Politike

Basha zbut tonet, thirrje qytetarëve: Refuzoni zgjedhjet…asnjë fjalë për pamundësimin e tyre

Kryedemokrati Lulzim Basha ka ftuar qytetarët që të bojkotojnë zgjedhejet e 30 qershorit. Sipas tij, zgjedhjet janë farsë. Basha nuk la pa pëmendur as padinë ndaj gazetarit gjerman, Peter Tiede.
Featured image of article: Basha zbut tonet, thirrje qytetarëve: Refuzoni zgjedhjet…asnjë fjalë për pamundësimin e tyre Lulzim Basha

TIRANË– Kreu i PD-së, Lulzim Basha në një deklaratë për mediat ka folur lidhur me situatën poltike në vend.

Kur edhe 5 ditë na ndajnë nga dita e zgjedhjeve lokale, Basha i bëri edhe njëherë apel qytetarëve që të bojkotojnë 30 qershoriun me pretendimin se ato janë farsë.

Nga thirrja e fundit e Bashës vihet re zbutja e toneve të krydemokratit, i cili në deklaratën e sotme nuk ka bërë asnjë njoftim për dhunë dhe përplasje mes qytetarëve në KZAZ-të e votimit.

Gjithashtu Basha, nuk ka lënë pa mos përmendur edhe padinë e kryeministrit Edi Ram ndaj gazetarit gjerman Peter Tiede.

Sipas Bashës, avokati i Ramës, Matthew Prinz ishte një ndër më të shtrenjtët në Gjermani dhe paguhej plot 13 euro për minutë.

Ditën e sotme, kryedemokrati ka zhvilluar takime me takimet që ai pati sot me ambasadorët e huaj. Fillimisht seliën blu e ka vizituar  e ngarkuara me punë e SHBA-së në Shqipëri Leyla Moses-Ones, e cila ka qëndruar në takim për 90 minuta. Takim, ky që u pasua nga një tjetër me diplomatin e BE-së në Tiranë, Luigi Soreca.

(k.m/dosja.al)

  • 22:05

    Zgjedhjet e 30 qershorit, Basha thirrje qytetarëve: Mos votoni!

    Krydemokrati Lulzim Basha i ka kërkuar qytetarëve që të braktisin zgjedhjet e 30 qershorit.

    Sipas Bashës, zgjedhjet lokale nuk do të njihen dhe do të konsiderohen nul duke e cilësuar si mënyrën më të mirë për të përshpejtuar rënien e Ramës.

    “Ju ftoj që të mos dilni të mos bëheni pjesë e kësaj farse, e cila i shërben vetëm krimit dhe pushtetit personal të Edi Ramës,”-thotë Basha.

    Pjesë nga fjala e Bashës:

    Mënyra më e mirë për të përshpejtuar rënien e Edi Ramës, është braktisja e tij, është braktisja e oborrit të tij të kriminelëve, të klientëve, shërbëtorëve dhe veglave të tij.

    Braktisini oligarkët e tij!

    Braktisini mediat e tij!

    Braktisini shërbëtorët e tij publikë!

    Ngrini zërin kundër tyre!

    Protestoni kundër tyre!

    Pengojini ata!

    Mos besoni propagandën e Edi Ramës!

    Mos besoni gënjeshtrat e lakejve të tij!

    Mos u bëni pjesë e shfaqjeve banale, që Edi Rama prodhon me mitingjet dhe aktivitetet e tij!

    Refuzojeni Edi Ramën!

    Refuzojini biznesmenët e tij grabitqarë!

    Refuzojini kriminelët që ai mban pranë!

    Refuzojini ata moralisht!

    Refuzojini shpirtërisht!

    Mbi të gjitha, braktiseni Edi Ramën politikisht!

    Unë e di se shumë njerëz të ndershëm, që punojnë në administratën publike apo që kanë biznese të vogla, apo veprimtari të tjera që kontrollohen nga inspektorët, policët apo veglat e tjera të Edi Ramës, janë nën terror për të dalë të dielën në zgjedhje.

    Por unë ju ftoj që t’i braktisni!

    Ju ftoj që të mos dilni të mos bëheni pjesë e kësaj farse, e cila i shërben vetëm krimit dhe pushtetit personal të Edi Ramës

    Këto zgjedhje janë nul.

    Ato nuk do të njihen.

    Ato nuk do të jenë.

    Ju ftoj t’i dënoni ato me braktisjen tuaj.

    Ata që ju nxisin drejt tyre, nuk kanë në zemër as interesin tuaj, as sigurinë tuaj, as të ardhmen e fëmijëve tuaj.

    Unë dhe opozita do të bëjmë çdo gjë që mundemi kudhër kësaj farse të paligjshme dhe kriminale!

    Ju ftoj edhe juve të bëni tuajën duke i braktisur.

    Ju siguroj se çdo gjë do të bëhet mirë.

    Ju siguroj se fundi i Edi Ramës është pranë.

    Ju siguroj se Shqipëria ka mundësitë dhe forcën të dalë nga gremina ku ka rënë dhe të fillojë të ndërtojë një të ardhme të denjë, si cdo vend tjetër europian.

    Ne jemi shumica! Dhe ne jemi më të fortë se e keqja!

  • 21:31

    Basha paralajmëron kryeministrin: Fati i Ramës, më i keq se i Ramiz Alisë

    Kreu i Partisë Demokratike, Lulzim Basha, akuzoi edhe njëherë kryeministrin Rama se po kërkon të mbajë zgjedhje farsë pa opozitën, njësoj si votimet në diktaturë.

    Lideri demokrat paralajmëroi se fati i Edi Ramës do të jetë më i keq se ai i Ramiz Alisë.

    Edi Rama po përpiqet të bëjë edhe gjënë e fundit që bën çdo autokrat për ta mbajtur pushtetin: zgjedhje farsë. Por ky do të jetë fundi i tij. Jo shumë kohë më pare Shqipëria jetonte nën diktaturën kriminale të Enver Hoxhës. Edhe atëhere kishte votime.

    Njerëzit shkonin në qendrat e votimit, merrnin një fletë votimi, në të cilën kishte vetëm një emër dhe hidhnin fletën në kuti, pa asnjë fshehtësi. Ndërkohë,kudo buçiste propaganda shtetërore se vota ishte plumb për armikun, se armiku nuk donte që populli të votonte për partinë.

    Votimet farsë, nën frikë dhe terror, ishin një nga elementët kryesorë të diktaturës. Edhe kur diktatura po rrënohej, nën falimentimin ekonomik dhe peshën e krimeve të veta, Ramiz Alia u përpoq ta shpëtonte me zgjedhje farsë.

    Kur komunzimi ra kudo në lindje, kur pluralizmi dhe liria triumfuan mbi robërinë, Ramiz Alia deshi t’u shiste shqiptarëve të etur për liri, pluralizëm fallso.

    U përpoq të bënte në shkurt 1991 zgjedhje gjoja pluraliste me organizatat e rinisë dhe të grave komuniste, por dështoi, sepse njerëzit nuk u mashtruan, sepse shqiptarët donin lirinë e vërtetë. Tre dekada më vonë. Jemi kthyer në të njëjtën situate.

    Shqipëria është sot e rrënuar ekonomikisht.

    Krimet shtetërore janë bërë të padurueshme.

    Demokracia ka rënë.

    Edi Rama po kërkon të mbajë zgjedhje farsë, gjoja demokratike për të zgjatur jetën e regjimit të tij kriminal dhe autokratik, edhe për pak. Njësoj si më 1991, qytetarët ftohen të shkojnë në qendra votimi, të marrin një fletë votimi, në të cilën ka një emër dhe ta hedhin atë në një kuti, pa asnjë fshehtësi. Njësoj si atëherë, vota është shpallur plumb kundër armiqve të regjimit.

    Njësoj si atëherë, regjimi mundohet të shtypë pakënaqësinë e njerëzve. Ramiz Alia nuk e shpëtoi dot regjimin kriminal enverist.As Edi Rama nuk do ta shpëtojë dot regjimin e tij kriminal. Por fati i Edi Ramës duket se do të jetë më i keq se i Ramiz Alisë. Ramiz Alia i anulloi zgjedhjet e shkurtit 1991 për t’i hapur rrugë zgjedhjeve pluraliste. Edi Rama ka vendosur t’i bëjë zgjedhjet e tij njëpartiake”, theksoi Basha.

  • 21:20

    Basha ngroh zemrat e demokrateve, pamja e kreut të PD-së nuk ka të sharë

    TIRANË- Mbrëmjen e sotme, kryedemokrati Lulzim Basha dalë një konferencë për shtyp lidhur me zhvillimet më të fundit në vend.

    Ajo që bie në sy është “look-u” i ri i kryedemokratit Basha, i cili kishte veshur vetëm një këmishë të bardhë dhe një kollare me vija të kuqe.

    Veshja e sotme ka sjellë një rifreskim në pamjen e kryedemokratit dhe kjo gjë nuk ka kaluar në sytë e simpatizantëve të tij që e ndiqnin live teksa Basha fliste nga selia e PD-së.

  • 21:08

    Padia e Ramës ndaj gazetarit gjerman, Basha: Avokati kërkon 13 euro në minutë

    Kryedemokrati Lulzim Basha foli për padinë e kryeministrit Edi Rama ndaj gazetarit gjerman Peter Tiede për audio-përgjimet e publikuara tek Bild.

    Basha thotë se lidhur me këtë çështje Rama ka punësuar avokatin e milionerëve dhe sulltanëve i cili sipas Bashës është më i shtrenjti në Europë dhe faturon të paktën 13 euro për minutë.

    Pjesë nga fjala e Bashës:

    Sot, Edi Rama shpalli se ka pajtuar një avokat gjerman kundër gazetarit Peter Tiede.  Është një nga avokatët më të shtrenjtë në Europë, që faturon të paktën 13 euro për minutë. Të gjithë klientët e këtij avokati janë multimilionerë dhe miliarderë dhe, mes tyre mbretër, dhe sulltanë. Nuk është e rastësishme që në këtë listë do të jetë edhe Rama. Padia që ka bërë mund të kushtojë qindra mijëra euro. Po nuk i ka asgjë. Nuk ka asnjë dyshim se ai ka qënë përfituesi i trafikut të drogës. Etja për para dhe pushtet e çuan në krahët e krimit. Në emër të krimit Edi Rama paska vendosur të padisë një gazetar perëndimor duke paguar një avokat me paratë që iu vjedh shqiptarëve. Mbrojte totale dhe pandëshkueshmëri ndaj krimit dhe korrupsioni. Tani po përpiqet të bëjë edhe zgjedhje farsë. Por ky do të jetë fundi i tij.  Jemi kthyer në të njëjtën situatë. Shqipëria është e rrënuar, demokracia ka rënë. Edi Rama do zgjedhje farsë.

Shto Koment