Aktualitet

Kapet hajduti i makinave në Tiranë, më parë ishte dënuar për përdhunim e grabitje (EMRI)

Genc Logu në bashkëpunim me tre persona të tjerë kanë vjedhur në zonën e Don Boskos dhe në rrugën “Artan Lenja” dy automjete.
Featured image of article: Kapet hajduti i makinave në Tiranë, më parë ishte dënuar për përdhunim e grabitje (EMRI) Genc Gogu

TIRANË– Genc Logu, 28 vjeç është arrestuar nga Policia e Tiranës pasi ishte shpallur në kërkim për një vjedhje të kryer në bashkëpunim.

Ai në bashkëpunim me tre persona të tjerë kanë vjedhur në zonën e Don Boskos dhe në rrugën “Artan Lenja” dy automjete.

Lidhur me akuzën, Gjykata e Tiranës e kishte dënuar të riun me 4 vjet burg në mungesë .

Por Genc Logu nuk është i panjohur për Policinë pasi ka precedentë penalë të mëparshëm.  Në maj të viti 2009 ai është akuzuar për përdhunim nga një 16 vjeçare, ndërsa edhe para kësaj ngjarje ai ishte në kërkim për vjedhje.

Në vitin 2017, Logu u arrestua nga Policia italiane për t’u ekstraduar në Gjermani pasi në këtë shtet ishte shpallur në kërkim për vjedhje.

NJOFTIMI I POLICISË:

Tiranë

Vijon zbatimi i planit të masave për kapjen dhe vënien para përgjegjësisë ligjore të personave të shpallur në kërkim.

Kapet dhe ndalohet nga Komisariati i Policisë Nr.2, një shtetas i shpallur në kërkim për “Vjedhje të kryer në bashkëpunim”, i dënuar me 4 vjet burg nga Gjykata e Rrethit Gjyqësor Tiranë.

Shërbimet e Policisë të Komisariatit Nr.2, në zbatim të planit të masave “Për kapjen dhe vënien para përgjegjësisë ligjore të personave të shpallur në kërkim”, lokalizuan, kapën dhe ndaluan shtetasin e shpallur në kërkim:

Genc Logu, 28 vjeç, banues në Tiranë (me precedentë të mëparshëm penal).

Gjykata e Rrethit Gjyqësor Tiranë e ka dënuar me 4 vite burg, për veprën penale “Vjedhje të kryer në bashkëpunim”, pasi në bashkëpunim me tre shtetas të tjerë kanë vjedhur në zonën e Don Boskos dhe në rrugën “Artan Lenja” dy automjete.

Materialet iu referuan Prokurorisë së Rrethit Gjyqësor Tiranë për veprime të mëtejshme.

Shto Koment