Politike

Shembet Teatri Kombëtar, reagon ashpër presidenti Meta: MAFIA urdhëroi shkatërrimin, do kujtohet njësoj si kazmat e diktaturës

Meta shkruan se pamjet do të kujtohen si në kohën e komunizmit kur u shembën kishat dhe xhamiat.
Featured image of article: Shembet Teatri Kombëtar, reagon ashpër presidenti Meta: MAFIA urdhëroi shkatërrimin, do kujtohet njësoj si kazmat e diktaturës Ilir Meta

TIRANË– Presidenti Ilir Meta ka reaguar për shembjen e Teatrit Kombëtar, duke e quajtur veprimin një akt kriminal ndaj trashëgimisë shqiptare. Në reagimin e tij, Meta shkruan se pamjet do të kujtohen si në kohën e komunizmit kur u shembën kishat dhe xhamiat.

“Pak orë më parë, në kulmin e errësirës, MAFIA urdhëroi shkatërrimin, jo vetëm të një prej monumenteve të trashëgimisë kulturore më të rrezikuara të Europës, por edhe të çdo iluzioni për ekzistencën e shtetit të së drejtës në Shqipëri. Dhunimi i njëkohshëm i artistëve dhe gazetarëve është një damkë e zezë për MAFIEN në pushtet. Kjo pamje do kujtohet njësoj si kazmat e diktaturës në ‘67 mbi kishat dhe xhamitë. KY ËSHTË NJË KRIM KUSHTETUES, LIGJOR DHE MORAL I PAAMNISTUESHËM,”-shkruan Meta.

Për më shumë bëhu pjesë e grupit më viral në Facebook, Dosja.al

Gjatë orëve të para të ditës së sotme është shembur godina e Teatrit Kombëtar. Aksioni për shembjen e kësaj godine ka nisur 04:30 të mëngjesit të sotëm, ku pati përplasje.  Mësohet se në Polici janë shoqëruar Gazment Bardhi, Edi Paloka, aktori Neritan Liçaj, Monika Kryemadhi, Robert Budina, Titi Seranaj, Silva Caka dhe dhjetëra qytetarë.

Por përplasjet vijojnë, pak më parë dhjetëra qytetarë çanë kordonin e policisë, në sheshin pranë teatrit. Basha ka paralajmëruar aksion opozitar, ndërsa Kryemadhi iu bëri thirrje shqiptarëve që braktisin gjendjen e fatkeqësisë natyrore.

(k.m/dosja.al)

Një Koment në “Shembet Teatri Kombëtar, reagon ashpër presidenti Meta: MAFIA urdhëroi shkatërrimin, do kujtohet njësoj si kazmat e diktaturës

  1. fjala e pare qe me erdhi dhe sot ne mendje si pas cdo prishjeje naten eshte –uji fle hasmi nuk fle …kjo ka qene parrulla qe e hasnim kudo neper fasada pallatesh ne ate kohen e diktatures po na eshte bere refreni i dites tani ne demokraci

Shto Koment