Aktualitet

Akuzohen për vrasjen e Santiago Malkos, burg në mungesë për 8 anëtarët e klanit ‘DUKA’

Në kërkim nga Policia janë dy vëllezërit Leonard dhe Elis Duka, Xhoni Nica, Oltian Loka, Ilir Selmani, Aleksandër Maxhaku, Dritan Agaj, Fatmir Hyseni (Doqja).
Featured image of article: Akuzohen për vrasjen e Santiago Malkos, burg në mungesë për 8 anëtarët e klanit ‘DUKA’ Santiago Malko, Fatmir Hyseni, Elis Duka, Leonard Duka dhe Ilir Selmani

TIRANË– Gjykata e Krimeve të Rënda ka dhënë në mungesë masën “arrest me burg” për 8 anëtarët e klanit “Duka”, të cilët janë shpallur në kërkim pasi akuzohen për vrasjen e ish-efektivit të Policisë, Santiago Malkos.

Në kërkim nga Policia janë dy vëllezërit Leonard dhe Elis Duka, Xhoni Nica, Oltian Loka, Ilir Selmani, Aleksandër Maxhaku, Dritan Agaj, Fatmir Hyseni (Doqja).

Deri më tani nga anëtarët e bandës është arrestuar; Elvis Gaçaj, i ashtuquajturi “Gabeli”, i cili është lënë gjithashtu në burg nga Gjykata e Durrësit dhe Blendi Teta, i cili luante rolin e informatorit mbi lëvizjet e Malkos.  39-vjeçari ishte i pari i arrestuar për ngjarjen dhe është lënë në burg pa afat nga Gjykata e Tiranës. 

Mëgjithatë brenda pak ditësh pritet që Gjyakata të rivlerësojë masën për arrest me burg. 

Fillimisht dosja “Malko” u hetua nga prokuroria e Tiranës, por kjo e fundit  moskompetencë duke e kaluar çështjën tek Krimet e Rënda.

Për më shumë bëhu pjesë e grupit më viral në Facebook, Dosja.al

Ish-polici Santiago Malko u ekzekutua mbrëmjen e 27 gushtit në zonën e “Xhamllikut” në Tiranë, në makinën e tij tip “BMW X5”. Ai ishte pjesë e bandës së Ervis Martinajt, i njohur ndryshe si bosi i lojërave të fatit.

Malko kishte gjithashtu në pronësi disa pika bastesh sportive. Ai ka qenë i përfshirë në ngjarjen e 4 tetorit 2018, ku dhe ndodhi vrasja e Fabian Gaxhës në ish-Bllok pas një përplasjeje me armë. Gjithashtu ish-polici i vrarë është përfshirë në një sherr me dy vëllezërit Lashi në vitin 2016 për një borxh prej 1 mijë eurosh.

Pas kësaj ngjarje të rëndë, Dosja.al zbuloi skandalin, se Santiago Malko ka qenë pjesë e Inspektoriatit të Mjedisit dhe Pyjeve, ku ka punuar si inspektor edhe pse ka qenë i shpallur në kërkim. 

(k.m/dosja.al)

Shto Koment