Aktualitet

Lejonin ndërtime pa leje në Velipojë kundrejt ryshfetit, jepet masa e sigurisë për 2 policët dhe inspektorin e bashkisë

Tre personat e arrestuar dy ditë më parë, kanë dalë sot para gjykatës së shkallës së parë Shkodër, si të akuzuar për shpërdorim detyre. Gjatë seancës dëgjimore, ata i kanë mohuar akuzat e ngritura ndaj tyre.
Featured image of article: Lejonin ndërtime pa leje në Velipojë kundrejt ryshfetit, jepet masa e sigurisë për 2 policët dhe inspektorin e bashkisë

SHKODËR- Është dhënë sot masa e sigurisë “arrest shtëpiak” për dy punonjësit e policisë dhe inspektorin e policisë ndërtimore në Bashkinë Shkodër, të cilët u arrestuan dy ditë më parë, pasi favorizuan ndërtimet pa leje në Velipojë.

Ndonëse se prokuroria i akuzoi për marrje ryshfeti, në këmbim të mundësisë se personave të tretë për të ndërtuar në zonën e mbrojtur të Velipojës, gjykata i dërgoi këto persona në arrest shtepie.

Përparim Zenuni me detyrë Specialist në Hetimin e Krimeve, në Stacionin e Policisë Velipojë, Ruzhdi Bajrakurti me detyrë SPZ, në Stacionin e Policisë Velipojë dhe R.K., me detyrë Inspektor i Policisë Ndërtimore në Bashkinë Shkodër, kanë dalë sot para gjykatës së shkallës së parë Shkodër si të akuzuar për shpërdorim detyre. Para gjyqtares Izabela Radovani ata kanë mohuar akuzat për shkelje.

(a.m/dosja.al)

Shto Koment