Aktualitet

Krimi në familje, psikologia bën thirrje: Edukojini fëmijët të jenë njerëz, femra rrit jetë dhe është e shenjtë

Lira shton më tej se të gjithë nëna, baballarë, mësues dhe të rritur duhet të përpiqen të edukojnë fëmijët që në radhë të parë të jenë njërëz. Psikologia shton se meshkujt nuk kanë nevojë të mësojnë ta dominojnë femrën por ta duan dhe ta respektojnë atë për ato çfarë përfaqëson dhe për vendimet e saj.
Featured image of article: Krimi në familje, psikologia bën thirrje: Edukojini fëmijët të jenë njerëz, femra rrit jetë dhe është e shenjtë Lira Gjika
Përditësuar:

TIRANË– Psikologia Lira Gjika ka shkruar rreth ngjarjeve të rënda që mbushën mediat dy ditët e fundit pasi dy gra u vranë nga burrat e tyre. Në një status në rrjetet sociale, Gjika e përshkruan gruan si një qenie Brenda të cilës rritet jetë dhe mundësinë që i ka dhënë Zoti për ta bërë këtë gjë. Lira shton më tej se të gjithë nëna, baballarë, mësues dhe të rritur duhet të përpiqen të edukojnë fëmijët që në radhë të parë të jenë njërëz. Psikologia shton se meshkujt nuk kanë nevojë të mësojnë ta dominojnë femrën por ta duan dhe ta respektojnë atë për ato çfarë përfaqëson dhe për vendimet e saj.

Këto ditë kemi dëgjuar gjëra të shëmtuara, se si burra apo ish burra vrasin nga inati, se gruaja nuk i nënshtrohet, se gruaja guxon ta ndajë. Nëna, baballarë, mësues, të rritur në përgjithësi, përpiquni të edukoni te fëmijët, që në rradhë të parë janë njerëz. Gjinia edhe pse ekziston, nuk është aspak vlerë, që të jep të drejta apo jo, por thjesht një veti. Ka ardhur koha, që në shkollat tona të mësohet, se njeriu njihet nga fjala dhe fytyra dhe jo nga organet e tij. Mos harroni njerëz, se në trupin e femrës rritet jetë. Këtë veti Zoti apo natyra, ia ka besuar vetëm asaj, gruas. Zoti apo natyra, jo vetëm i dhuroi vezën, që duke u bashkuar me spermatozoidin ngjizet njeriu, por e bëri dhe universin e parë të jetës së njeriut përpara se të vijë në këtë botë. Ai, njeriu qëndron në trup të femrës, aty rritet, formëzohet duke marrë jetë dhe informacion nga trupi i saj dhe nëpërmjet saj. Këtë veti të femrës, të gruas, gjithmonë kanë dashur ta anashkalojnë madje dhe vetë ato, femrat. E megjithatë universi femëror mbetet i pandryshueshëm edhe pse keqpërdoret. Vetëdija e parë për tjetrin, është ndërtuar pikërisht brenda universit femëror dhe kjo fal rritjes së jetës brenda trupit të saj. Femra kur piqet seksualisht e di, që duhet të përgatitet për tjetrin, i cili do të jetoj disa muaj brenda trupit të saj dhe do ta përdor atë. Prandaj femra nuk e ka të vështirë të pranoj tjetrin, ndërsa meshkujt edhe pse flasin për tjetrin dhe kanë arritur ta çojnë shkencën në majat, por ende sot, nuk janë të vetëdijëshem për tjetrin, pasi ata nuk e pranojnë, që femra është një njeri tjetër. Ata kanë nevoj për atë, e duan ta dominojnë. Mbase kanë të drejtë gjithë atë pushtet që i ka falur Zoti apo natyra, provokon tek ata ndjenjë të thellë xhelozie dhe pafuqie. Por me emancipimin e njeriut, vet meshkujt po bëjnë përpjekje, që të zhvillohen dhe të jenë më të vetëdijëshëm për veten e tyre dhe për femrën. Tashmë ata sëbashku janë në një krah në luftën për emancipim, për të shmangur diskriminimi i gjinor dhe të pranohet femra si një njeri tjetër,”– shkruan Lira Gjika në Facebook.

Për më shumë bëhu pjesë e grupit më viral në Facebook, Dosja.al

Një ditë më parë, Durrësi u trondit nga një krimi i rëndë që ndodhi, ku Ruzhdi Tosuni ka qëlluar bashkëshorten, Hajdie Tosuni me levë brenda një dyqani metrazhesh duke e lënë të vdekur. Ndërsa dy netë më parë u trondit Mirdita. Fatmir Kolecaj ekzekutoi me armë zjarri ish-gruan e tij Esmeralda Filopatin dhe vëllanë e saj, Vledisonin.

(f.m/dosja.al)

Shto Koment