Kuriozitete

Laroshja e kuqërremtë, banorja më e re që i është shtuar Peizazhit të Mbrojtur Vjosë-Nartë(FOTO)

Laroshja e kuqërremtë është tashmë edhe banorja më e re e Peizazhit të Mbrojtur Vjosë-Nartë.

NARTË– Gjatë muajit të kaluar, listës së shpendëve të Peizazhit të Mbrojtur Vjosë-Nartë i është shtuar një banor i ri. Këtë herë bëhet fjalë për Laroshen e kuqërremtë ose ndryshe Tadorna ferruginea.

Ndërkohë një vrojtim pararendës në Shqipëri për këtë lloj gjallese është raportuar nga Shoqata Ornitologjike Shqiptare prej vitit 2017.

Postimi i Plotë nga Shpendët e Shqipërisë 

VROJTOHET LLOJ I RI SHPENDI NË PEIZAZHIN E MBROJTUR VJOSË-NARTË

Për të dytën herë brenda muajit tetor, lista e shpendëve të Peizazhit të Mbrojtur Vjosë-Nartë pasurohet me një lloj të ri. Këtë radhë bëhet fjalë për laroshen e kuqërremtë (Tadorna ferruginea).

Për më shumë bëhu pjesë e grupit më viral në Facebook, Dosja.al

Vrojtimi pararendës për këtë lloj në vendin tonë është raportuar nga Shoqata Ornitologjike Shqiptare në vitin 2017, ku një individ është fotografuar në Parkun Kombëtar Divjakë-Karavasta. Në këtë raportim përmendet se edhe në vitin 2014 është gjetur një individ i vrarë i këtij lloji. Raportime të mëhershme, për këtë lloj në vendin tonë pothuajse mungojnë tërësisht edhe pse lloji është i përfshirë në pak lista apo publikime mbi shpendët e Shqipërisë. Kësisoj, ky vrojtim mund të përfaqësojë të tretin në vend për këtë lloj.

Greqia dhe Bullgaria janë vendet më në perëndim të Evropës ku ky lloj është raportuar si folezues. Laroshja e kuqërremtë ka një shtrirje shumë të gjerë folezimi në të gjithë Azinë, në Lindjen e Mesme si dhe në disa vende bregdetare të Afrikës mbi-Ekuatoriale.

Nëse dikush e ka hasur apo ka informacion mbi vrojtime të tjera të këtij lloji në vendin tonë është i lutur të ndajë me ne informacionin.

Faleminderit!

A.C/Dosja.al 

Shto Koment