Aktualitet

“Jemi në vështirësi ekomonike”/Punonjësit e transportit publik sërish në protestë: Duam pagë të dytë lufte, kompania të na bëjnë tamponin çdo ditë

Punonjësit e transportit publik sërish në protestë. Ata kërkojnë pagën e luftës, pasi shprehen se janë në vështirësi ekonomike.
Featured image of article: “Jemi në vështirësi ekomonike”/Punonjësit e transportit publik sërish në protestë: Duam pagë të dytë lufte, kompania të na bëjnë tamponin çdo ditë Foto nga protesta

TIRANË- Shoqata e Transportit Publik ka protestuar sërish sot para ministrisë së Financave. Dhjetëra punonjës kanë kërkuar pagën e dytë e luftës. Për mediet ata janë shprehur se familjet e tyre janë në gjendje të vështirë ekonomike. Po kështu, shoferët dhe faturinot kërkojnë që të rifillojnë punën.

‘Ne edhe po të fillojmë punën tani na duhet të presim një muaj për të marrë pagën, këto 5 muaj ne kemi marrë vetëm 400 mijë lekë dhe nuk mundemi më. Paga e parë e luftës nuk mjafton as për të paguar ujin dhe dritat madje i bie dhe më pak seç merr një i burgosur.”, tha një protestues për Fax News.

Ndërsa, një tjetër u shpeh: “Përveç se të na japin pagën e dytë të luftës, të fillojmë punë dhe kompania të na bëjë tamponin çdo ditë”. 

Për më shumë bëhu pjesë e grupit më viral në Facebook, Dosja.al

Transporti publik është ende “i paralizuar.” Pak ditë më parë, kryetari i Bashkisë Erion Veliaj iu bëri thirrje kompanive të transportit publik urban për të rifilluar shërbimin urban. Veliaj paralajmëroi se ato kompani që nuk do të rinisin nga puna duke mbajtur peng qytetin, do të humbasin licencën. Nga ana tjetër shumë kompani transporti nuk ka nisur punën, pasi kërkojnë plotësimin e kushteve nga qeveria.

(k.m/j.v/ dosja.al)

Shto Koment