"Një nismë e improvizuar!" Mbahet sot në Gjermani Samiti i 10-të i Procesit të Berlinit, Scholz pret liderët e Ballkanit Perëndimor
Nuk ka një strukturë fikse! Analiza: Çfarë është dhe si nisi Procesi i Berlinit? 14 Tetor, 08:34 ...
Nuk ka një strukturë fikse! Analiza: Çfarë është dhe si nisi Procesi i Berlinit? 14 Tetor, 08:34 ...
Si ndodhi aksidenti në Fier? Policia jep detaje: Automjetet u përplasën me njëra-tjetrën dhe morën para bagët...
Plagosja me thikë në Tiranë/ Autori, me precedent të mëparshëm penal (EMRAT) 12 Tetor, 19:46 Pla...
Qeveri teknike si e vitit 2017? Berisha: Ai ishte model i dështimit të plotë! Një qeveri teknike me Ramën kryeminist&eu...
• Mbështetësit e Gazment Bardhit dhe përkrahësit e ish-kryeministrit Sali Berisha janë bashkuar sot për herë të parë në një mbledhje të grupit parlamentar brenda selisë së Partisë Demokratike. • Pas gati dy vjetësh qëkur selia u rimor nga Berisha dhe ku mbështetësit e Bardhit mblidheshin në kryesinë e Kuvendit, sot është zyrtarizuar bashkimi mes tyre, duke bërë bashkë 43 deputetë. • Gazmend Bardhi e njoftoi bashkimin përmes një deklarate për shtyp ditën e sotme. • Bardhi vuri theksin tek procesi i bashkimit, si rruga e vetme për një mendje racionale, duke lënë pas të shkuarën e hidhur të PD-së. • Ai tha se sot demokratët bëhen bashkë për të dalë në terren, për tu kthyer nesër në forcë udhëheqëse në qeveri. • Bardhi theksoi disa linja ku duhet të ecë PD, duke nënvizuar orientimin pro-amerikan dhe pro europian dhe rrugëtimin që duhet të bëjnë bashkë demokratët.
4 artikuj për këtë temë.
TIRANË- Deputeti demokrat Ervin Salianji ka bërë një postim në Facebook sa i përket mbledhjes së realizuar sot nga Partia Demokratike. Salianji konfirmon bashkimin e demokratëve, të cilët janë të përçarë prej 2 vitesh.
Ai është shprehur se Shqipëria ka nevojë për një opozitë të fortë. Salianji zotohet se Partia Demokratike do të forcojë nevojat e shqiptarëve dhe verdiktin e demokratëve.
Postimi i Plotë i Ervin Salianjit:
Demokratët e kanë dhënë verdiktin, duan bashkim!
Shqipëria ka nevojë për opozitë të fortë e cila pa bashkim është e dobët. Bashkimi është hapi i parë për çdo transformim e zmadhim të opozitës!
Tashmë detyra jonë është të forcojmë verdiktin e demokratëve dhe nevojë e shqiptarëve. Këtë detyrë po bejme sot, asgjë më shumë.
Vendimet e mëtejshme nuk janë vetëm rezistenca por veprimi me gjithë fuqinë tonë ndaj rrezikut serioz që i kanoset vendit nga korrupsioni dhe sundimi i Ramës!
Deputetët e Partisë Demokratike janë mbledhur të gjithë bashkë pas gati 2 vitesh. Mbledhja u drejtua nga kryetari i grupit parlamentar Gazment Bardhi, Flamur Noka dhe Ervin Salianji.
TIRANË- Deputetët e Partisë Demokratike janë mbledhur të gjithë bashkë për herë të parë pas gati 2 vitesh në selinë qëndrore. Të pranishëm në mbledhje kanë qenë 27 deputetë të opozitës, ndërkohë që 10 kanë munguar për shkak të problemeve shëndetësore apo udhëtimeve jashtë vendit.
Të pranishëm në mbledhje:
Gazment Bardhi
Agron Gjelmarkaj
Xhelal Mziu
Bledjon Nallbati
Qani Xhafa
Ludovik Hasani
Ervin Salianji
Dhurata Cupi
Zheni Gjergji
Lefter Genjeshenja
Ramadan Lika
Helidon Bushati
Petrit Doda
Flamur Noka
Edi Paloka
Oerd Bylylbashi
Ina Zhupa
Lindita Metealiaj
Greta Bardeli
Bujar Leskaj
Sorina Koti
Elda Hoti
Kasem Mahmutaj
Asllan Dogjani
Albana Vokshi
Luan Baci
Tritan Shehu
Tomor Alizoti
Mungojnë:
Sali Berisha
Saimir Korreshi
Dashnor Sula
Kastriot Piroli
Jorida Tabaku
Ferdinand Xhaferraj
Ilda Dhori
Flamur Hoxha
Emilja Koliqi
Edmond Spaho
TIRANË- Deputetët e Partisë Demokratike janë mbledhur të gjithë bashkë për herë të parë pas gati 2 vitesh në selinë blu. Mbledhja e sotme është drejtuar nga kryetari i grupit parlamentar Gazment Bardhi dhe Sekretari i Përgjithshëm i PD-së, Flamur Noka, si dhe Ervin Salianji.
Kjo mbledhje nënkupton bashkimin e Partisë Demokratike dhe rikthimin e deputetëve të Bardhit në selinë blu.
TIRANË- Kryetari i Grupit Parlamentar të Partisë Demokratike, Gazmend Bardhi ka njoftuar sot bashkimin e partisë. Në një deklaratë për mediat nga selia blu, Bardhi ka theksuar se ata janë bashkuar në diversitet dhe se grupi Parlamentar është kthyer në shtëpinë e tyre.
Bardhi theksoi se edhe pse janë shumë më mirë se një vit parë, duhet ende punë në seli dhe në terren për të rikthyer besimin e plotë. Po ashtu sipas Bardhit, lufta e vërtetë pa kompromis dhe pa u lodhur duhet të bëhet për të larguar Edi Ramën nga pushteti.
"Para 34 vitesh shpresen e një vëndi të terrorizuar, të izoluar e të varfër përtej mjerimit e ktheu lindja e Partisë Demokratike, si shprehja më sublime e një populli që kërkonte liri dhe demokraci. Këto dy vitet e fundit, ne hymë në një rrugë që solli mosbesim, konflikt, përçarje mes demokratëve. Zgjatja e asaj situate vuri në pikëpyetje vetë ekzistencën e partisë. Kjo situatë mes nesh, e paprecedentë në llojin e vet, po ndodhte ndërsa Shqipëria humbte çdo ditë nga një tullë në themelet e brishta të demokracisë dhe pluralizmit. Vendi nuk e kishte dhe nuk e ka luksin të humbasë edhe opozitën, prandaj prej më shumë se 1 viti sëbashku me shumë kolegë brenda grupit parlamentar kemi bërë përpjekje të sinqerta, ndonjëherë edhe me kosto personale, për t’u rikthyer demokratëve shpresën tek partia e vet, tek Partia Demokratike.
Shumë do të donin që gjërat të mos kishin shkuar keq mes ne demokratëve, shumë të tjerë do të donin që bashkimi të kishte ndodhur më shpejt. Megjithatë, jam i bindur se sot, kur grupi parlamentar kthehet i bashkuar në shtëpinë e vet, kjo është një ditë e mirë për demokratët, për opozitën, për Shqipërinë! Të dashur qytetarë shqiptarë! Të dashur demokratë! Ne jemi sot shume më mirë se 1 vit më parë, por akoma nuk jemi në lartësinë e pritshmërive të shqiptarëve ndaj nesh. Ne vërtetë sot nuk luftojmë per ekzistencë si 1 apo 2 vite më parë, por sërish përballemi me një diversioni antidemokratik, i cili akoma është shumë i strukturuar dhe i shumëllojtë. Kam bindjen dhe besimin absolut se ne do t’ia dalim të kapërcejmë pengesat që na vendosin përpara, duke punuar së bashku ketu në seli, në grupin parlamentar dhe në çdo lagje e familje shqiptare.
Bashkimi është forcë dhe jo dobësi. Bashkimi është rruga e vetme për një mëndje racionale. Partia Demokratike me aktin e bashkimit, pas një udhëtimi në errësirë, i kthen dritën vetes dhe duhet ti kthejë shpresën shqiptarëve. Me këtë motiv, ne do të jemi në çdo cep të Shqipërisë për t’i dhënë shpresë të rinjve, burrave dhe grave që duan të ndërtojnë këtu një të ardhme për vete dhe për familjet e tyre. Jo më përçarje! Jo më konflikt! Ne do të punojmë së bashku për të shndërruar opozitën e sotme në qeverisjen e neserme. Mbi këtë parim duhet të ndërtohet cdo marrëdhënie dhe duhet të jetë i mirëpritur cilido. Të flasim mbi ide, mbi parime, jo mbi individë.
Prania jonë sot këtu do të thotë mirëkuptim, respekt për mendimin ndryshe. Ne jemi të bashkuar në diversitet, duke ruajtur secili qendrimet tona, sepse ne kemi më shumë gjëra që na bashkojnë sesa nga ato që na kanë ndarë deri dje. Një parti e fortë do duhet ti përfshijë të gjithë flukset brenda vetes dhe ne kemi nevojë për këtë më shumë se kurrë! Partia Demokratike ka nevojë për hapje reale, ka nevojë të korrigjojë veten, ka nevojë të njësohet me shumicën e shoqërisë shqiptare. Ajo ka nevojë ti përgjigjet nevojës që kanë qytetarët dhe të jetë zëri i asaj që shoqëria pret. Partia Demokratike është partia më properëndimore se çdo forcë tjetër politike më vend. Ne besojmë tek aleatët tanë strategjik. Ne besojmë gjithashtu, se Shqipërisë i duhet një drejtësi e pavarur, pa ndërhyrje politike, por ne duhet të theksojmë me forcë se ne nuk jemi në luftë me drejtësinë! Do ta mbështesim dhe nxisim atë pa komplekse që të zbatojë ligjin, por edhe do të themi të vërtetën para shqiptarëve sa herë që do të konstatojmë se peshorja e drejtësisë disbalancohet nga ndërhyrjet politike," tha Bardhi.
