Politike

Projekti i Unazës së Re/ PD bën kallëzim penal: Prokuroria të nisë hetimet dhe të ndërpresë punimet (VD)

Ish-deputeti Klevis Balliu në një dalje për mediat tha se Prokuroria duhet të nisë menjëherë hetimet për çështjen dhe të pezullojë punimet në zonë.

TIRANË– Partia Demokratike ka depozituar sot kallëzimin penal për projektin e Unazës së Re. Balliu, në emër të PD i ka kërkuar Prokurorisë nisjen e hetimeve dhe pezullimin e menjëhershëm të punimeve tek Unaza e Re.

Ish-deputeti Klevis Balliu në një dalje për mediat tha se Prokuroria duhet të nisë menjëherë hetimet për çështjen dhe të pezullojë punimet në zonë.

“Sot bëmë kallëzimin penal për projektin tek Unaza e Re. Mali me dokumente, prova me fakte që ky projekt ka një qëllim, kullat e vjedhjet jo rrugën. Si ka mundësi që kompania Salillari ka fituar tenderin tek Loti nr.2 edhe pse është tek tenderi nr.1. Kompania nuk ka topograf, nuk është bërë konsulti, qytetar me banorët. Të gjitha shkeljet ligjore. Dhe shkeljet janë faktuar. Kjo prokurori duhet të nisi menjëher hetimet dhe të pezullojë menjëherë punimet tek Unaza e Re. Ata banorë po helmohen me gaz lotsjellës. Duhet të pezullojë punimet menjëherë. Salillari është në konflikt interesi. Këto prokuror nëse nuk pezullojnë punimet atëherë presin që të marrin hyrje tek pallatet e oligarkëve që do të bëhen aty”, u shpreh  Balliu.

Për më shumë bëhu pjesë e grupit më viral në Facebook, Dosja.al

Ish-deputeti theksoi se projekti i “Unazës së Re” është një projekt korruptiv. Pak ditë më parë në Astir u shembën 33 ndërtesa gjatë një aksioni disa orësh të IKMT-së. Nuk muguan përplasjet mes banorëve dhe Policisë, ku kjo e fundit përdori gazinlotsjellës. Pati 12 persona të lënduar.

(a.m/dosja.al)

Shto Koment