIRANË- Kryedemokrati Sali Berisha ka deklaruar se Arben Ahmetaj ndodhet nën mbrojtjen e SPAK-ut si dhe të kryeministrit Rama. Gjatë një bashkëbisedimi me qytetarët në Facebook, Berisha shkruan se nëse preket Ahmetaj bien brenda dhe vet Rama bashkë me SPAK-un. Po ashtu kryedemokrati ka theksuar faktin se Rama është një armik i votës së lirë.
"Për Arben Tigrin, Sali Berisha dhe opozita ka folur më shumë se për çdokënd tjetër. Por Arben Tigri është nën mbrojtjen e plotë të SKAP-it dhe Edi Ramës. Sepse një qime floku po i lëvizi atij, bie Edi Rama dhe vetë SPAK-u që është i përvëluar nga paratë e inceneratorëve. Sali Berisha dhe opozita nuk do kursejë asnjë njeri në këtë përpjekje. Edi Rama është armik i egër i votës. E gjithë beteja jonë është largimi i tij nga pushteti. Unë e konsideroj akt patriotik vendimin e çdo emigranti dhe qytetari të diasporës të vijë dhe të votojë në Shqipëri. Ne do bëjmë gjithçka që të votoni në vendet ku jetoni për zgjedhjet në Shqipëri.
Beteja jonë do të vazhdojë deri në fitoren tonë," tha Berisha.
TIRANË- Kryedemokrati Sali Berisha ka deklaruar se nuk do ta lënë çështjen e skandalit të ish-zyrtarit të FBI-së Charles McGoigal me kryeministrin Rama që të takojë si të tjerat. Gjatë një bashkëbisedimi me qytetarët në Facebook, Berisha ka theksuar se çështja McGonigal është një simbol i veprimeve më të zeza dhe se të gjithë ata që janë implikuar në këtë skandal do të marrin vendin që meritojnë.
"Çështja McGonigal nuk do të kalojë kurrë si të tjerat. Kjo është një çështje që ka tronditur thellë opinionin publik shqiptar dhe ndërkombëtar. Çështja McGonigal është simbol i veprimeve më të zeza që një mafie ndërkombëtare ndërmerr ndaj një vendi. Jo më për asgjësimin e dy-tre personave, por të pluralizmit politik. Të gjithë ata që u implikuan në këtë operacion të turpshëm, do marrin vendin që meritojnë. Ne jemi të vendosur të bëjmë një betejë të pamposhtur për të nxjerrë në dritë çdo fakt të këtij skandali. Jemi vendosur të informojmë komisionin hetimor në SHBA, për veprimtarinë kriminale, antidemokratike dhe antikushtetuese të McGonigal dhe të çdo diplomati që ka vazhduar veprën e zezë të shkatërrimit të opozitës," tha Berisha.
TIRANË- Kryetari i Partisë Demokratike Sali Berisha ka deklaruar se ndërhyrja në reforimin e sistemit të drejtësisë do të nisë me referendum. Gjatë një bashkëbisemi me qytetarët në Facebook, Berisha ka theksuar se pas referendumit do të vazhdojë bashkëpunimi me partnerët ndërkombëtar.
"Reformimi i sistemit të drejtësisë, nxjerrja e tij jashtë reformës së Xhorxh Sorosit, që e kam cilësuar se është një nga aktet më madhore të korrupsionit ndërkombëtar, ajo do ndodhë. Nuk ka deklaratë që mund të maskojë dështimin e plotë të kësaj reforme. Kjo ndërhyrje do fillojë me një referendum popullor. Më pas në bashkëpunim me partnerët ndërkombëtare, ne do ndërhyjmë me reformë të thellë në këtë sistem, që t’ia kthejmë drejtësinë ligjit, që ajo të jetë e pavarur nga guvernatorë dhe mafia ndërkombëtare," tha Berisha.
