Bota

Lirohet gruaja që dyshohet se mbante të burgosur djalin e saj në Suedi/ Prokurorja: Nuk ka prova të mjaftueshme, ai është i rritur mund të largohej

Prokurorja Emma Olsson ka thënë se nuk ka prova të mjaftueshme që ai të jetë mbajtur kundër vullnetit të tij. Gjithashtu, Olsson ka thënë se është marrë vendim që ajo të lihet e lire. Sipas saj,  shërbimet shoqërore tani po hetonin çështjen, pse djali është hequr nga shkolla në moshën 12-vjeçare.
Featured image of article: Lirohet gruaja që dyshohet se mbante të burgosur djalin e saj në Suedi/ Prokurorja: Nuk ka prova të mjaftueshme, ai është i rritur mund të largohej Foto ilustruse

SUEDI-Prokurja suedeze, e cila po merret me çështjen kundër një gruaje në moshën 70-vjeçare, e cila është akuzuar për burgosjen e djalit të saj, ka thënë se nuk ka prova të mjaftueshme që ai të jetë mbajtur kundër vullnetit të tij.

“Ne nuk kemi gjetur ndonjë indikacion që ai është mbyllur, lidhur ose është parandaluar fizikisht të largohet nga vendi i ngjarjes. Nuk ka asnjë shenjë që ka pasur hapësira të mbyllura. Vetë burri ka thënë se varet nga ai nëse dëshironte të largohej nga banesa. Ai është një i rritur dhe mund të dilte nëse ai dëshironte,” shtoi ajo, duke theksuar se dëshmitarët e kishin parë atë edhe jashtë me raste,”-ka thënë prokurorja Emma Olsson.

Gjithashtu, Olsson ka thënë se është marrë vendim që ajo të lihet e lirë. Sipas saj,  shërbimet shoqërore tani po hetonin çështjen, pse djali është hequr nga shkolla në moshën 12-vjeçare.

Për më shumë bëhu pjesë e grupit më viral në Facebook, Dosja.al

“Dikush mund të vë në dyshim përshtatshmërinë e saj si nënë, por tani u takon shërbimeve sociale ta shohin rastin,” tha ajo

Gruaja 70-vjeçare u akuzua se e kishte mbajtur djalin e saj të mbyllur në banesën e tyre në një periferi të kryeqytetit, Stokholm, për deri në tre dekada.  Ajo mohoi burgimin e rremë dhe dëmtimin e rëndë trupor pasi djali, tani i moshës rreth 40 vjeç, u gjet i plagosur dhe jetonte në skllavëri. Raportet e medias thanë se motra e burrit kishte shkuar në banesë të dielën pasi dëgjoi se nëna e saj ishte në spital. Ajo ka thënë se ai ishte zhvendosur nga banesa kur ishte adoleshente dhe që nga ajo kohë nuk e kishte parë vëllain e saj.

(k.a/dosja.al)

Etiketa:

Shto Koment