Aktualitet

Nervozizmi shpëton 30-vjeçaren, do dërgohej për prostitucion në Itali, Policia kupton skemën dhe shkatërron ‘bandën’

Menjëherë Policia ka arrestuar 30-vjeçarin me iniciale E. Ç., i cili sapo ka kuptuar që skema është zbuluar ka tentuar të largohet nga aeroporti.
Featured image of article: Nervozizmi shpëton 30-vjeçaren, do dërgohej për prostitucion në Itali, Policia kupton skemën dhe shkatërron ‘bandën’ Foto ilustruse

TIRANË– Një 40-vjeçar është arrestuar nga Policia pasi akuzohet se në bashkëpunim me disa persona të tjerë ka tentuar që të trafikojë për prostitucion një grua.

E reja që do të dërgohej në Itali ka ngritur dyshime tek Policia Kufitare në momentin që po intervistohej për të shpjeguar lëvizjen e saj. Menjëherë Policia ka arrestuar 30-vjeçarin me iniciale E. Ç., i cili sapo ka kuptuar që skema është zbuluar ka tentuar të largohet nga aeroporti.

Në kërkim janë shpallur edhe tre persona të tjerë me iniciale A. Ç., R. Xh., dhe K. Q., dhe vijon puna për kapjen e tyre. Të katër këta persona kanë dhunuar  30-vjeçaren që ajo të pranonte të shfrytëzohej për prostitucion në Itali.

NJOFTIMI I PLOTË:

Rinas

Finalizohet një tjetër operacion për parandalimin dhe goditjen e tentativës për trafikim të femrave me qëllim shfrytëzimin për prostitucion.

Seksioni për Hetimin e Trafiqeve të Paligjshme në Drejtorinë Vendore të Policisë Tiranë në bashkëpunim me Policinë Kufitare të Rinasit finalizoi me suksese operacionin policor të koduar “RETURN”.

Vihet në pranga një shtetas, si dhe shpallen në kërkim tre të tjerë.

Për më shumë bëhu pjesë e grupit më viral në Facebook, Dosja.al

Në vijim të operacioneve të njëpasnjëshme të zhvilluara nga Policia Kufitare e Rinasit në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë, për parandalimin dhe goditjen e veprimtarisë kriminale në fushën e trafikimit të femrave nëpërmjet aeroportit të Rinasit me qëllim shfrytëzimin për prostitucion në vendet e BE-së, është zhvilluar dhe finalizuar një tjetër operacion i koduar “Return”, si rezultat i të cilit u arrestua në flagrancë shtetasi:

– E. Ç., 40 vjeç, banues në Tiranë.

Shërbimet e Policisë Kufitare Rinas gjatë intervistimit të një 30-vjeçareje nga Fieri kanë dyshuar në thëniet e saj për qëllimin e lëvizjes drejt Italisë dhe menjëherë kanë bërë bllokimin e saj duke njoftuar Seksionin për Hetimin e Trafiqeve të Paligjshme në DVP Tiranë.

Si rezulat i hetimeve të shpejta dhe profesionale të kryera nga Specialistët e Seksionit për Hetimin e Trafiqeve të Paligjshme në DVP Tiranë u bë e mundur zbardhja dhe dokumentimi i këtij rasti kriminal, si dhe kapja e arrestimi në flagrancë i shtetasit E. Ç., i cili do shoqëronte 30-vjeçaren drejt Italisë. Shtetasi E. Ç., në momentin që ka parë bllokimin e 30-vjeçares ka tentuar të largohet nga aeroporti, por është kapur nga shërbimet e Policisë.

Po në vijim të veprimeve të para hetimore është bërë shpallja në kërkim e tre shtetasve A. Ç., R. Xh., dhe K. Q., dhe vijon puna për kapjen e tyre.

Nga hetimet rezultoi se shtetasi i arrestuar në bashkëpunim me shtetasit A. Ç., R. Xh., dhe K. Q., nëpërmjet përdorimit të dhunës kishin detyruar 30-vjeçaren që ajo të pranonte të shfrytëzohej për prostitucion në Itali dhe këta shtetas mbrëmjen e djeshme kishin organizuar trafikimin e saj nëpërmjet aeroporit të Rinasit.

Materialet i kaluan Prokurorisë pranë Gjykatës së Shkallës së Parë për Krimet e Rënda Tiranë, për veprime të mëtejshme hetimore për veprat penale të “Trafikim i personave të rritur” dhe “Shfrytëzimi i prostitucionit kryer në bashkëpunim”.

(k.m/dosja.al)

Shto Koment