TIRANË- Komisioni Hetimor për zgjedhjet e 25 Prillit ka zhvilluar ditën e sotme mbledhjen e parë. Komisioni drejtohet nga Enkelejd Alibeaj, ndërkohë që ka për qëllim hetimin e krimeve zgjedhore, të cilat kanë ndodhur në zgjedhjet e 25 prillit. Në këtë komision do të thirren për të dëshmuar 24 funksionarë publikë duke nisur nga kryeministri Edi Rama, zëvëndësi i tij Arben Ahmetaj dhe tre ministra. Ndërsa zyrtarë të tjerë që do të thirren janë dy kryebashkiakë Erion Veliaj dhe Emirjana Sako.
Të tjerë zyrtarë janë kreu i SPAK Arben Kraja, Kreu i Prokurorisë së Përgjithshme, Olsian Çela ish-drejtori i Policisë së Shtetit Ardi Veliu si dhe drejtori i tanishëm i Policisë Gledis Nano. Ndër të tjerë do të thirren për të dëshmuar edhe gazetarët Armand Shkullaku dhe Andi Bushati.
Lista e Plotë:
- Edi Rama- Kryeministër
- Arben Ahmetaj – Zv/kryeministër dhe ministër për Rindërtimin
- Bledi Çuçi- Ministër i Brendshëm
- Belinda Balluku – Ministre Infrastrukture
- Ogerta Manastirliu- Ministrja e Shëndetësisë
- Emirjana Sako- Kryetarë e Bashkisë së Durrësit
- Erion Veliaj- Kryetar i Bashkisë së Tiranës
- Arben Kraja- Kreu i SPAK
- Olsian Çela- Kreu i Prokurorisë së Përgjithshme
- Ardi Veliu- Ish-drejtor i Policisë së Shtetit
- Gledis Nano- Drejtor i Policisë së Shtetit
- Artan Lame – Kreu i Kadastrës
- Lindita Karçanaj – Kreu i AKSHI-t
- Shkëlqim Hajdari- Inspektor i Përgjithshëm i Inspektoratit
- Rejda Kashta – Drejtoreshë e Agjencisë së Prokurorimeve Publike
- Sokol Zaimi – Drejtor i Rezervave Materiale të Shtetit
- Bledar Doracaj- Drejtor i Gjendjes Civile
- Albana Koçiu – Drejtoreshë e Departamentit të Administratës Publike
- Adrian Çela – Administrator i OSHEE
- Laert Duraj – Ish-drejtor i Postës Shqiptare
- Besnik Dervishi – Komisioner për Mbrojtjen e të Dhënave Personale
- Erinda Ballanca – Avokati i Popullit
- Armand Shkullaku – Gazetar
- Andi Bushati – Gazetar
LAJM KRYESOR: VD-LIVE/ Mblidhet Komisioni për 25 prillin, Bardhi kërkon largimin e Etjen Xhafajt
(I.A;F.m/dosja.al)
