TIRANË-Një shkresë me kërkesë informacioni i është dërguar disa javë më parë dhjetëra institucioneve nga Komisioni Hetimor Parlamentar për hetimin e zgjedhjeve të 25 prillit, por jo të gjitha janë përgjigjur me zell! Në mbledhjen e sotme, kryetari i Komisionit, Enkelejd Alibeaj bëri me tije se nuk ka asnjë përgjigje nga Inspektorati i Mjedisit, i cili është institucion i shkrirë.
Por edhe 2 nga bashkitë më të mëdha në vend, ajo e Tiranës dhe e Vlorës, të cilat ishin pyetur lidhur me punësimet dhe shpërblimet e tërmetit. Duke paralajmëruar më pas edhe një kallëzim penal. Por menjëherë ka reaguar kryebashkiaku Dritan Leli, i cili ka nxjerrë dokumentat që provojnë se ai vetë është përgjigjur lidhur me të gjithë pyetjet e Komisionit.
Më pas, Alibeaj ka bërë publike edhe listën e dëshmitarëve që sipas tij duhen thirrur, duke filluar nga Kryeministri Rama, disa ministra dhe krerë institucionesh të rëndësishme të vendit. Ndërkohë që nga ana tjetër, siç edhe ishte paralajmëruar në mbledhjet e mëparshme, deputeti socialist, Toni Gogu, kërkoi që listës së dëshmitarëve t’i shtohen edhe deputetët demokratë Gazmend Bardhi, Xhelal Mziu dhe Albana Voshi. Socialisti kërkon të dijë më shumë lidhur me të ashtuquajturën Strukturën e Mbrojtjes së Votës në PD, për të cilën kanë kërkuar informacion zyrtarisht edhe nga selia blu.
Deputeti demokrat Ferdinand Xhaferri tha se kërkesa për të diskutuar strukturën e mbrojtjes së votës në PD është jashtë objektit pasi objekti është hetimi për sjelljen e strukturave shtetërore dhe të pushtetit vendor në periudhën e zgjedhjeve. Duke bërë që të kishte debate mes palëve. Megjithatë edhe pse Alibeaj mbylli mbledhjen dhe opozita u largua, maxhoranca qëndroi në sallë, pasi ka shumicën e anëtarëve.
ZHVILLIMET ORË PAS ORE:
PS rrëzon planin hetimor për zgjedhjet. Alibeaj: Skenar! Gjylameti: Do ikësh pas 11
“Të vijë këtu Bardhi, Vokshi dhe Mziu”, PD kundër PS: Kërkesë që s’e ezaurojmë dot
PD kallëzim penal për Bashkitë Vlorë, Dritan Leli: I ktheva përgjigje Komisionit
PD prezanton planin e hetimit për 25 prillin,brenda muajit dëshmon Rama, Çuçi dhe…
Hetimet për 25 prillin, Alibeaj: Bashkia e Vlorës dhe Tiranë s’kanë kthyer përgjigje
(k.m/dosja.al)
