Aktualitet

Drogë, municion luftarak, tritol dhe granata, arrestohet 46-vjeçari në Kurbin

Pas një kontrolli të banesës, efektivët kanë gjetur dhe sekuestruar në cilësinë e provës materiale 0.5 kg lëndë narkotike, fishekë luftarak, 1 kallëp tritoli dhe një granatë difensive me ndezës të pavendosur.
Featured image of article: Drogë, municion luftarak, tritol dhe granata, arrestohet 46-vjeçari në Kurbin Foto Ilustruese
Përditësuar:

KURBIN– Një 46-vjeçar me inicialet P. G., banues në fshatin Shemrin në Kurbin është vënë në pranga, pasi akuzohet për shitje të lëndëve narkotike dhe për armëmbajtje pa leje. Sipas njoftimit zyrtar, 46-vjeçari mësohet se është prangosur në shtëpinë e tij.

Pas një kontrolli të banesës, efektivët kanë gjetur dhe sekuestruar në cilësinë e provës materiale 0.5 kg lëndë narkotike, fishekë luftarak, 1 kallëp tritoli dhe një granatë difensive me ndezës të pavendosur.

Tashmë i prangosuri akuzohet për veprat penale “Prodhimi dhe shitja e lëndëve narkotike” dhe “Armëmbajtja pa leje”.

Njoftimi i policisë Kurbin

Goditet një rast i veprimtarisë kriminale në fushën e narkotikëve dhe armëmbajtjes pa leje. Finalizohet operacioni policor i koduar “Shemria”, i ndjekur me metoda speciale të hetimit. Vihet në pranga një 46-vjeçar. Sekuestrohen një sasi lënde narkotike e dyshuar cannabis sativa, municion luftarak, kallëp me tritol dhe granatë difensive.

Për më shumë bëhu pjesë e grupit më viral në Facebook, Dosja.al

Specialistët për Hetimin e Trafiqeve dhe Narkotikëve në Drejtorinë Vendore të Policisë Lezhë, në bashkëpunim me Komisariatin e Kurbinit dhe me Prokurorinë e Kurbinit, në vijim të punës për parandalimin, evidentimin dhe goditjen e veprimtarisë kriminale në fushën e narkotikëve dhe të armëmbajtjes pa leje, si dhe në bazë të një hetimi disaditor të ndjekur me metoda speciale të hetimit, organizuan dhe finalizuan operacionin policor të koduar “Shemria”, në kuadër të të cilit arrestuan në flagrancë shtetasin:

P. G., 46 vjeç, banues në fshatin Shemri, Kurbin. Gjatë operacionit, si rezultat i kontrollit të ushtruar në banesën e tij, shërbimet e Policisë gjetën dhe sekuestruan në cilësinë e provës materiale 0.5 kg lëndë narkotike, fishekë luftarak, 1 kallëp tritoli dhe një granatë difensive me ndezës të pavendosur. Materialet i kaluan Prokurorisë së Rrethit Gjyqësor Kurbin, për veprat penale “Prodhimi dhe shitja e lëndëve narkotike” dhe “Armëmbajtja pa leje”.

(f.m/dosja.al)

Shto Koment