Aktualitet

U kapën me kartëmonedha false, arrestohen dy të rinj në Tiranë, si futeshin në karburante dhe kioska

Në njoftim bëhet me dije se dy të rinjve u janë sekuestruar edhe dy celularët që kishin, bashkë me kartëmonedhat false që u janë gjetur gjatë kontrollit.
Featured image of article: U kapën me kartëmonedha false, arrestohen dy të rinj në Tiranë, si futeshin në karburante dhe kioska

TIRANË– Dy të rinj kanë rënë në pranga pasi akuzohen se kanë përdorur para false në pika të ndryshme karburantesh dhe në kioska. Sipas njoftimit zyrtar të policisë, mësohet se dy të rinjtë me inicialet U. M., 19 vjeç, dhe N. P., 19 vjeç, të dy banues në Tiranë janë arrestuar ditën e sotme. 

Në njoftim bëhet me dije se dy të rinjve u janë sekuestruar edhe dy celularët që kishin, bashkë me kartmonedhat false që u janë gjetur gjatë kontrollit.

Njoftimi i policisë Tiranë- Finalizohet operacioni policor i koduar “Euro 2020”. Operacioni, nga Seksioni për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë. Goditet një rast i falsifikimit të monedhave, në pranga 2 të rinj. Sekuestrohen në cilësinë e provës materiale kartëmonedha të falsifikuara dhe aparate celular. Seksioni për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë, në kuadër të operacionit policor të koduar “Euro 2020”, arrestoi në flagrancë shtetasit:

Për më shumë bëhu pjesë e grupit më viral në Facebook, Dosja.al

– U. M., 19 vjeç, banues në Tiranë;

– N. P., 19 vjeç, banues në Tiranë;

Këta dy shtetas dyshohet se në bashkëpunim me njëri-tjetrin, në kohë dhe në vende të ndryshme të kryeqytetit, kanë përdorur kartëmonedha false në disa pika karburanti dhe kioska. Në cilësinë e provës materiale janë sekuestruar dy aparate celular dhe kartëmonedha të falsifikuara. Materialet iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Falsifikimi i monedhave”, kryer në bashkëpunim.

(f.m/dosja.al)

Shto Koment