Sport

Liga e Kombeve/ Ndeshja kundër Lituanisë, Hysaj: Dua të shënojë nesër ndaj Lituanisë

Kapiteni i kombëtares, Elsejd Hysaj ka dalë në konferencë për shtyp me trajnerin Reja ku analizon ndeshjen me Lituaninë dhe shprehet se dëshira e tij ditën e nesërme është të shënoj golë.
Featured image of article: Liga e Kombeve/ Ndeshja kundër Lituanisë, Hysaj: Dua të shënojë nesër ndaj Lituanisë Elsejd hysaj

 TIRANË- Nesër në mbrëmje Shqipëria luan ndeshjen e dytë kundër Lituanisë në Ligën e Kombeve.  Ndeshja do të luhet në “Air Albania” ku djemtë e Edi Rejës do të tentojnë fitoren e dytë pas asaj në Bjellorusi. Kapiteni i kombëtares, Elsejd Hysaj ka dalë në konferencë për shtyp me trajnerin Reja ku analizon ndeshjen me Lituaninë dhe shprehet se dëshira e tij ditën e nesërme është të shënoj golë.

“Është pak e vështirë në aspektin fizik, pasi kemi pak ndeshje që kemi luajtur. Po mundohemi të rikuperohemi dhe të jemi në 100% për këtë ndeshje. Kemi parë ca video të Lituanisë, kemi parë që janë një ekip që i pëlqen të luajë topin.

Duhet të kemi kujdes në mbrojtje. Ata me sulmuesit që ngrihen shumë, do të na lënë hapësira për të sulmuar. Skema 3-5-2 e Rejës nuk më përshtatet? Është një rol i ri për mua, jam mësuar të luaj me 4 në mbrojtje, por po më pëlqen. Më jep mundësinë të shkoj më para dhe t’i ofrohem golit.

Për më shumë bëhu pjesë e grupit më viral në Facebook, Dosja.al

Po mundohem të sistemoj ca gjëra që më ka kërkuar trajneri, jam i kënaqur me rolin e ri. Napoli? Karriera ime është në lulëzim. Jam 26 vjeç, nuk kam asnjë problem me Napolin. Kam pritur gjëra e mia, Napoli është bërë si shtëpia ime e dytë, shpresoj të rinovoj dhe të qëndroj edhe për shumë kohë.

Unë kam shumë qejf që të shënoj. Ka filluar të më pëlqejë goli, ky modul më jep mundësinë të jem edhe më afër portës. Shpresoj që nesër të shënoj ndaj Lituanisë“, deklaron Elseid Hysaj.

(I.A/dosja.al)

Etiketa:

Shto Koment