Politike

Bashkëqeverisja/ Rama sulmon “KÇK” dhe bandat: Ligj special, s’do t’i gëzoni paratë e pista dhe pronat e grabitura

  • Strazimiri: Atentati, prishje pazari mes bandave, ti je kreu i 'KÇK’
  • Shefi i qeverisë tha se shumë shpejt do të miratohet një ligj special për këtë grup, që do të jetë një ofensivë totale ndaj krimit dhe "KCK'. Ai paralajmëroi bandat kriminale kur tha se nuk do t'i gëzojnë dot paratë e pista dhe pronat e grabitura.
    Featured image of article: Bashkëqeverisja/ Rama sulmon “KÇK” dhe bandat: Ligj special, s’do t’i gëzoni paratë e pista dhe pronat e grabitura Kryeministri Edi Rama

    TIRANË– 2 ditë pasi ka munguar në çdo dalje të programuar, duke anuluar disa takime, kryeministri Edi Rama u rishfaq sot në sallën e Hartave në Kryeministri, ku dëgjoi ankesat dhe problemet e zgjidhura nga platforma qeveritare, ‘Shqipëriaqëduam.al’.

    E teksa qytetarët shprehën shqetësimet për funksionimin e Kadastrës, Ramës i doli në “shteg”, një nga çështjet e tij të preferuara të kohëve të fundit. Grupi  “KÇK (Kap ç’të kapësh), ku sipas tij bëjnë pjesë gjyqtarë dhe prokurorë që s’kanë kaluar Vettingun ende por e dinë që do të shkarkohen dhe shfrytëzojnë kohën e mbetur.

    Për më shumë bëhu pjesë e grupit më viral në Facebook, Dosja.al

    Shefi i qeverisë tha se shumë shpejt do të miratohet një ligj special për këtë grup, që do të jetë një ofensivë totale ndaj krimit dhe “KCK’. Ai paralajmëroi bandat kriminale kur tha se nuk do t’i gëzojnë dot paratë e pista dhe pronat e grabitura.

    (F.g;k.m/dosja.al)

    • 11:42

      Qytetari rrëfehet tek Rama: E kam pësuar nga KÇK, zura mend dhe u paraqita tek ta

      Në takimin e bashkëqeverisjes një qytetar ka treguar rastin e tij, ku tha se ishte përballur me KÇK-në dhe e kishte pësuar. Ai u shpreh se kishte shkuar tek KÇK pasi kishte zënë mend dhe në fund i kishte shkruar Ramës dhe e kishte gjetur zgjidhje.

      Qyetari Rebani: Jam pak fugurë e njohur për këto unë.

      Rama: Ku ka lab që nuk është i njohur.

      Rebaniu: Kam pasur probleme që nuk e kam nisur atë, kam pasur probleme në vitin e parë dhe të dytë, por më shumë të fyejnë se për lekë nuk më bën shumë përshtypje mua. Le ti mbajnë ua jap, po të fyejnë në dinjitet. Po kush je ti? Ligji ma jep e ti s’ma jep? Po unë e zgjidh nga ana institucionale, kam vajtur tek drejtoria e Doganave, ministres i kam shkruar dhe deri sa ajo caktoi një djal për këtë punë. Unë nuk e njoh fare, por vetëm komunikimi i tij më ka bërë përshtypje për atë që është. Ka qenë i ministrisë së Financave dhe më ka bërë përshtypje. E kam provuar unë njëherë më parpara, për atë KÇK që ti thua. Po atyre ushqimi u shkon i përgatitur, po nga kush i vete. E provova njëherë kryeneç, dënim me kusht dy vjet. Dhe mallokja veten kur vija në Durrës, ku jeton Rebani. Tani vura mend për herë të dytë u paraqita tek KÇK-ja duam apo nuk duam ky është realiteti që jetojmë. Unë pastaj u shkrova juve, por nuk duhet të funksionojë kështu se kjo është hallka e fundit, po ato insticionet për ça janë?

      Rama: Ke shumë të drejtë, por shyqyr që jemi dhe këtu.

    • 11:42

      “S’do t’i gëzoni paratë e pista”, Rama ‘luftë’ kodesh me bandat: Duan t’i pastrojnë në zona turistike

      Një mesazh për kriminelët dhe bandat, kryeministri Edi Rama e dha nga mbledhja e përjavshme e bashkëqeverisjes. Teksa dëgjoi ankesën e një qytetari për Kadastrën e Durrësit, Rama tha se paratë e krimit, nuk do të gëzohen dhe as pasuritë e grabitura prej tyre. “Na preke në një plagë të hapur që është Kadastra e Durrësit. Ligji special dhe masat speciale kundër KÇK do ta çlirojnë kadastrën e Durrësit dhe ato të shqipërisë nga rrethimi që është mbledhur prej shumë e shumë vitesh. Krimi i organizuar po përpiqet të shpërlajë paratë e pista në zona turistike. Por nuk do t’i gëzojnë. E kam dëgjuar këtë, që s’do të funksionojë kështu. Por të funksionojë siç duhet, duhet të kemi shtetin modern evropian, që s’bëhet sa hap e mbyll sytë, dhe aq më tepër t’a ndërtosh nga gërmadhat. Megjithatë jam dakord me ato që the dhe përsëri po të them, se sa kanë ‘shirë nuk do shinë’. Çfarë kanë grabitur s’do e gëzojnë.”-tha Rama.

      Deklarata e kryeministrit Edi Rama vjen pak ditë pas atentatit që ndodhi në Shkozet, ku prokurori i sulmuar nga qeveria, Arjan Ndoja ra pre e një atentati. Rama e quajti Ndojën në tetor një prokuror që punon për bandat, pasi ai arrestoi drejtorin e Kadastrës Durrës, Liridon Pula. Sipas Braçes, arsyeja e arrestimit ishte lobimi i prokurorit për regjistrimin e pronave të bandave në Gjirin e Lalëzit, një zonë turistike, tejet e lakmuar, që Rama iu referua sot pa e përmendur.

    • 11:42

      ‘Xhakajdurët e drejtësisë do i kapi fshesa’, Rama nuk i ndahet KÇK-së: Organizata më e rrezikshme, mban veshur petkun e ligjit

      Kryeministri Edi Rama ka premtuar sërish masa të rrepta kundër asaj që ai e quan organizatën kriminale të ashtuquajtur KÇK. Në takimin e përjavshëm me qytetarët, Rama është ndalur sërish tek sistemi i drejtësisë teksa ka premtuar se qeveria ka nisur përgatitjet për ligjin kundër grupeve kriminale.

      “Ka nisur pastrimi i drejtësisë i cili kërkon kohë dhe shumë nga xhakajdurët që janë në sistem e dinë që nuk kalojnë dot Vettingun. Ata janë lëshuar në KÇK dhe do t’i kapi fshesa. Është organizata më e rrezikshme që vepron në vend. Është veshur me petkun e ligjin dhe funksionojnë si organizatë hajdutash ordinerë. Për KÇK po bëhemi gati, paralelisht me një ligj special për ta çuar luftën kundër krimit në një nivel të pandodhur më parë dhe me rezultate të garantuara. Ne do të çojmë në parlament edhe disa masa speciale ndaj anëtarëve të KÇK. Nuk mund që të them dot më shumë. Të gjithë do të shohin në praktikë rezultatet e një ofensive frontale që qeveria do të marrë qoftë ndaj krimit të organizuar, qoftë nga KÇK,“-tha Rama. 

    Shto Koment