Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Politike
Kuvendi mbetet pa opozitën! Murrizi merr deputetët dhe largohet, i hakërrehet Ballës: Ngri ofertën dhe gjej 84 vota!
9 Korrik 2020, 12:47Nga DOSJA
TIRANË -Opozita parlamentare u largua sërish sot nga seanca. Deputeti Myslim Murrizi iu drejtua kreut të Grupit Parlamentar të PS, Taulant Balla, duke e sfiduar për të gjetur 84 vota për miratimin e reformës.
Më pas ftoi kolegët e tij, të opozitës parlamentare, që të braktisnin sallën. Sipas Murrizit, kjo ishte një provë, që opozita e re nuk do të votojë reformën zgjedhore dhe sdo të bëhet pjesë e pazareve të pista.
“Zoti Balla dëgjova me vëmendje gjatë fjalës suaj, sikletin që keni, se doni të qëndroni burra të mirë edhe me ata, edhe me ne, edhe me ca të tjerë. Hallit tuaj ia jep zgjidhjen perfekte kënga e Artjola Toskës “Mirë me vjehrrën, mirë me burrin, fjala e mirë…”. Ne nuk e kemi këtë hall. Zoti Balla ne si opozitë kemi bërë një kërkesë të ligjshme për hapjen e listave. Nuk kemi thënë kurrë kod zgjedhor, por kod zgjedhor sipas rekomandimit të OSBE-së, jo që hajdutët sipas raportit të tyre të numërojnë votat tona. Ju keni një mundësi për ta votuar jashtë kësaj salle, hajde të shkojmë në referendum. Një marrëveshje e ndërtuar mes një deputeti të mazhorancës dhe dy qytetarëve të zakonshëm voutues nuk mund të jetë marrëveshje që të detyrojë deputetët e opozitës ju të mazhorancës keni marrë përsipër që detyroheni nga marrëveshja pas gardhit, që të votoni atë që ju thotë roja e gardhit.. Ne kemi kërkuar lista të hapura kombëtare dhe votim 100% të rekomandimeve të OSBE-së, kemi kërkuar që të ketë prag zgjedhor që askush të hipë në kurriz të kurrëkujt. Kemi kërkuar që votat të numërohen jo nga militant politikë, se ju jeni tre subjekte, ju si vllezrit e tuj dhe partia e krijuar në 2003-shin. Po 74 parti të tjera që marrin pjesë në zgjedhje pse duhet të kenë besim te ju, tre hajdutë, që keni raportin e OSBE-ODHIR që keni vënë dorën te votat e qytetarëve. Ndaj nëse ju si shumicë keni hapur ankand, ju jepni fjaën atyre që janë jashtë sallës, dhe individëve të tjerë që takoni brenda apo jashtë sallës se do të bëni 84 vota, harrojeni. Qyetarët shqiptarë ju kanë dhënë 74 mandate, 1 e morët me klering, me trasta, presione mas gardhit , joshje të cilët kjo sallë i ka provuar prej vitesh, i nderuar zoti Balla ju nuk do i bëni ato vota për të votuar një pazar të pistë që nuk është është as më shumë e as më pak lënia në fuqi e kësaj kushtetute paçavureje të 2008-s. Ju nuk mund të privoni 5 milion shqiptar o të fusin lugën në një supë me krime ose në një supë që mban erë. Vota e tyre në 20121 do të dijë se kë të zgjedhi. Hapni listat nëse doni konsensusin tone dhe komisioner e numërus militant partie që jua premtoni ju dhe ata për të qenë komisarë policie nuk do të ketë. Ne po bëjmë një provë që sot, unë të ftoj zoti Balla ngreje ofertën dhe merri 84 deputetë nga këtej, ftoj kolegët të dalim nga kjo seancë dhe Balla të vijojë merkaton“, tha Murrizi.
.
Opozita parlamentare përsëriti veprimin e javës së kaluar, kur bojkotoi seancën, ndërsa po diskutohej për reformën zgjedhore. Murrizi përsëriti sërish kërkesat e opozitës parlamentare për listat e hapura, heqjen e koalicioneve zgjedhore dhe depolitizimin e administratës. Deputeti kishte paralajmëruar edhe më herët se opozita e re nuk do të bashkojë votat me mazhorancën nëse nuk plotësohen kërkesat e tyre. Gjithashtu pak ditë më parë, deputetët Nimet Musai, Myslim Murrizi, Endmond Stojku dhe Rudina zhvilluan një takim me kryeministrin Edi Rama dhe kreun e grupit parlamentar të PS, Taulant Balla, i cili përfundoi pa sukses.
(k.m./g.sh./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË -Kreu i Grupit Parlamentar të PS, Taulant Balla ka përshëndetur vendimin e ministrit të Jashtëm, Gent Cakaj, për shkarkimin e amsadores shqiptare në...
TIRANË– Partia Demokratike ka kthyer përgjigje zyrtarisht lidhur me ftesën që kryeministri Edi Rama u bëri për organizimin e një tryeze tre palëshe për arr...
Ministrja e Infrastrukturës dhe Energjisë, Belinda Balluku, mori në dorë sot në Kuvend, mbrojtjen e koncesionit 1.2 miliardë euro, për rrugën Milot – Fier. Pasi...
TIRANË– Ish-ministri i Shëndetësisë Ilir Beqja i propozoi qeverisë që gjatë verës, 2 ose 3 fundjava të vendosen pushim për administratën.Ai ka konstatuar ...
Tiranë- Ministrit i Turizmit, Blendi Klosi ka deklaruar në seancën e sotme plenare se të gjitha agjencitë turistike duhet që brenda vitit të mundësojnë qytetarë...
TIRANË– Ministri i Brendshëm, Sandër Lleshaj, ka kërkuar votën e opozitës parlamentare për të miratuar projektligjin për letërnjoftimet biometrike.Në fjalë...
TIRANË- Ministri për Rindërtim, Arben Ahmetaj në seancën e sotme plenare deklaroi se deri në fund të këtij viti do të ndërtohen 140 shkolla. Ai theksoi se ...
TIRANË– Ish-ministri i Shëndetësisë, Ilir Beqja në fjalën e tij në Kuvendin e Shqipërisë ka shprehur rezervat e tij lidhur me “luftën” e koronavirusit. Në ...
TIRANË– Ministrja e Shëndetësisë, Ogerta Manastirliu, solli në Kuvend detaje nga gjendja e të infektuarve me koronavirus në spitalin Infektiv. Ajo u shpreh...