Aktualitet

Fshehu paratë në trup dhe tentoi të largohej nga vendi, 55-vjeçarit i sekuestrohen 23 mijë euro në Rinas

Një 55-vjeçari i janë sekuestruar 23 mijë euro pasi tentoi të largohej nga Shqipëria me para të padeklaruara.
Featured image of article: Fshehu paratë në trup dhe tentoi të largohej nga vendi, 55-vjeçarit i sekuestrohen 23 mijë euro në Rinas Paratë e 55-vjeçarit

RINAS- Njw 55-vjeçar wshtw proceduar penalisht pasi nuk ka deklaruar tw hollat nw kufi duke i sekuestruar 23.250 euro.

55-vjeçari me iniciale H.LL.,i do të udhëtonte për jashtë vendit dhe kishte fshehur nw trup paratw duke mos i deklaruar ato.

NJOFTIMI I PLOTË: 

Rinas

Goditet një tjetër rast i mosdeklarimit të të hollave në kufi

Policia Kufitare procedon penalisht një 55 vjeçar. Sekuestrohen 23.250 euro

Në zbatim të detyrave të përcaktuara në Planin e masave për forcimin e kontrollit me qëllim parandalimin, evidentimin dhe goditjen e paligjshmërisë, rreth orës 16.00 është evidentuar dhe goditur një tjetër rast i transfertave të parave në mënyrë të paligjshme jashtë vendit.

Gjatë kontrollit në vijën e dytë të shtetasit H.LL, 55 vjeç, i cili do të udhëtonte për jashtë vendit, shërbimet e Policisë Kufitare i gjetën këtij shtetasi të fshehura në trup 23.250 euro të padeklaruara në doganën e Rinasit, të cilat u sekuestruan në cilësinë e provës materiale.

Në përfundim të veprimeve, materialet do ti kalojnë për veprime të mëtejshme Prokurorisë për veprën penale “Mosdeklarimi në kufi i të hollave dhe i sendeve me vlerë”.

(k.m/dosja.al)

Shto Koment