Politike

Integrimi i Shqipërisë/ Soreca: Angazhimi i BE-së mbetet i palëkundur, përqendrohuni tek Reforma

Përmes një postimi në Twitter, Soreca shprehet se  autoritetet shqiptare duhet të vazhdojnë të përqendrohen në procesin e reformave, pasi kjo është e vetmja rrugë  që do ta çojë Shqipërinë drejt destinacionit të saj.
Featured image of article: Integrimi i Shqipërisë/ Soreca: Angazhimi i BE-së mbetet i palëkundur, përqendrohuni tek Reforma Luiggi Soreca

TIRANË– Ambasadori i BE-së në vendin tonë, Luigi Soreca ka garantuar se angazhimi i BE-së mbetet i palëkundur për integrimin e Shqipërisë.

Përmes një postimi në Twitter, Soreca shprehet se  autoritetet shqiptare duhet të vazhdojnë të përqendrohen në procesin e reformave, pasi kjo është e vetmja rrugë  që do ta çojë Shqipërinë drejt destinacionit të saj.

“Angazhimi i #EU 🇪🇺 për integrimin në BE të #Albania 🇦🇱 mbetet i palëkundur. BE do të vazhdojë të mbështesë fuqimisht rrugën e Shqipërisë në BE, për të sjellë përsëri popullin shqiptar në familjen që i përket. Autoritetet shqiptare duhet të vazhdojnë të përqëndrohen në procesin e reformave, e vetmja rrugë që do ta çojë Shqipërinë drejt destinacionit të saj. Jo për BE-në, por për Shqipërinë dhe për të gjithë qytetarët e saj, për përparimin e vendit drejt standardeve më të larta për sa i përket #demokracisë dhe ligjit”, shkruan ambasadori Soreca në Twitter.

Pak ditë më parë KE vendosi që të mos hapë negociatat me Shqipërinë dhe Maqedoninë e Veriut. Në dy ditë diskutimeve mes liderëve të BE, nuk pati një vendim unanim kër çeljen e dritës jeshile. Ishte Franca, Danimarka dhe Holanda që nuk ishin të bindura për Shqipërinë dhe Maqedoninë e Veriut duke shtyrë diskutimet për në maj 2020. Maqedonia e Veriut do të shkojë në zgjedhje të parakohshme, ndërsa qeveria shqiptare ka bërë fajtore BE-në për këtë vendim negativ.

(a.m/dosja.al)

Shto Koment